Artsakhpress

Հասարակական

Մենք հաղթեցինք մեր միասնականության շնորհիվ. Նոր մարաղեցիները հարգել են անմեղ զոհերի հիշատակը

Այսօր` ապրիլի 10-ին, լրանում է Մարտակերտի շրջանի Նոր Մարաղայի կոտորածի 28-րդ տարելիցը:

Մենք հաղթեցինք մեր միասնականության շնորհիվ. Նոր մարաղեցիները հարգել են անմեղ զոհերի հիշատակը

Մենք   հաղթեցինք  մեր  միասնականության   շնորհիվ. Նոր մարաղեցիները  հարգել   են անմեղ զոհերի հիշատակը
ՍՏԵՓԱՆԱԿԵՐՏ, 10 ապրիլի, ԱՐՑԱԽՊՐԵՍ: «Արցախպրես»-ի   թղթակցի  հետ  զրույցում      Նոր Մարաղա   համայնքի    ղեկավար  Արտեմ  Գրիգորյանն  ասել է, որ   վաղ  առավոտյան գյուղի   բնակիչները  Մարաղայի  զոհվածների  և  անհայտ   կորածների  հիշատակին  կանգնեցված   հուշաքարին    իրենց հարգանքի տուրքն են մատուցել 1992 թվականին ադրբեջանական հրոսակների կողմից իրականացված մարաղեցիների կոտորածի զոհերի հիշատակին: 
Նրա   խոսքով՝    չնայած  այն  հանգամանքին, որ   գյուղը   տեսել  է բազում  ավերածություններ, մարդկային  զոհեր, ծանր  ու    դժվարին  օրեր, սակայն    այսօր   մարաղեցիները    շարունակում են    ապրել  իրենց  առօրյայով   և     արարել    այն   հողում, որն  արյան  գնով   են    պաշտպանել:
 
Մեզ  հետ   զրույցում   Նոր  Մարաղայի   վետերանների  միության  նախագահ   Ռաֆայել  Մովսեսյանը,   վերհիշելով    1992  թվականի    ապրիլյան  կոտորածը, ասել է, որ  մինչև     ապրիլի 10-ն  ադրբեջանական զինված   ուժերը   պարբերաբար     գնդակոծում  էին  գյուղը, իսկ   ապրիլի   10-ի  առավոտյան ժամը  5-ին սկսել  էին    գյուղը   հրետակոծել։ 
«Ցավալի  է  հիշել   այդ    տեսարանները, որովհետև    ադրբեջանական  զինված  ուժերն    իրականացրել  էին     այնպիսի   վայրագություններ, որոնք   բառերով   անհնար  է ներկայացնել: Կոտորում  էին  բոլորին՝  մեծ  թե  փոքր,   գլխատում  մարդկանց,  մի  մասին  գերի   վերցնում. ամենուր   խոշտանգված դիակներ  էին: Այդ   ժամանակ   մենք  չունեինք       անհրաժեշտ   զինատեսակներ,  նաև  թվաքանակով  էինք  քիչ:   Ապրիլի   11-ին    Վլադիմիր  Բալայանի   ջոկատի   օգնությամբ  մեր   ֆիդայական   խմբերը    կարողացան     թշնամուն  հետ   շպրտել:  Այդ  օրերին   ունեցանք  ավելի  քան    50  զոհ: Մենք   հաղթեցինք  մեր  միասնականության   շնորհիվ.  բոլորս  համախմբվել էինք, որովհետև   գիտակցում  էինք,   թե  հանուն  ինչի  ենք    պայքարում: Եվ, եթե, Աստված  մի  արասցե, մեր    թշնամին  կրկին    փորձի   պատերազմ    սկսել, ապա  մենք  պատրաստ  ենք   նորից   արիաբար  պաշտպանել  մեր  հող  հայրենին:   Ինչ  էլ որ    լինի,  չենք  թողնի   Նոր  Մարաղան, այստեղ  ծնվել  ու  մեծացել  ենք, այս  հողի  համար   պայքարել  ու    հերոսներ   տվել»,-մասնավորապես  ասել  է  Ռ. Մովսեսյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

Նախագահ Արայիկ Հարությունյանը նոր նշանակումներ է արել

Նախագահ Հարությունյանը ստորագրել է մի շարք հրամանագրեր

Ոստիկանության գնդապետ Աշոտ Հակոբջանյանը նշանակվել է Արցախի Հանրապետության ոստիկանության պետ

Եկեք հունիսի 1-ին, իսկապես, փորձենք պաշտպանել մեր երեխաների առողջությունը.Գրիգորի Մարտիրոսյան

Սամվել Շահրամանյանը նշանակվելու է ԱՀ Ռազմահայրենասիրության, երիտասարդության, սպորտի և զբոսաշրջության նախարար, Կամո Աղաջանյանը՝ ԱԱԾ տնօրեն (Տեսանյութ)

Նախագահ Արայիկ Հարությունյանը խոցել է 500 մետր հեռավորության նշանակետը (տեսանյութ)

Փոփոխություններ կլինեն շրջվարչակազմերի ինստիտուտում. Արայիկ Հարությունյանը մանրամասներ է ներկայացրել

Search