Artsakhpress

Հարցազրույց

Արցախի ժողովուրդը վստահ է, որ իր ձայնն ու քվեն տեղ է հասել

Արցախի Հանրապետությունում տեղի ունեցած նախագահական ու խորհրդարանական ընտրությունների մասին 24News-ը զրուցել է դիտորդական առաքելությամբ այնտեղ գտնվող «Լուսավոր Հայաստան» խմբակցության պատգամավոր Անի Սամսոնյանի հետ:

Արցախի ժողովուրդը վստահ է, որ իր ձայնն ու քվեն տեղ է հասել

Արցախի ժողովուրդը վստահ է, որ իր ձայնն ու քվեն տեղ է հասել
ՍՏԵՓԱՆԱԿԵՐՏ, 4 ապրիլի, ԱՐՑԱԽՊՐԵՍ։  ՀՀ ԱԺ «Լուսավոր Հայաստան» խմբակցության պատգամավոր Անի Սամսոնյանի, 24news-ին տված,  հարցազրույցը ներկայացնում ենք ստորև.
- Արցախում տեղի ունեցած ընտրություններն ընդհանուր առմամբ ինչպե՞ս եք գնահատում: Իրավապաշտպաններն ու ՀԿ սեկտորի ներկայացուցիչները, որ ներկա են եղել ընտրություններին, ասում են, թե որոշակի խախտումներ են եղել, դրանք կարո՞ղ ենք հիմք լինել ընտրության արդյունքները վերանայելու համար:
- Արցախում ընտրությունները տեղի ունեցան ընդհանուր խաղաղ մթնոլորտում։ Մասնակցությունը եղել է բարձր, մոտավորապես 72 տոկոս, ինչը նշանակում է, որ Արցախում նախագահի ընտրությունը և օրենսդիր մարմնի ձևավորումը արցախցիները կարևորել են, իսկ իրենց ընտրական կամքը՝ կարևորել։ Այո, եղել են խախտումներ, որոնք կրել են ընթացակարգային բնույթ, ինչը հիմնականում պայմանավորված էր հանձնաժողովների ոչ կոմպետենտ աշխատանքով և իրավական բացերով։ Բայց դրանք այնպիսի խախտումներ էին, որոնք հնարավոր էր տեղում շտկել և դրանք չէին կարող վտանգավոր ազդեցություն ունենալ ընտրությունների վրա և դառնալ արդյունքների վերանայման հիմք։ Օրինակ, եղել են ընտրատեղամասի կահավորման բացթողումներ, մեկից ավել վստահված անձանց ներկայություն, պատգամավորության թեկնածուների ներկայություն ընտրատեղամասերում, բայց սա ոչ բոլոր տեղերում է ունեցել դիտավորություն։ Շատ հանձնաժողովի նախագահներ պարզապես լավ չէին տիրապետում կարգին։
- Դուք Արցախի համապետական ընտրություններում դիտորդական առաքելություն էիք իրականացնում: Ինչպե՞ս եք գնահատում ընտրությունների թափանցիկությունը:
- Հաշվի առնելով այն հանգամանքը, որ ընտրատեղասերում եղել են մեծ թվով տարբեր կուսակցությունների և նախագահական թեկնածուների վստահված անձինք, Հայաստանից և Արցախից հավաքագրված դիտորդներ, ինչպես նաև շրջող լրագրողներ, սա հիմք է տալիս ասելու, որ վերահսկողությունը մեծ է եղել հետևաբար նաև գործընթացի թափանցիկությունը։ Նաև պետք է նշեմ, որ այս անգամ քաղաքների ընտրատեղամասերը ապահովել էին տեսանկարահանման սարքերով և կար ուղիղ հեռարձակում, ինչը նշանակում էր, որ յուրաքանչյուր ոք կարող էր մոնիթորինգ անել ընտրական գործընթացը։
Մի քանի ընտրատեղամասերի մոտ եղել են կուտակումներ, բայց դա տարբեր հանգամանքներով է պայմանավորված եղել։ Օրինակ, Թալիշում արևային տաք եղանակ էր, մարդիկ դուրս էին գալիս ընտրատեղամասից և այսպես ասած «մի բերան զրից անում»  համագյուղացիների հետ։ Մեկ այլ ընտրատեղամասում մենք խնդրեցինք ոստիկանին, որպեսզի բոլոր ընտրողներին ընտրատեղամասից ներս չթողնի, որպեսզի համաճարակի հետ պայմանավորված փոքր տարածքում կուտակումներ չլինեն։ Մենք ոստիկանների հետ աշխատանք էինք տանում կուտակումները բացառելու համար։
- Արայիկ Հարությունյանն ասում է, թե «մեր՝ թեկնածուների մեջ մի փորձեք սեպ խրել»: Արցախում իսկապե՞ս  շատ ավելի քաղաքական է պայքարը, քան, օրինակ, մեզ մոտ, թե դրանք ուղղակի խոսքեր են:
-Թե՛ նախագահական ընտրություններում, թե՛ պառլամենտական ընտրություններում մասնակցել են մեծ թվով թեկնածուներ և քաղաքական ուժեր։ Սա արդեն իսկ իրենից ենթադրում է մեծ մրցակցություն, հետևաբար նաև՝ լարվածությունը։ Եղել է և պետք է լինի առողջ քաղաքական պայքար, բայց միևնույն ժամանակ հաշվի առնելով Արցախի կարգավիճակի հետ կապված նրբությունները, քաղաքական պայքարը Արցախի հնրապետությունը պառակտումների օջախ չպիտի դարձնի։ Ես չգիտեմ Արայիկ Հարությունյանը ում նկատի ունի՝ ասելով, թե մեր միջև սեպ են խրում։ Բայց մի բան ակնհայտ է՝ եթե նախագահական թեկնածուների միջև լինի փոխադարձ հարգանք և քաղաքակիրթ մրցակցություն, ոչ մեկը չի կարող նրանց միջև սեպ խրել։ Կարծում եմ, որ հանդուրժողականության մթնոլորտը պետք է ապահովեն նախ և առաջ թեկնածուները, հատկապես՝ առաջատար թեկնածուները։
- Միջազգային որևէ կառուց հայտնի պատճառներով չի մասնակցել Արցախի ընտրություններին, սա կարո՞ղ է հետագայում պատճառ լինել, որ այդ կառույցները որոշակի անվստահություն հայտնեն ընտրությունների ընթացքի ու արդյունքի մասին: Կամ ասեն՝ պանդեմիայի ժամանակ չպետք է ընտրություն լիներ:
- Ափսոս, որ համաճարակային իրավիճակը թույլ չտվեց, որ մենք ունենայինք միջազգային դիտորդներ այլ երկրներից, որը կարծում եմ հավելյալ վստահության երաշխիք կլիներ Արցախում ընտրությունների լեգիտիմության համար։ Բայց միևնույն ժամանակ, եղել են դիտորդական տեղական և հայաստանյան առաքելություններ, որոնք մասնագիտացածեն այդ հարցում։ Եվ չմոռանանք նաև, որ տեղեկատվության աղբյուրները բաց են և բազմազան։ Նաև շատ կարևոր հանգամանք է այն, որ Արցախի ժողովուրդը վստահ է, որ իր ձայնը և քվեն տեղ են հասել։
- «Վրաստանը աջակցում է Ադրբեջանի ինքնիշխանությանն ու տարածքային ամբողջականությանը և չի ճանաչում ԼՂ-ում տեղի ունեցած այսպես կոչված ընտրությունները»,- սա Վրաստանի ԱԳՆ-ի հայտարարությունն է: Ինչպե՞ս եք գնահատում նման հայտարարությունը, և արդյո՞ք մեր ԱԳՆ համարժեք քայլեր, պատասխան տվել կամ ձեռնարկել է:
- Վրաստանն ունի տարածքային վեճ ՌԴ-ի հետ, և վերջինս միշտ հանդես է եկել տարածքային ամբողջականության սկզբունքի պաշտպանության քաղաքական դիրքերից։ Ըստ այդմ՝ այդ հայտարարությունը որևէ արտասովոր կամ նոր ասելիք չի կրում։ Մենք մեր գործընկերներին բազմիցս ասել ենք, որ տարածաշրջանի բոլոր կոնֆլիկտները պետք չէ դնել նույն զամբյուղի մեջ։ Այդ կոնֆլիկտներն ունեն տարբեր պատմաիրավական ծագում և բնույթ։ Եվ միատեսակ մոտեցումը հանգեցնում է կոնֆլիկտների էության աղճատման և միջազգային հարթակներում ոչ փոխըմբռնողական մոտեցման։ Սա Ադրբեջանի ակտիվ լոբբինգի հետևանքն է։
Վրույր Սևակ

     

Քաղաքական

Հայաստանի և Ղազախստանի ԱԳ նախարարները ստորագրել են երկու գերատեսչությունների միջև 2024-2025թթ. գործողությունների ծրագիրը

Հայաստանի և Ղազախստանի արտաքին գործերի նախարարներ Արարատ Միրզոյանը և Մուրատ Նուրտլեուն ստորագրել են երկու գերատեսչությունների միջև 2024-2025թթ. գործողությունների ծրագիրը:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Հայաստանը և Ղազախստանը հնարավորություն ունեն նոր էջ բացել երկկողմ հարաբերություններում․ Միրզոյան

Հայաստանը և Ղազախստանը պատրաստակամ են զարգացնել երկկողմ հարաբերությունները և իրացնել չօգտագործված հնարավորությունները։

Տնտեսական

Հասարակական

ՀՀ իշխանությունները պետք է հասնեն Ադրբեջանի կողմից Արցախի գերեվարված ռազմաքաղաքական ղեկավարների և բոլոր գերիների առանց պայմանի ազատ արձակմանը․ Մայր Աթոռ

Ն․Ս․Օ․Տ․Տ․ Գարեգին Երկրորդ Ամենայն Հայոց Կաթողիկոսի նախագահությամբ Հայաստանի եպիսկոպոսները և թեմակալ առաջնորդները հանդես են եկել հայտարարությամբ Արցախի Հանրապետության գերեվարված ռազմաքաղաքական ղեկավարների հիմնարար իրավունքների ոտնահարման դեպքերի վերաբերյալ։

Մշակվել է ծրագիր, որի միջոցով ԼՂ-ից բռնի տեղահանվածները կարող են ուսում ստանալ և աշխատանքի անցնել պետական աջակցությամբ

Մշակվել է ծրագիր, որի միջոցով Լեռնային Ղարաբաղից բռնի տեղահանվածները կարող են ուսում ստանալ և աշխատանքի անցնել պետական աջակցությամբ:

Ադրբեջանցիներն Արցախում ավերել են զոհված զինծառայողներին նվիրված հուշահամալիրը, անհետացրել է 13-րդ դ. արձանագիր խաչքարը

Ադրբեջանցիներն ավերել են Արցախի Ծար գյուղում գտնվող արցախյան ազատամարտում զոհված հայ զինծառայողներին նվիրված հուշահամալիրը, անհետացրել 1224 թ․ արձանագիր խաչքարը։

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

Լեռնային Ղարաբաղից բռնի տեղահանված 7 ընտանիք 16-ական միլիոն դրամ կստանա՝ սահմանամերձ գյուղերում բնակարան կառուցելու համար։

Ռազմական

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Տեսանյութեր

ավելին

Ամենադիտված

ամիս

շաբաթ

օր

ԼՂ-ից բռնի տեղահանվածների համար նախատեսված «40+10 հազար» ծրագիրը կշարունակվի առնվազն մինչև տարեվերջ

Մարտի 20-ին Ազատության հրապարակում տեղի կունենա Արցախի ժողովրդի կարիքների ապահովման նախաձեռնության հանրահավաքը

Նիկոլ Փաշինյանը ԼՂ հայության բռնի տեղահանումը համարում է 2023 թվականի մեծագույն մարտահրավերը

Հայաստանը մնում է ՀԱՊԿ-ի դաշնակիցը. գլխավոր քարտուղար

Բեռլինում Արցախի մշակութային ժառանգության մասին գրքի շնորհանդեսը չեղարկվել է «միջոցառման դեմ զանգվածային արշավի և էսկալացիայի վտանգի» պատճառով

Ռուբլին, եվրոն և դոլարը էժանացել են

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

ՀՀ տարածքում կան փակ ավտոճանապարհներ

Անահիտ Մանասյանը մասնակցել է Հիմնարար իրավունքների ֆորումին

Search