Artsakhpress

Մշակույթ

Մանկապատանեկան նկարչության չորրորդ մրցույթը կկազմակերպվի առցանց եղանակով

Հադրութի շրջվարչակազմի աշխատակազմի մշակույթի և երիտասարդության հարցերի բաժինը կազմակերպում է մանկապատանեկան նկարչության չորրորդ մրցույթը՝ նվիրված երեխաների իրավունքների պաշտպանության միջազգային օրվան:

Մանկապատանեկան նկարչության չորրորդ մրցույթը կկազմակերպվի առցանց եղանակով

Մանկապատանեկան նկարչության չորրորդ  մրցույթը    կկազմակերպվի   առցանց   եղանակով
ՍՏԵՓԱՆԱԿԵՐՏ, 14 մայիսի, ԱՐՑԱԽՊՐԵՍ։ Այս  մասին  «Արցախպրես»-ի  թղթակցի  հետ  զրույցում  ասել է  Հադրութի շրջվարչակազմի աշխատակազմի մշակույթի և երիտասարդության  հարցերի բաժնի  վարիչ  Երազիկ Հայրիյանը:
 
Նրա  խոսքով՝  մրցույթի նպատակն է  երեխաների գեղարվեստական հնարանքի, յուրատեսակ աշխարհահայացքի զարգացմանը, հայ ազգագրության և գեղագիտական արժեքների յուրացմանը նպաստելը:
 
«ԱՀ բոլոր շրջանների և մայրաքաղաքի մասնակիցներից ակնկալվում է անդրադարձ կատարել օրվա խորհրդին։ Աշխատանքները (պատկերները) պետք է արտահայտեն տվյալ ստեղծագործության իմաստը, էությունը, հոգեբանական տրամադրվածությունը, զգացմունքային լիցքը: Մրցույթին կարող են մասնակցել մասնագիտական  և սիրողական   կարգերում՝   6-13  և  14-18 տարիքային խմբերի ներկայացուցիչներ: Մրցույթը նախատեսված է անցկացնել մեկ փուլով՝ առցանց   եղանակով: Մասնակիցներն  իրենց  լուսանկարները   պետք  է  ուղարկեն   «Ճանաչիր ինձ իմ ունակություններով» ֆեյսբուքյան էջին՝   մինչև  մայիսի 28-ը:  Աշխատանքների լուսանկարները ուղարկելիս անհրաժեշտ է պարտադիր պահպանել հետևյալ կանոնները. ներկայացնողի անուն, ազգանուն և հայրանուն,  մասնակցի տարիքը, կարգը, նկարչություն դասավանդող մանկավարժի անունը, ազգանունը և հայրանունը (փակցված ստեղծագործության վրա): Նկարը  պետք  է   լուսանկարել ուղիղ դիրքով։ Մասնագիտական հանձնաժողովի կողմից կընտրվեն լավագույն աշխատանքները և հիմնական ու խրախուսական մրցանակակիրները։ Հանձնաժողովի կողմից մերժվելու են արտատպված, կրկնօրինակված բոլոր  աշխատանքները: Չեն ընդունվելու նաև այն աշխատանքները, որոնք նախկինում մասնակցել են որևէ մրցույթի, ցուցադրվել են ցուցահանդեսներում կամ հրապարակվել են տպագիր կամ համացանցային աղբյուրներում: Գնահատման ընթացքում նախապատվությունը տրվելու է բովանդակային պահանջների համապատասխանությանը, գաղափարի գեղարվեստական կատարման յուրօրինակությանը և որակին: Նկարները պետք է լինեն A2 (420x594մմ) կամ A3 (297x420մմ) չափի: Նշված չափերին չհամապատասխանող աշխատանքները մերժվելու են»,-մանրամասնել  է  Ե. Հայրիյանը:
 
Նա  ավելացրել է, որ   աշխատանքները կարող են կատարվել կերպարվեստի հետևյալ ճյուղի՝ գեղանկարչության միջոցով` ցանկացած նկարչական նյութի օգնությամբ (ջրաներկ, գուաշ, ակրիլ, ածուխ, պաստել, տեկստիլ, և այլն):
 
Ե. Հայրիյանը  տեղեկացրել է, որ   մրցույթի արդյունքները   հունիսի 1-ին,ժամը՝ 12։00 –ին, կհրապարակվեն ֆեյսբուքյան էջում։ Մրցույթի հաղթողները կստանան պատվոգրեր և մրցանակներ: 

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

WarGonzo նախագծի հեղինակ Սեմյոն Պեգովը ԼՂ հակամարտության գոտու արևելյան ռազմաճակատում ցուցադրել է ադրբեջանական զինուժի կորուստները (տեսանյութ)

Ադրբեջանական ագրեսիան հետ մղելու ընթացքում զոհված զինծառայողները

Մարտակերտ քաղաքին հրթիռահրետանային հարվածներ հասցնելուց բացի, այդ ուղղությամբ այսօր թշնամին կիրառել է նաև ռազմական ավիացիա. Արցախի ՊԲ

ՊԲ-ի սպառազինության մեջ կան «Իսկանդերի» նման զենքեր, որոնք իրենց գործն անում են. ՊՆ ներկայացուցիչ

Հայաստանի և Ադրբեջանի ղեկավարները հայտնել են, որ պատրաստ են հանդիպել

ՊԲ-ն հրապարակել է ևս 29 զոհի անուն

Դմիտրի Պեսկովը նշել է Լեռնային Ղարաբաղում խաղաղապահների տեղակայման պայմանը

«Ադրբեջանական բանակն այնտեղ էր, բայց նրանք չէին կռվում. նրանք մեզնից 200 մ հեռավորության վրա էին»․ ԼՂ-ում պատերազմած վարձկանը մանրամասներ է պատմել

Արցախի ՊԲ-ն հրապարակել է զոհված զինծառայողների անուններ

Search