Artsakhpress

Պատգամավորը ՄԻԵԴ-ի նոր վճիռը համարում է Ադրբեջանի ֆաշիստական քաղաքականության իրավական գնահատականը

ՀՀ ազգային ժողովի «Իմ քայլը» խմբակցության պատգամավոր Տաթևիկ Հայրապետյանի կարծիքով՝ Գուրգեն Մարգարյանի գործով Մարդու իրավունքների եվրոպական դատարանի հրապարակած նոր վճիռը իրավական գնահատական է տալիս Ադրբեջանի ֆաշիստական քաղաքականությանը:

Պատգամավորը ՄԻԵԴ-ի նոր վճիռը համարում է Ադրբեջանի ֆաշիստական քաղաքականության իրավական գնահատականը

Պատգամավորը ՄԻԵԴ-ի նոր վճիռը համարում է Ադրբեջանի ֆաշիստական քաղաքականության իրավական գնահատականը
ՍՏԵՓԱՆԱԿԵՐՏ, 26 մայիսի, ԱՐՑԱԽՊՐԵՍ-ԱՐՄԵՆՊՐԵՍՊատգամավորը ՄԻԵԴ վճռի մասին խոսեց ԱԺ մայիսի 26-ի նիստում հայտարարությունների ժամին:
«Այն, ըստ իս, իրավական գնահատական է տալիս Ադրբեջանի իրագործած ֆաշիստական քաղաքականությանը: Վճիռը հստակ արձանագրում է, որ խախտվել են Մարդու իրավունքների և հիմնարար ազատությունների պաշտպանության մասին կոնվենցիայի 2-րդ և 14-րդ հոդվածները՝ կյանքի իրավունքը և խտրականության արգելքը: Սաֆարովի հանցանքը որակվել է որպես էթնիկ հողի վրա իրագործված հանցագործություն: Այս վճիռը խոսուն է, այն միանգամյան հասկանալի է դարձնում, թե ինչ ենք մենք խոսում, երբ առավոտից երեկո արձանագրում ենք կենսական անվտանգության մասին մեր թեզը՝ հստակ նշելով, որ այն զիջման ենթակա չէ»,-ասաց Հայրապետյանը:
Պատգամավորը նշեց՝ միանգամայն հստակ է դառնում, թե ինչպիսի պետության հետ գործ ունենք՝ միայն վերհիշելով, թե ինչպես էին Ադրբեջանի բարձրաստիճան պաշտոնյաները և այլք դափնիներով խրախուսում Սաֆարովի արարքը, գովերքում, կոչ անում Ադրբեջանի երիտասարդներին լինել Սաֆարովի նման:
Մարդու իրավունքների եվրոպական դատարանը վճիռ է հրապարակել Բուդապեշտում ադրբեջանցի Ռամիլ Սաֆարովի կողմից քնած ժամանակ կացնահարված ՀՀ զինված ուժերի սպա Գուրգեն Մարգարյանի ընկերոջ՝ Հայկ Մակուչյանի և հարազատների ընդդեմ Ադրբեջանի և Հունգարիայի հայցերի առնչությամբ։

Դատարանը մասնավորապես արձանագրել է, որ Ադրբեջանը տապալել է ազգային ատելության հիմքի վրա կատարված սպանության համար պատժի կրման ապահովումը՝ ներում շնորհելով, խրախուսելով ոճրագործին, որը չի տառապել որևէ հոգեկան հիվանդությամբ։ Այսպիսով՝ պետությունը խախտել է կյանքի իրավունքի դեմ ոտնձգության համար պատժի լիակատար ապահումը՝ հիմք ստեղծելով անպատժելիության համար։

2004 թվականին Գուրգեն Մարգարյանը Հունգարիայի մայրաքաղաք Բուդապեշտում էր` մասնակցելու ՆԱՏՕ-ի «Գործընկերություն հանուն խաղաղության» ուսումնական ծրագրին:

Դատական գործընթացի ժամանակ Սաֆարովը նշել էր, որ հանցագործությունը կատարել է՝ դրդված Հայաստանի և հայերի նկատմամբ ատելությամբ: Բուդապեշտի դատարանը նրան դատապարտել էր ցմահ ազատազրկման: Այդուհանդերձ, 2012 թվականին Սաֆարովն արտահանձնվել էր Ադրբեջանին, որտեղ էլ նրան ներում էր շնորհվել:


     

Քաղաքական

Տնտեսական

Ռազմական

Ամենադիտված

ամիս

շաբաթ

օր

Search