Artsakhpress

Քաղաքական

ԿԸՀ-ն ԱՀ Ազգային ժողովը ընտրված է համարել. կայացել է հերթական նիստը

ԱՀ կենտրոնական ընտրական հանձնաժողովի այսօրվա նիստի օրակարգում ներառված էր 6 հարց:

ԿԸՀ-ն ԱՀ Ազգային ժողովը ընտրված է համարել. կայացել է հերթական նիստը

ԿԸՀ-ն ԱՀ Ազգային ժողովը ընտրված է համարել. կայացել է հերթական նիստը
ՍՏԵՓԱՆԱԿԵՐՏ, 7 ապրիլի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ ԱՀ կենտրոնական ընտրական հանձնաժողովի նախագահ Սրբուհի Արզումանյանը, ներկայացնելով Արցախի Հանրապետության նախագահի և Ազգային ժողովի 2020 թվականի մարտի 31-ի հերթական ընտրությունների արդյունքները, ասել է, որ ընտրություններին մեծ թիվ էին կազմում դիտորդական առաքելություն իրականացնողները:
 
«ԿԸՀ-ում հավատարմագրվել են 963 դիտորդ և զանգվածային լրատվամիջոցների 233 ներկայացուցիչներ, նրանց մի մասը, ովքեր պիտի գային ՀՀ-ից, ոչ լրիվ կազմով են ներկայացել: Արցախյան դիտորդական 9 կազմակերպություններից ընտրություններին մասնակցել են 450 քաղաքացիներ: Ընտրությունների նախնական արդյունքներն ամփոփելուց հետո որևէ վերահաշվարկի կամ ընտրատեղամասերում ընտրություններն անվավեր ճանաչելու դիմում չի ստացվել: Ընտրական հանձանժողովները, ընդհանուր առմամբ, ստացել են 12 գրություններ, որոնցից 9-ը՝ ենթադրյալ իրավախախտման վերաբերյալ և 3-ը՝ պարզաբանման պահանջով, որոնք ընթացքավորվել են: Ընտրությունների օրը գործել է թեժ գիծ. գրանցվել է 33 դեպք, ԿԸՀ-ն ստացել է 3 դիմում-բողոք «Նոր Արցախ» կուսակցությունների դաշինքի, «Քաղաքացիական հաբ» և «Պատրիդա» հասարակական կազմակերպությունների կողմից, ովքեր դիտորդական առաքելություն էին իրականացնում: Քվեաթերթիկների լուսանկարման 16 դեպք է գրանցվել, որից 7-ի կապակցությամբ ԱՀ դատախազությունում քրեական գործ է հարուցված: Իրավական գնահատականը կտրվի ավելի ուշ: Կար քվեատուփերի կնքման բացակայություն և բաց քվեարկության մեկ դեպք: Կային այլ կարգի որոշ դժգոհություններ և բողոքներ ևս: Պետք է փաստենք, որ 2020 թվականի մարտի 31-ին անցկացված ԱՀ նախագահի և Ազգային ժողովի հերթական ընտրությունների նախապատրաստման և քվեարկության ընթացքում տեղի չեն ունեցել ԱՀ ընտրական օրենսգրքի այնպիսի խախտումներ, որոնք կարող էին ազդել ընտրության արդյունքի վրա»,-մասնավորապես ասել է Ս. Արզումանյանը:
 
Նիստին սահմանվել է նաև ԱՀ նախագահի ընտրությունների երկրորդ փուլի քվեաթերթիկի նմուշը. հանրապետության նախագահի ընտրությունների քվեաթերթիկը կլինի սպիտակ:
 
ԱՀ ընտրական օրենսգրքի 120-րդ հոդվածի 1-ին մասի 1-ին կետին համապատասխան` Կենտրոնական ընտրական հանձնաժողովը որոշել է 2020 թվականի մարտի 31-ի համապետական ընտրությունների արդյունքներով ԱՀ Ազգային ժողովը համարել ընտրված:
 
Ազգային ժողովի պատգամավորական մանդատները բաշխվել են հետևյալ կերպ. «Ազատ Հայրենիք-ՔՄԴ» կուսակցությունների դաշինքի ընտրական ցուցակ` տասնվեց մանդատ, «Միասնական հայրենիք» կուսակցության ընտրական ցուցակ` ինը մանդատ, Արցախի «Արդարություն» կուսակցության ընտրական ցուցակ` երեք մանդատ, «Հայ Հեղափոխական Դաշնակցություն» կուսակցության ընտրական ցուցակ` երեք մանդատ, Արցախի Ժողովրդավարական Կուսակցության ընտրական ցուցակ` երկու մանդատ:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Նախագահ Հարությունյանը ստորագրել է մի շարք հրամանագրեր

Նախագահը նոր հրամանագրեր է ստորագրել

Նախագահ Արայիկ Հարությունյանը խոցել է 500 մետր հեռավորության նշանակետը (տեսանյութ)

Սամվել Շահրամանյանը նշանակվելու է ԱՀ Ռազմահայրենասիրության, երիտասարդության, սպորտի և զբոսաշրջության նախարար, Կամո Աղաջանյանը՝ ԱԱԾ տնօրեն (Տեսանյութ)

Եկեք հունիսի 1-ին, իսկապես, փորձենք պաշտպանել մեր երեխաների առողջությունը.Գրիգորի Մարտիրոսյան

Նախագահ Արայիկ Հարությունյանը ստորագրել է 2020թ. ամառային զորակոչի եւ զորացրման հրամանագիրը

Փոփոխություններ կլինեն շրջվարչակազմերի ինստիտուտում. Արայիկ Հարությունյանը մանրամասներ է ներկայացրել

Հստակեցվել է բուհեր ընդունվելու կարգը. Լուսինե Ղարախանյանը հանդես է եկել առցանց ասուլիսով (Տեսանյութ)

Նախագահ Հարությունյանը նոր նշանակումների վերաբերյալ հրամանագրեր է ստորագրել

Search