ՍՏԵՓԱՆԱԿԵՐՏ, 21 մայիսի, ԱՐՑԱԽՊՐԵՍ։Այս մասին ճեպազրույցի ժամանակ հայտնել է պետության ղեկավարի մամուլի քարտուղար Քելի Մաքինենին, փոխանցում է News.am-ը-ը:

«Նախագահն իսկապես ցանկանում է Վաշինգտոնում «յոթնյակի» գագաթնաժողով անցկացնել, հենց որ երկիրը բացենք, երբ աշխարհը սկսի բացվել: Մենք կցանկանայինք անցկացնել հունիսին, բայց կոնկրետ օրվա մասին ոչ մի հայտարարություն չկա»,- ասել է նա:

Հարցին՝ գագաթնաժողովի կազմակերպման ծրագրերն ինչպե՞ս են հարաբերակցվում թռիչքների գործող սահմանափակումներին, Մաքինենին պատասխանել է, որ Թրամփն այդ միջոցառումները կչեղարկի այն բանից հետո, երբ համոզվի քաղաքացիների առողջության անվտանգության ապահովման հարցում:

«Ինչ վերաբերում է այստեղ գագաթնաժողովի անցկացմանը, ապա դա նախագահի առանձնաշնորհն է, հենց որ ԱՄՆ-ն, աշխարհը բացվեն: Սա ցույց կտա այն բանի ամրապնդվող լավատեսությունը, որ առաջնորդները կհավաքվեն միասին եւ գործերը կվարեն սովորականի պես»,- ասել է մամուլի քարտուղարը:

Թրամփն ավելի վաղ հայտարարել էր, որ ուսումնասիրում է Քեմփ Դեւիդի իր նստավայրում առերես ձեւաչափով G7-ի գագաթնաժողով անցկացնելու հնարավորությունը: Նա չորեքշաբթի Ֆրանսիայի նախագահ Էմանուել Մակրոնի հետ հեռախոսով քննարկել էր մոտ ժամանակում գագաթնաժողովի կազմակերպումը:

Մարտի 20-ին Սպիտակ տան մամուլի քարտուղարի տեղակալ Ջադ Դիրը հայտնել էր, որ Թրամփը որոշել է համավարակի պատճառով չեղարկել Քեմփ Դեւիդում G7-ի առաջնորդների հանդիպումը, դրա փոխարեն նախատեսվում էր գագաթնաժողովն անցկացնել տեսակոնֆերանսի ռեժիմում:

ԱՄՆ նախագահների Քեմփ Դեւիդ նստավայրը տեղակայված է Վաշինգտոնից 100 կմ հյուսիս-արեւմուտք: