Artsakhpress

Հասարակական

«Կասպերսկիի» լուծումները կես տարով անվճար են դառնում բժշկական հաստատությունների համար

«Կասպերսկի» ընկերությունը աշխարհի բժշկական հաստատություններին կես տարով անվճար կտրամադրի կիբեռսպառնալիքներից պաշտպանության լուծումներ։

«Կասպերսկիի» լուծումները կես տարով անվճար են դառնում բժշկական հաստատությունների համար

«Կասպերսկիի» լուծումները կես տարով անվճար են դառնում բժշկական հաստատությունների համար
ՍՏԵՓԱՆԱԿԵՐՏ, 25 մարտի, ԱՐՑԱԽՊՐԵՍ։ Խոսքը վերջնական սարքերի և ամպային ենթակառուցվածքների համար կորպորատիվ լուծումների մասին է Kaspersky Endpoint Security Cloud Plus, Kaspersky Security Microsoft Office 365-ի համար, Kaspersky Endpoint Security բիզնեսի համար՝ ընդլայնված և Kaspersky Security վիրտուալ և ամպային միջավայրերի համար, որոնց վերաբերյալ առաջարկը կարող է ակտիվացվել 2020-ի մարտի 23-ից մինչև հուլիսի 23-ը ժամանակահատվածում, փոխանցում է 1lurer.am-ը:
Հայաստանի բժշկական հաստատությունները ևս այսօր մոբիլիզացնում են բոլոր ուժերը, քանի որ առողջապահական համակարգի ծանրաբեռնվածությունը լրջագույնս աճել է։ Նման ժամանակներում բժշկական սարքավորումների աշխատանքի կայունության և տեղեկատվության անխափան հասանելիության, ինչպես նաև պացիենտների անհատական տվյալների պաշտպանության ապահովումը հատկապես կրիտիկական են դառնում։
«Այսօր բժշկական հաստատությունները աշխարհի երկրների մեծ մասում աշխատում են իրենց հնարավորությունների առավելագույն չափով։ Բոլոր ուժերն ու ռեսուրսներն ուղղվում են կյանքեր փրկելուն և վարակի դեմ պայքարին։ Մենք մեր ներդրումն ենք կատարում բժշկական հանրությանը աջակցելու գործում և բուժհաստատություններին առաջարկում մեր կորպորատիվ պրոդուկտների անվճար լիցենզիաները»,- նշում է «Կասպերսկի» ընկերության վաճառքների տարածաշրջանային ցանցի տնօրեն Եվգենյա Նաումովան։
«Կասպերսկի» ընկերությունը բժշկական հաստատություններին խորհուրդ է տալիս ձեռնարկել հետևյալ միջոցները.
  • բժշկական և կառավարող անձնակազմին սովորեցնել միացված սարքերով անվտանգ աշխատանքի հմտություններ, մասնավորապես, ցանցում վարքի կանոնները, գաղտնաբառերի և օգտահաշիվների, էլեկտրոնային փոստի, USB-սարքերի գրագետ կիրառումը, աշխատակիցներին բացատրել հնարավոր ռիսկերը և դրանցից խուսափելու միջոցները.
  • եթե կազմակերպությունն արդեն կիրառում է պաշտպանական լուծում, պետք է համոզվել, որ այն տեղադրված է բոլոր սարքերում և թարմացված, միացնել միջցանցային էկրանը՝ ցանցից բխող սպառնալիքներից պաշտպանությունն ապահովելու համար, և համոզվել, որ լուծումը պաշտպանում է գաղտնագրող ծրագրերից, քանի որ սպառնալիքների այդ տեսակն ամենատարածվածներից մեկն է բժշկական կազմակերպությունների դեմ կիրառվողների թվում.
  • համոզվել, որ բոլոր սպեցիֆիկ բժշկական սարքերը կարգավորված են պատշաճ կերպով։ Եթե մոտ ապագայում պլանավորված է լրացուցիչ սարքավորումների գնում, հարկ է մշակել գործողությունների պլան, որը հնարավորություն կտա արագ տեղադրել և կարգավորել բոլոր նոր սարքերը.
  • որոշ հիվանդանոցներ շտապ կարգով վարձում են նոր աշխատակիցների. դա նշանակում է, որ ավելանում է ցանցին միացված վերջնական, այդ թվում ՝ անհատական սարքերի քանակը։ Դա հղի է հավելյալ ռիսկերով, այդ պատճառով կարևոր է անհապաղ ապահովել կորպորատիվ ցանցին միացվող բոլոր նոր սարքերի պաշտպանությունը։ Ավելի լավ է վաղօրոք մշակել անվտանգության քաղաքականությունները և ստանալ անհրաժեշտ արտոնագրերը, որպեսզի անհրաժեշտության դեպքում դրանք տեղադրվեն սարքերում։ 
Բժշկական հաստատությունները կարող են ստանալ «Կասպերսկի» ընկերության լուծումների անվճար արտոնագրերը՝ դիմելով ընկերության գործընկերներին կամ լրացնելով հայտ հետևյալ էջում՝ https://go.kaspersky.com/healthcare-free-protection.html։
Ավելի մանրամասն տեղեկատվությանը կարելի է ծանոթանալ հետևյալ հղումով՝ https://www.kaspersky.ru/blog/protecting-healthcare-organizations/27735/։

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ժամը 20:00-ից դադարեցվելու է մայրաքաղաքում հասարակական տրանսպորտի աշխատանքը

Մասիս Մայիլյանը ընդունեց իր պարտությունը

Դուք իրականությունից հեռու եք այնքանով, որքանով իմ մասին Ձեզ տեղեկություն տրամադրողները. Սամվել Կարապետյանի արձագանքը

Համապետական ընտրություններին մասնակցել են ընտրողների 72,7%-ը. ԿԸՀ նախագահ

Նախագահական ընտրությունների երկրորդ փուլին մենք չենք պաշտպանի թեկնածուներից որևէ մեկին. Վիտալի Բալասանյան

Ստեփանակերտում արձանագրվել է 9 ապրանքատեսակների միջին գների փոփոխություն. Տեղեկատվական շտաբ

Արցախում կանցկացվի նախագահական ընտրությունների երկրորդ փուլը

Առայսօր կորոնավիրուսային վարակի դեպք չի գրանցվել. կա 2 մեկուսացված քաղաքացի. Տեղեկատվական շտաբ

Զինծառայող է մահացել

Search