Artsakhpress

Միջազգային

«Համավարակը 4 շաբաթից բեկումնային կետի կհասնի». կորոնավիրուսի գծով Չինաստանի գլխավոր փորձագետը կանխատեսում է արել. Daily Mail

Կորոնավիրուսի գծով Չինաստանի առաջատար փորձագետ Ժեն Նանշանը հայտարարել է, որ համավարակը, ամենայն հավանականությամբ, չորս շաբաթից՝ ամսվա վերջին բեկումնային կետի կհասնի:

«Համավարակը 4 շաբաթից բեկումնային կետի կհասնի». կորոնավիրուսի գծով Չինաստանի գլխավոր փորձագետը կանխատեսում է արել. Daily Mail

«Համավարակը 4 շաբաթից բեկումնային կետի կհասնի». կորոնավիրուսի գծով Չինաստանի գլխավոր փորձագետը կանխատեսում է արել. Daily Mail

ՍՏԵՓԱՆԱԿԵՐՏ, 2 ապրիլի, ԱՐՑԱԽՊՐԵՍ83-ամյա համաճարակաբանը, որը գլխավորում է ստեղծված առողջապահական ճգնաժամի զարգացմանը հետևող մասնագիտական թիմը, նաև կանխատեսել է, որ Չինաստանում կորոնավիրուսի երկրորդ ալիք չի լինի, հայտնում է Tert.am-ը:

«Քանի որ գնալով ավելի շատ երկրներ են խիստ միջոցառումներ սահմանում, կանխատեսում եմ, որ արդեն ապրիլի վերջին վարակման հաստատված նոր դեպքերի քանակը կսկսի նվազել»,-հեռուստաալիքներից մեկին տված հարցազրույցում ասել է մասնագետը:

Միևնույն ժամանակ նա մանրամասնել է, որ  նոր տեսակի կորոնավիրուսի դեմ պայքարի համար երկու մեթոդ կա:

«Առաջինը վարակի փոխանցման մակարդակը նվազագույն շեմին հասցնելն է, դրա տարածումը կանխելն ու դրանով ավելի շատ ժամանակ շահելը: Մյուսը փոխանցման մակարդակի դանդաղեցումն է ու հիվանդների քանակի նվազեցումը»,-բացատրել է համաճարակաբանը:

Ինչ վերաբերում է Չինաստանում կորոնավիրուսի երկրորդ ալիքի տարածման հավանականությանը, ապա ըստ մասնագետի՝ դա իրականությանը չի համապատասխանում, քանի որ այսպես կոչված «լուռ վարակակիրները», որոնք վարակված են, բայց որևէ ախտանշան չունեն, վարակի փոխանցման ցածր ռիսկային խմբում են:

Պարբերականը նկատում է, որ Չինաստանում մարդիկ մտավախություն ունեն, որ կորոնավիրուսից ապաքինված, սակայն դրանից հետո կրկնակի թեստի արդյունքում նորից դրական պատասխան ստացածները կարող են կրկին վարակման աղբյուր դառնալ: Մեկնաբանելով այս տեսակետը՝ բժիշկ Ժենը նշել է, որ ապաքինվածների օրգանիզմներում արդեն հակամարմիններ կան, ուստի՝ նրանք այլևս վտանգ չեն ներկայացնում:

«Եվ եթե նույնիսկ նրանցից ոմանք ապաքինվելուց հետո կրկնակի թեստի արդյունքում դրական պատասխան են ստանում, միևնույն է նրանց շրջանում վարակի փոխանցման մակարդակը շատ ցածր է»,-եզրափակել է մասնագետը:

Առողջապահության համաշխարհային կազմակերպությունը մարտի 11-ին նոր կորոնավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման 936 204 դեպք, 47 249-ը՝ մահվան ելքով, ապաքինվել է 194 578 մարդ։ Համաճարակի օջախ Չինաստանի սահմաններից դուրս վարակը տարածվել է 203 երկրում:


     

Քաղաքական

Հասարակական

Ռազմական

Ամենադիտված

ամիս

շաբաթ

օր

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

Նախագահ Արայիկ Հարությունյանը նոր նշանակումներ է արել

Կարեն Դանիելյանը նշանակվել է Արցախի նախագահի աշխատակազմի ղեկավար

Արայիկ Հարությունյանն ու Սամվել Բաբայանը համագործակցության հուշագիր են ստորագրել

Ոստիկանության գնդապետ Աշոտ Հակոբջանյանը նշանակվել է Արցախի Հանրապետության ոստիկանության պետ

Եկեք հունիսի 1-ին, իսկապես, փորձենք պաշտպանել մեր երեխաների առողջությունը.Գրիգորի Մարտիրոսյան

Սամվել Շահրամանյանը նշանակվելու է ԱՀ Ռազմահայրենասիրության, երիտասարդության, սպորտի և զբոսաշրջության նախարար, Կամո Աղաջանյանը՝ ԱԱԾ տնօրեն (Տեսանյութ)

Փոփոխություններ կլինեն շրջվարչակազմերի ինստիտուտում. Արայիկ Հարությունյանը մանրամասներ է ներկայացրել

Search