Artsakhpress

Հասարակական

Ստացվել են տվյալներ, որոնք փոխում են Երկրի ձեւավորման պատմությունը

Ստացվել են տվյալներ, որոնք փոխում են Երկրի ձեւավորման պատմությունը:

Ստացվել են տվյալներ, որոնք փոխում են Երկրի ձեւավորման պատմությունը

Ստացվել են տվյալներ, որոնք փոխում են Երկրի ձեւավորման պատմությունը
ՍՏԵՓԱՆԱԿԵՐՏ, 22 փետրվարի, ԱՐՑԱԽՊՐԵՍ։ Մեր մոլորակի ձեւավորման նոր տեսությունն առաջ են քաշել Կոմեպենհագենի համալսարանի գիտնականները, հաղորդում է News.am-ը:
Հետազոտողների խոսքով՝  Արեգակնային համակարգի բոլոր մոլորակներն ու երկնաքարերը պարունակում են Fe-56 եւ Fe-54 երկաթի բնական իզոտոպներ: Դրանց քանակային հարաբերակցությունը միանման է, օրինակ, ինչպես Լուսնի եւ Մարսի մոտ, իսկ Երկրի մոտ Fe-54 տարրն ավելի քիչ է: Ինչպես պարզվել է, մեր մոլորակի հետ ամբողջովին նույն կազմն ունեցող երկնաքարային նյութի բնական տեսակ են խոնդրիտները՝ մասնիկներ, որոնք ձեւավորվում են փոշուց, որոնք պարունակվում են ամբողջ Արեգակնային համակարգում:
Այդ տվյալները, ինչպես հայտնել է աշխատանքի առաջատար հեղինակ, դոցենտ Մարտին Շիլլերը, թույլ են տալիս ասել, որ Երկիրը ձեւավորվել է տիեզերական փոշու կուտակման, այլ ոչ թե տարբեր երկնային մարմինների բախման արդյունքում:    
«Եթե մեր մոլորակը ձեւավորվել է այլ՝ քիչ թե շատ խոշոր օբյեկտների հետ բախումից հետո, ապա երկաթի կազմը միանման չէր լինի երկնաքարի միայն մեկ տեսակի հետ: Մեր տեսության համաձայն՝ Երկրի երկաթային միջուկը ձեւավորվել է պրոտոմոլորակային սկավառակին խոնդրիտների փոշու մասնիկների գրավման ընթացքում: Դա ավելի արագ պրոցես է, քան խոշոր տարրերի ակկրեցիան, այն տեւել է առնվազն 5 մլն տարի»,- բացատրել է գիտնականը՝ հիշեցնելով, որ ավանդական մոդելի համաձայն՝ մեր մոլորակը ձեւավորվել է մոտ տասնյակ միլիոնավոր տարիների ընթացքում:    
Շիլլերը նշել է, որ եթե համեմատենք Արեգակնային համակարգի գոյատեւման 4,6 մլրդ տարին 24-ժամային շրջանի հետ, ապա Երկիրը ձեւավորվել է գրեթե 1,5 րոպեի ընթացքում:
Հետազոտության համահեղինակ Մարտին Բիզարրոն հավելել է, որ այդ տեսության ճշմարտացիության դեպքում ակնհայտ կդառնա նաեւ ջրի առաջացումը՝ այն դարձել է այդ պրոցեսի կողմնակի էֆեկտի արդյունք: Գիտնականն ասել է, որ ձեւավորման մեխանիզմը ակտուալ է նաեւ Տիեզերքի բոլոր մասերի համար, ինչը կարող է այլ գալակտիկաներում կյանքի պայմանների առկայության հավելյալ ապացույց դառնալ:    

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Երեք զինծառայողի մոտ կորոնավիրուս է հայտնաբերվել. 32 զինծառայողից կատարվել է նմուշառում

Ժամանակավորապես արգելվում է մուտքը Հայաստանից Արցախ. կան բացառություններ

ԱՀ ոստիկանությունը հայտնաբերել է Facebook-ի մեսենջերում կեղծ լուրեր տարածողին

Նոր զարգացումներ Արցախում․ պայքարը թեժանում է

Արցախում կորոնավիրուսային վարակի տարածումը կանխելու նպատակով կասկածելի անձանցից նմուշառումը իրականացվում է՝ հաշվի առնելով կլինիկակական ախտանշանները

Արցախում կորոնավիրուսի վարակման դեպք չի արձանագրվել. 3 մեկուսացված քաղաքացի կա. ԱՀ ԱՆ

Հեռախոսակապի ծառայությունները և շարժական համացանցը ժամանակավորապես կաշխատեն խափանումներով

Արցախի ընտրություններին մեկնող դիտորդներն արագ թեստավորում կանցնեն

Նախորդ օրը մեկուսացված 3 քաղաքացիների մոտ Նոր կորոնավիրուսի վարակ չի հայտնաբերվել. ԱՀ ԱՆ

Search