Artsakhpress

Տնտեսական

Նոր կորոնավիրուսով պայմանավորված՝ կառավարությանը քննարկում է աջակցության տրամադրման մեխանիզմները

Ինչպես աշխարհի բոլոր երկրների տնտեսությունները, նոր կորոնավիրուսի տարածմամբ պայմանավորված, կրում են վնասներ, ակնհայտ է, որ, ունենալով փոքր և բաց տնտեսություն, Արցախը նույնպես կրում է արտաքին աշխարհից եկող վնասները:

Նոր կորոնավիրուսով պայմանավորված՝ կառավարությանը քննարկում է աջակցության տրամադրման մեխանիզմները

Նոր կորոնավիրուսով պայմանավորված՝ կառավարությանը քննարկում է աջակցության տրամադրման մեխանիզմները
ՍՏԵՓԱՆԱԿԵՐՏ, 7 ապրիլի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ այս մասին այսօր կայացած մամուլի ասուլիսի ընթացքում ասել է ԱՀ պետական նախարար Գրիգորի Մարտիրոսյանը:
Նրա խոսքով՝ այդ ուղղությամբ ներկայումս ԱՀ կառավարությունում ընթանում են քննարկումներ և առաջիկա օրերին կներկայացվեն կառավարության որոշումների նախագծերը, որոնցով կտրվի համապատասխան աջակցություն:
«Դրանք հիմնականում կիրականացվեն երեք ուղղություններով՝ սոցիալական բնույթի, գյուղատնտեսությամբ զբաղվող քաղաքացիների և այլ տնտեսվարող սուբյեկտների համար: Գյուղատնտեսության ոլորտում արդեն իսկ մշակվել են նախագծեր, որոնք կրում են հակաճգնաժամային բնույթ: ԱՀ աշխատանքի, սոցիալական հարցերի և վերաբնակեցման նախարարության հետ մշակվում են հակաճգնաժամային ծրագրեր, որոնք մոտական օրերին ևս կներկայացվեն հանրությանը»- ավելացրել է Գ. Մարտիրոսյանը:
 
Արցախի շուկայում որոշ ապրանքատեսակների նկատելի գնաճին անդրադառնալով՝ պետնախարարը նշել է, որ այն պայմանավորված է ներմուծվող ապրանքների գների բարձրացմամբ:
Պետնախարարը նշել է, որ ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի կողմից իրականացվում է ամենօրյա մշտադիտարկում, ընդ որում Արցախի տնտեսվարող սուբյեկտների կողմից որևէ արհեստական գնաճ տեղի չի ունեցել:
«Ներկրվող ապրանքների գնաճի վրա ազդող գործոնները հիմնականում երկուսն են: Դրանք են փոխարժեքի որոշակի տատանման փոփոխությունները, որոնք տեղի են ունեցել, և երկրորդ՝ բոլոր խոշոր շուկաներում պահանջարկի ու առաջարկի փոփոխությունները: Դրանով պայմանավորված՝ որոշակի ապրանքների վրա գնաճի տարբեր ցուցանիշներ են արձանագրվել: Օրինակ՝ ոսպի և բժշկական պարագաներից դիմակների ու ախտահանիչ միջոցների դեպքում գների աճ է արձանագրվել: Մնացած բոլոր ապրանքների վրա ոչ այդքան էական գնաճ է տեղի ունեցել: Կան նաև ապրանքներ, որոնց գները նվազել են: Մասնավորապես՝ մակառոնը, բենզինը, դիզվառելիքը, մսամթերքը: Ընդհանուր առմամբ, հսկողություն է իրականացվում, և ըստ առանձին ապրանքատեսակների, հսկվում է տեղական արտադրողների կողմից սպեկուլյատիվ երևույթների բացառումը»,- մանրամասնել է Գ. Մարտիրոսյանը:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Խոշոր ավտովթար Մարտունի-Ննգի-Ստեփանակերտ ավտոճանապարհին

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Արցախի նորընտիր նախագահն աշխատանքի է գնալու էլեկտրամոբիլով

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Կարեն Դանիելյանը նշանակվել է Արցախի նախագահի աշխատակազմի ղեկավար

Նախագահ Արայիկ Հարությունյանը նոր նշանակումներ է արել

Search