Վրաստանում վերջին 24 ժամում գրանցվել է կորոնավիրուսով վարակման 3 նոր դեպք, վարակման դեպքերի ընդհանուր թիվը հասել է 735-ի:
Վրաստանում 1 օրում գրանցվել է կորոնավիրուսով վարակման 3 նոր դեպք
Օրվա կտրվածքով կորոնավիրուսից ապաքինվածների թիվը 21 է. ընդհանուր առմամբ, երկրում ապաքինվել է 521 մարդ:
Մահացության նոր դեպքեր չեն գրանցվել, համաճարակի սկզբից կորոնավիրուսով վարակման հետևանքով Վրաստանում մահացել է 12 մարդ:
3076 մարդ գտնվում է կարանտինային գոտիներում, 250-ը հսկողության տակ է գտնվում հիվանդանոցներում:
Նոր տեսակի կորոնավիրուսով վարակվածների թիվն ամբողջ աշխարհում 5 699 030 է, մահացել է 352 494 մարդ: Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին: Վիրուսը տարածվել է 213 երկրում: Համաճարակի բռնկման մասին Չինաստանի իշխանություններն ԱՀԿ-ին հայտնել են դեկտեմբերի 31-ին: