Artsakhpress

Հասարակական

Ամենայն Հայոց Կաթողիկոսն ընդունել է Մոլդովայի խորհրդարանի նախագահին

Փետրվարի 24-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Մոլդովայի Հանրապետության Խորհրդարանի նախագահ Զինաիդա Գրեչանիի գլխավորած պատվիրակությանը՝ ուղեկցությամբ ՀՀ Ազգային ժողովի նախագահի տեղակալ Լենա Նազարյանի:

Ամենայն Հայոց Կաթողիկոսն ընդունել է Մոլդովայի խորհրդարանի նախագահին

Ամենայն Հայոց Կաթողիկոսն ընդունել է Մոլդովայի խորհրդարանի նախագահին
ՍՏԵՓԱՆԱԿԵՐՏ, 24 փետրվարի, ԱՐՑԱԽՊՐԵՍ։ Ամենայն Հայոց Կաթողիկոսը, ողջունելով խորհրդարանի նախագահի այցը Հայաստան, ուրախությամբ հաստատեց, որ երկու երկրների միջև հարաբերությունները շարունակում են սերտանալ: Նորին Սրբությունն ընդգծեց, որ նմանօրինակ բարձր մակարդակի այցելություններն իրենց նպաստն են բերում երկու պետությունների բարեկամական կապերի առավել ամրապնդմանն ու գործակցության զարգացմանը: Այս առումով Վեհափառ Հայրապետը կարևորեց նաև հայ-մոլդովական միջխորհրդարական բարեկամության խմբի առաքելությունը:
Զրույցի ընթացքում Նորին Սրբությունը գոհունակությամբ արձանագրեց, որ դեռևս 6 դար առաջ Մոլդովայում հաստատված հայ ժողովրդի զավակները կարողացել են կազմակերպել իրենց ազգային և հոգևոր կյանքը՝ իրենց կարևոր ներդրումը բերելով երկրի զարգացման գործում: Անդրադառնալով հայ համայնքի ներկայիս կյանքին և Մոլդովա կատարած իր հովվապետական այցի տպավորություններին՝ Հայոց Հովվապետն իր երախտագիտությունը հայտնեց Մոլդովայի իշխանություններին համայնքի հանդեպ ցուցաբերվող ջերմ և հոգատար վերաբերմունքի համար՝ կարևորելով նաև հայ համայնքի դերը երկու երկրների փոխհարաբերությունների զորացման գործում: Վեհափառը ձևավորված հայ-մոլդովական բարեկամության իբրև վկայություն նկատեց պատվիրակության կազմում Մոլդովայի հայ համայնքի նախագահ և Խորհրդարանի պատգամավոր Հայկ Վարդանյանի ընդգրկումը։
Իր հերթին Մոլդովայի Խորհրդարանի նախագահ Զինաիդա Գրեչանին ջերմորեն արտահայտվեց երկու ժողովուրդների բարեկամության և բազմադարյա առնչակցությունների մասին։ Խորհրդարանի նախագահը կարևորեց երկու երկրների և ժողովուրդների կյանքում Եկեղեցիների և քրիստոնեական հավատքի դերակատարությունը՝ նշելով, որ այն կարող է նպաստել նաև երկու պետությունների փոխգործակցության խորացմանը: Տիկին Զինաիդա Գրեչանին Նորին Սրբությանը ներկայացրեց երկրում հայկական համայնքի ազգային-հոգևոր կյանքի զարգացմանն ի նպաստ Մոլդովայի իշխանությունների կողմից գործադրվող ջանքերը:
Ամենայն Հայոց Կաթողիկոսը ևս հաստատեց, որ երկու ժողովուրդների կողմից դավանվող միևնույն արժեհամակարգը կարևոր հիմք է Հայաստանի և Մոլդովայի միջև հարաբերությունների արդյունավետ զարգացման։
Գարեգին Երկրորդ Կաթողիկոսը մաղթեց, որ Տերն Իր օրհնության ներքո պահի Մոլդովայի բարեսեր ժողովրդին՝ պարգևելով առաջընթաց և բարօր կյանք:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Երեք զինծառայողի մոտ կորոնավիրուս է հայտնաբերվել. 32 զինծառայողից կատարվել է նմուշառում

Ժամանակավորապես արգելվում է մուտքը Հայաստանից Արցախ. կան բացառություններ

ԱՀ ոստիկանությունը հայտնաբերել է Facebook-ի մեսենջերում կեղծ լուրեր տարածողին

Նոր զարգացումներ Արցախում․ պայքարը թեժանում է

Արցախում կորոնավիրուսային վարակի տարածումը կանխելու նպատակով կասկածելի անձանցից նմուշառումը իրականացվում է՝ հաշվի առնելով կլինիկակական ախտանշանները

Արցախում կորոնավիրուսի վարակման դեպք չի արձանագրվել. 3 մեկուսացված քաղաքացի կա. ԱՀ ԱՆ

Հեռախոսակապի ծառայությունները և շարժական համացանցը ժամանակավորապես կաշխատեն խափանումներով

Արցախի ընտրություններին մեկնող դիտորդներն արագ թեստավորում կանցնեն

Նախորդ օրը մեկուսացված 3 քաղաքացիների մոտ Նոր կորոնավիրուսի վարակ չի հայտնաբերվել. ԱՀ ԱՆ

Search