Artsakhpress

Քաղաքական

Առաջին անգամ միջազգային դիտորդները և ԶԼՄ-ները ներկա չեն գտնվի Արցախի ընտրություններին. ԿԸՀ նախագահ (Տեսանյութ)

Մարտի 31-ին կայանալիք համապետական ընտրություններին ընդառաջ՝ ԱՀ կենտրոնական ընտրական հանձնաժողովի նախագահ Սրբուհի Արզումանյանն այսօր հանդես է եկել մամուլի ասուլիսով:

Առաջին անգամ միջազգային դիտորդները և ԶԼՄ-ները ներկա չեն գտնվի Արցախի ընտրություններին. ԿԸՀ նախագահ (Տեսանյութ)

Առաջին անգամ միջազգային դիտորդները և ԶԼՄ-ները ներկա չեն գտնվի Արցախի ընտրություններին. 	ԿԸՀ նախագահ (Տեսանյութ)
ՍՏԵՓԱՆԱԿԵՐՏ, 30 մարտի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ Նոր կորոնավիրուսի (COVID-19) տարածման սպառնալիքից ելնելով՝ ԿԸՀ նախագահի ասուլիսը հեռարձակվել է առցանց:
Իր խոսքում Սրբուհի Արզումանյանն ասել է, որ առաջին անգամ Արցախի ընտրական պատմության մեջ անցկացվելիք համաժամանակյա ընտրությունները կկայանան 2017 թ.-ին ընդունված նոր Սահմանադրության հիման վրա: 29 տարվա անկախություն ունեցող հանրապետության համար 15-րդ համապետական նշանակության ընտրական միջոցառումն անց է կացվում 2020 թ.-ի հունվարի 1-ին գործողության մեջ դրված ԱՀ նոր ընտրական օրենսգրքի հիման վրա: Ընդհանուր առմամբ, սկսած 1991 թ.-ից՝ Արցախում կազմակերպվել են համապետական նշանակության 3 հանրաքվեներ, հանրապետության նախագահի 5 և խորհրդարանական 6 ընտրություններ:
«Տարիների հետ միջազգային հետաքրքրվածությունը մեր երկրի հանդեպ ավելանում է, և եթե 1991 թ. անկախության հանրաքվեին Արցախում ընտրական գործընթացը դիտարկել են 40 դիտորդներ, ապա 2019 թ.-ի սեպտեմբերի 8-ին կայացած ՏԻՄ ընտրություններին մասնակցել են 324 դիտորդներ: Այսօր պատկերն այլ է: Ընդգրկուն են ինչպես ընտրություններին մասնակցող թեկնածուների և Ազգային ժողովի համար ընտրական ցուցակ առաջադրած քաղաքական ուժերի թվերը, այնպես էլ մասնակից դիտորդներն ու զանգվածային լրատվամիջոցները: Մասնավորապես՝ ԿԸՀ-ում հավատարմագրվել են 963 դիտորդ և ԶԼՄ-ների 231 ներկայացուցիչներ: Առաջին անգամ է, որ, պայմանավորված որոշակի օբյեկտիվ հանգամանքներով, Արցախում իրենց մասնակցությամբ ընտրությունները պատվելու և միջազգային դիտորդական առաքելություն իրականացնելու հրավեր ստացած 38 երկրներից 140 դիտորդներ և լրատվամիջոցների 40 ներկայացուցիչներ փաստացի հնարավորություն չունեն ներկա գտնվելու այս ընտրական միջոցառմանը: Մենք խորին երախտագիտություն ենք հայտնում մեր հրավերն ընդունած դիտորդներին ու ԶԼՄ-ներին և փորձելու ենք համապետական ընտրությունների լուսաբանման աշխատանքներն ավելի ինտենսիվ տարբերակով ներկայացնել՝ նրանց մասնակից դարձնելով ընտրական գործընթացին»,- նշել է ԿԸՀ նախագահը:
Ս. Արզումանյանի խոսքով՝ Արցախում ընտրական գործընթացներին ընտրողների մասնակցությունը բավականին բարձր է լինում: Համապետական ընտրությունների պարագայում այդ թիվը կազմում է 65-70 %, իսկ հանրաքվեների դեպքում թիվն ավելի մեծ է:
«Ընտրությունների կազմակերպման տեսանկյունից ընտրական հանձնաժողովների համար կարևորվում է ինչպես միջազգային չափորոշիչներին համապատասխան ընտրություններ անցկացնելը, այնպես էլ այդ ընտրությունների համար հիմք հանդիսացող իրավական դաշտի մշտական կատարելագործումը: 2020 թ.-ին ընդունվեց նոր ընտրական օրենսգիրք, և, դրան համապատասխան, ԿԸՀ-ն մշակել և կյանքի է կոչել գրեթե 6 տասնյակ գերատեսչական նորմատիվ իրավական ակտեր, որոնք դյուրինացնում են ընտրական գործընթացը»,- ընդգծել է ԿԸՀ նախագահը:
Նորարարությունների մեջ Ս. Արզումանյանն առանձնացրել է ստորագրված ցուցակների հրապարակումը սկանավորված տարբերակով, որոնք տարածքային ընտրական հանձնաժողովներում հասանելի կլինեն առնվազն մինչև ապրիլի 2-ի ժամը 12:00-ն: Ընտրական օրենսդրությամբ նորույթ էր հեռուստաբանավեճի կիրառումը հանրապետության նախագահի թեկնածուների մասնակցությամբ, ինչը կայացել է երեկ և հեռարձակվել Արցախի հանրային հեռուստատեսությամբ: Հաշվի առնելով 1991 թ.-ից համակարգում կուտակված փորձը և դիտորդների կողմից ներկայացված առաջարկություններն ու եզրակացությունները՝ ընտրական օրենսդրության կատարելագործմանը զուգընթաց՝ վերջին տարիներին բարեփոխումներ են իրականացվել արդի տեխնոլոգիաներ ներդնելու և ընտրական վարչարարության մարմինների որակավորման բարձրացման ուղղություններով:
Առցանց ասուլիսին ԿԸՀ նախագահը պատասխանել է լրագրողների կողմից հնչեցված հարցերին:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

Նախագահ Արայիկ Հարությունյանը նոր նշանակումներ է արել

Կարեն Դանիելյանը նշանակվել է Արցախի նախագահի աշխատակազմի ղեկավար

Արայիկ Հարությունյանն ու Սամվել Բաբայանը համագործակցության հուշագիր են ստորագրել

Ոստիկանության գնդապետ Աշոտ Հակոբջանյանը նշանակվել է Արցախի Հանրապետության ոստիկանության պետ

Եկեք հունիսի 1-ին, իսկապես, փորձենք պաշտպանել մեր երեխաների առողջությունը.Գրիգորի Մարտիրոսյան

Սամվել Շահրամանյանը նշանակվելու է ԱՀ Ռազմահայրենասիրության, երիտասարդության, սպորտի և զբոսաշրջության նախարար, Կամո Աղաջանյանը՝ ԱԱԾ տնօրեն (Տեսանյութ)

Փոփոխություններ կլինեն շրջվարչակազմերի ինստիտուտում. Արայիկ Հարությունյանը մանրամասներ է ներկայացրել

Search