Artsakhpress

Հասարակական

Այսօր Բերդաշենի օրն է. գյուղապետն անդրադարձել ձեռքբերումներին և օրակարգային խնդիրներին

Այսօր Մարտունու շրջանի Բերդաշեն համայնքի օրն է:

Այսօր Բերդաշենի օրն է. գյուղապետն անդրադարձել ձեռքբերումներին և օրակարգային խնդիրներին

Այսօր  Բերդաշենի    օրն  է.  գյուղապետն  անդրադարձել  ձեռքբերումներին  և օրակարգային    խնդիրներին
ՍՏԵՓԱՆԱԿԵՐՏ, 4 հունիսի, ԱՐՑԱԽՊՐԵՍ։ «Արցախպրես»-ի  թղթակցի   հետ  զրույցում   համայնքի  ղեկավար    Մխիթար  Սարգսյանը   պատմել   է,  որ  1988  թվականի  հունիսի   4-ին    գյուղում    կայացել  է  վարչության  ժողով, որի   ժամանակ    նախկին  Ղզղալա   անվանումը   փոխարինվել  է  Բերդաշենով: Հաշվի  առնելով  այս   պատմական   իրողությունը՝    գյուղի  ավագանու  որոշմամբ     համայնքի  օր  է   ընտրվել  հենց   հունիսի   4-ը:
 
Մ. Սարգսյանի  խոսքով՝   գյուղացիները  հիմնականում    զբաղվում են  անասնապահությամբ  և   գյուղատնտեսությամբ:
 
«Գյուղում   գործում   միջնակարգ դպրոց, որտեղ հաճախում   է 219 աշակերտ. կրթօջախը  ենթակա  է վերանորոգման:    ներկայումս  դպրոցի   շենքին   կից  կառուցվում են  մարզադահլիճ   և      ակումբ:  Նախադպրոցական  հաստատությունում    սովորում   է  61 երեխա: Համայնքում   կա   բուժկետ, որը   ներկայումս  գտնվում  է   վերանորոգման    շրջանում:  Ունենք  նաև    «Ղարաբաղ  Տելեկոմ»-ի սպասարկման կետ, որտեղ  աշխատում  են   մեր  համագյուղացիները: Գյուղը  գազաֆիկացված  է»,-ավելացրել  է   համայնքապետը:  
 
Նա    ցավով   է  նշել    համայնքապետարանի   շենքի   վթարային    լինելու   փաստը: Մ. Սարգսյանը   գտնում է,  որ    կա՛մ     ամբողջովին   պիտի  վերակառուցել  շենքը,    կա՛մ   էլ    նորը    կառուցել:
 
Խոսելով  այլ  խնդիրներից՝   մեր  զրուցակիցն ասել է, որ   ամռան ամիսներին խմելու ջրի հարցը   դառնում է  օրակարգային: Վերակառուցված է գյուղի  ներքին ջրատարը, իսկ արտաքին ջրատարը՝ դեռ  ոչ։  Գյուղն  ունի 6 արտեզյան  ջրհոր: Գյուղամիջյան  ճանապարհները   գտնվում  են  անմխիթար   վիճակում.  եղանակային անբարենպաստ   պայմաններում անանցանելի  են  դառնում բոլոր   ճանապարհները:
 
Անդրադառնալով   գյուղատնտեսության   ոլորտին՝  համայնքի   ղեկավարը   տեղեկացրել է, որ   այս  տարվա  բերքի տակ կատարվել է 1055.9 հա աշնանացան՝   191.5 հա ցորեն, 864.3 հա գարի: Կատարել  են  գարնանացան  մի  շարք   մշակաբույսերի  ցանքս: Բերդաշենում կա 70 գյուղատնտեսական  նշանակության տեխնիկա՝  այդ  թվում   30 տրակտոր, 33 բեռնատար ավտոմեքենա, 7 հացահատիկահավաք կոմբայն:
Գյուղում    խոշոր  եղջերավոր  անասուների  գլխաքանակը կազմում  է 1046: 
«Համայնքում գործում  է «Բերդաշեն» բարեգործական հիմնադրամ, որի  ֆինանսավորմամբ  վերանորոգվել է Հայրենական մեծ պատերազմի զոհերի հիշատակին կառուցված «Աղջկաբերդ» հուշարձան-թանգարանը. այն վնասվել էր հակառակորդի   հրետակոծությունից:  Մեծ Հայրենական պատերազմում զոհված արցախցիների հիշատակին նվիրված մոտ 30 մետր բարձրությամբ եռահարկ շինությունն իր մեջ ներառում է նաև թանգարանը, որտեղ Աղջկաբերդ ամրոցի ու նրա մոտ գտնվող հին բնակատեղիների պեղումների ժամանակ գտնված ցուցանմուշների մեծ հավաքածու կա»,-հավելել  է  Մ.  Սարգսյանը: Վերականգնվում է Բերդաշենի «Աղջկաբերդ» հուշարձան-թանգարանը
Զրույցի  վերջում Բերդաշենի  համայնքի   ղեկավարը   շնորհավորել  է     համագյուղացիներին  և  հույս  հայտնել, որ   միասնական  ուժերով   կկարողանան ապահովել գյուղի հետագա  զարգացումը: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Պարետի որոշմամբ խստացվել են Արցախ մուտք գործելու պահանջները

Հայտնի են անգլերենի, ֆրանսերենի և ռուսերենի միասնական քննությունների արդյունքները

Ճանապարհատրանսպորտային պատահար Ստեփանակերտ-Ասկերան ճանապարհի 8-րդ կիլոմետրին. կան տուժածներ

Ստեփանակերտում հայտնաբերվել է կորոնավիրուսային վարակի նոր օջախ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Լուսանկարներ. ՀՀ ԶՈւ-երը խոցել են հայկական դիրքերը գրոհող ադրբեջանական «ՈՒԱԶ»-ը. Banakinfo

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Ստեփանակերտում հաստատվել է կորոնավիրուսով հիվանդացության 5 նոր դեպք

Search