Artsakhpress

Հասարակական

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Ըստ Արցախի Հանրապետության նորընտիր նախագահ Արայիկ Հարությունյանի նախընտրական ծրագրի կրթական համակարգին վերաբերող հատվածի՝ սեպտեմբերի 1-ից Արցախում բարձրագույն և միջին մասնագիտական կրթությունը կդառնա անվճար, ինչը սոցիալական հեղափոխություն կարելի է համարել: Ծրագիրը կյանքի կկոչվի վարկանիշավորման տեսանկյունից կշիռ ունեցող ցուցանիշների հիման վրա։

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան
ՍՏԵՓԱՆԱԿԵՐՏ, 23 մայիսի, ԱՐՑԱԽՊՐԵՍ։ Այս մասին ֆեյսբուքյան իր էջում գրառում է կատարել ԱՀ կրթության, գիտության և սպորտի նախարարության մասնագիտական կրթության և գիտության բաժնի պետ Լուսինե Ղարախանյանը և ավելացրել, որ, այդ առումով, որակի ապահովումը կենթադրի թափանցիկ մեթոդաբանություն։
«Ծրագիրը խարսխված կլինի ոչ թե քանակի, այլ որակի ապահովման վրա։ Գերմանիան, Շվեդիան, Նորվեգիան, Ֆրանսիան, Չեխիան, Բելգիան և մի շարք այլ երկրներ առաջարկում են անվճար բարձրագույն կրթության համակարգ ինչպես տեղացիներին, այնպես էլ օտարերկրացիներին։ Արցախի համար այս ծրագիրը ցպահանջ է։ Այն շեշտակիորեն կփոխի այն լարվածությունը, որը սովորաբար լինում է կիսամյակներին հաջորդող և նախորդող ժամանակահատվածներում։ Որոշ մարդկանց ընկալումներում վճարովի կրթությունը վարկանիշ է, սակայն սոցիալական ասպեկտով, մեր դիտարկումներով, այն սպառնալիք է հատկապես գյուղաբնակ ուսանողության համար»,- գրել է Լ. Ղարախանյանը:
Նշենք, որ նորընտիր նախագահ Արայիկ Հարությունյանն արդեն իսկ հայտարարել է, որ Լուսինե Ղարախանյանն Արցախի նոր կառավարությունում զբաղեցնելու է ԱՀ կրթության, գիտության և սպորտի նախարարի պաշտոնը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Քո մասնագիտությամբ ու նվիրումով քանի կյանքեր պիտի փրկեիր, բայց ամեն ինչ մնաց կես ճանապարհին. Նախագահը ցավակցել է Սաթենիկ Սաֆարյանի հարազատներին

Նախագահ Հարությունյանը ստորագրել է մի շարք հրամանագրեր

Նախագահը նոր հրամանագրեր է ստորագրել

Նախագահ Արայիկ Հարությունյանը խոցել է 500 մետր հեռավորության նշանակետը (տեսանյութ)

Հստակեցվել է բուհեր ընդունվելու կարգը. Լուսինե Ղարախանյանը հանդես է եկել առցանց ասուլիսով (Տեսանյութ)

ԱՀ գլխավոր դատախազի պաշտոնում ներկայացվել է Մհեր Աղաջանյանի թեկնածությունը

Սիրան Ավետիսյանը նշանակվել է Արցախի արդարադատության նախարար

Կորոնավիրուսի դեմ պայքարը նոր փուլ է մտնում. ԱՀ Նախագահը խոսել է հետագա անելիքներից (Տեսանյութ)

Ռուդիկ Հյուսնունցը նշանակվել է ԱՀ Նախագահի գլխավոր խորհրդական - հատուկ հանձնարարություններով դեսպան

Search