Artsakhpress

Հասարակական

ԱՀ ԿԳՄ կողմից մշակվող մեխանիզմների հիման վրա՝ նոր ուսումնական տարում տարրական օղակի դասապրոցեսը կկազմակերպվի դպրոցներում. Լուսինե Ղարախանյան

ԱՀ կրթության, գիտության և մշակույթի նախարարության կողմից մշակվող մեխանիզմների և կանոնների հիման վրա՝ 2020-2021 ուսումնական տարում տարրական օղակի դասապրոցեսը կկազմակերպվի դպրոցներում:

ԱՀ ԿԳՄ կողմից մշակվող մեխանիզմների հիման վրա՝ նոր ուսումնական տարում տարրական օղակի դասապրոցեսը կկազմակերպվի դպրոցներում. Լուսինե Ղարախանյան

ԱՀ ԿԳՄ կողմից մշակվող մեխանիզմների հիման վրա՝ նոր ուսումնական տարում տարրական օղակի դասապրոցեսը կկազմակերպվի դպրոցներում. Լուսինե Ղարախանյան
ՍՏԵՓԱՆԱԿԵՐՏ, 1 հունիսի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ այս մասին այսօր կայացած առցանց ասուլիսի ընթացքում ասել է ԱՀ կրթության, գիտության և մշակույթի նախարար Լուսինե Ղարախանյանը և ավելացրել, որ ներկայումս աշխատանքներ են տարվում նախադպրոցական հաստատությունների, նախակրթարանների և տարրական օղակի ուսուցումը կազմակերպելու ուղղությամբ:
Նախարարի խոսքով՝ ինչպես ցույց են տալիս կատարված վերլուծությունները, տարրական օղակի ուսուցումը հնարավոր չէ կազմակերպել առցանց տարբերակով:
«Նշեմ, որ գյուղաբնակ վայրերում, որտեղ դպրոցները սակավակազմ են, անպայման ուսումնական գործընթացը կկազմակերպվի կենդանի շփմամբ: Կարծում եմ՝ միջին օղակում սովորող երեխաները ես պետք է հնարավորություն ունենան՝ կենդանի շփմամբ անցկացնելու ուսումնական պարապմունքները: Իսկ ավագ դպրոցի, մասնավորապես՝ վերջին երկու դասարանների պարագայում, ուսումնական գործընթացը կարող է կազմակերպվել առցանց տարբերակով՝ իհարկե, պայմանավորված համավարակի ազդեցության հանգամանքներով»,- տեղեկացրել է Լ. Ղարախանյանը:
Ըստ վիճակագրական վերլուծությունների և մշտադիտարկման գործընթացի՝ կան խոցելի խմբեր, ովքեր պարզապես դուրս են մնացել հեռավար կրթությունից: Ոլորտի պատասխանատուի խոսքով՝ այս ուղղությամբ արդեն իսկ տարվում են որոշակի քայլեր: Մասնավորապես՝ առաջիկայում առցանց տարբերակով ուսուցիչների համար կմեկնարկեն վերապատրաստման դասընթացներ: ԿԳՄ նախարարությունը քայլեր է ձեռնարկում նաև ինչպես ուսուցիչներին, այնպես էլ աշակերտներին տեխնիկապես զինելու համար:
 
«Մենք հույս ունենք, որ նոր ուսումնական տարում կորոնավիրուսային համավարակն այնպիսի ընթացք չի ունենա, որպեսզի կրկին անցում կատարենք առցանց ուսուցման, սակայն սեպտեմբերի 1-ին մենք կլինենք զինված համապատասխան գործիքակազմով և առցանց հարթակներին տիրապետող ուսուցչությամբ»,- ընդգծել է Լ. Ղարախանյանը:

     

Քաղաքական

Տնտեսական

Հասարակական

Ռազմական

Search