Վրաստանի խորհրդարանի առաջին փոխխոսնակ Գիորգի Վոլսկին հայտարարել է, որ խորհրդարանական մեծամասնության անդամները զգալի ներդրումներ են արել երկրում կորոնավիրուսի դեմ պայքարի հիմնադրամին:
Վրաստանի խորհրդարանի փոխխոսնակը հայտարարել է, որ իշխող ուժի պատգամավորները զգալի գումարներ են փոխանցել կորոնավիրուսի դեմ պայքարի հիմնադրամին
ՍՏԵՓԱՆԱԿԵՐՏ, 3 ապրիլի, ԱՐՑԱԽՊՐԵՍ Այս մասին տեղեկացնում է Tert.am-ը:
Նրա խոսքով՝ կարևոր է, որ համերաշխության զգացումը տարածվի ոչ միայն «Վրացական երազանք»-ի անդամների, այլ նաև ամբողջ հասարակության շրջանում:
«Ես նկատի ունեմ հասարակության համախմբումը մի գեղեցիկ բառի շուրջ, որը Սաքարթվելոն (Վրաստան) է»,-ասել է փոխխոսնակը:
Վոլսկին նշել է, որ այսօր ցանկացած մարդ պետք է մտածի իր, իր ընտանիքի և ամբողջ հասարակության մասին:
«Համաճարակն անտեսանելի թշնամի է, սա շատ դժվար պայքար է: Ես կարծում եմ, որ բանալին ազնվությունն է: Ես նկատի ունեմ մեր երկրի և հասարակության նկատմամբ»,-ասել է փոխխոսնակը:
Նոր կորոնավիրուսի դեմ պայքարի համար ստեղծված վրացական հիմնադրամում արդեն հավաքվել է 21 միլիոն լարիից ավելի գումար:
Վերջին տվյալներով՝ Վրաստանում կորոնավիրուսով վարակման հաստատված դեպքերի թիվը հասել է 148-ի:
Առողջապահության համաշխարհային կազմակերպությունը մարտի 11-ին նոր կորանավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման 1 016 258 դեպք, 53 235-ը՝ մահվան ելքով, ապաքինվել է 213 081 մարդ։
Համաճարակի օջախ Չինաստանի սահմաններից դուրս վարակը տարածվել է 203 երկրում:
