Artsakhpress

Ռազմական

ՀՀ ԶՈւ-ն մեր ինքնիշխանության երաշխիքն է․ Փաշինյանը ներկայացրեց Գլխավոր շտաբի նորանշանակ պետին

ՀՀ վարչապետ Նիկոլ Փաշինյանը բարձրագույն սպայակազմին ներկայացրեց Զինված ուժերի Գլխավոր շտաբի նորանշանակ պետ Օնիկ Գասպարյանին։

ՀՀ ԶՈւ-ն մեր ինքնիշխանության երաշխիքն է․ Փաշինյանը ներկայացրեց Գլխավոր շտաբի նորանշանակ պետին

ՀՀ ԶՈւ-ն մեր ինքնիշխանության երաշխիքն է․ Փաշինյանը ներկայացրեց Գլխավոր շտաբի նորանշանակ պետին
ՍՏԵՓԱՆԱԿԵՐՏ, 9 հունիսի, ԱՐՑԱԽՊՐԵՍ-ԱՐՄԵՆՊՐԵՍ: Փաշինյանը նախ շնորհակալություն հայտնեց Արտակ Դավթյանին՝ կատարած աշխատանքի համար և ընդգծեց, որ հսկայական աշխատանք է կատարվել, մեծ փոփոխություններ են տեղի ունեցել և ձևավորվել է մեծ օրակարգ։
Շնորհավորելով գեներալ-լեյտենանտ Օնիկ Գասպարյանին՝ վարչապետը նշեց, որ նա նոր մարդ չէ Զինված ուժերում, երկար ժամանակ է, ինչ զբաղեցնում էր ԶՈւ ԳՇ պետի առաջին տեղակալի պաշտոնը։
«Պարոն Գասպարյանը Զինված ուժերում նոր մարդ չէ, և պարոն Դավթյանի նման անցել է զիվորական ծառայության առաջխաղացման բոլոր աստիճաններով»,- ասաց Փաշինյանը
Նա նշեց, որ այս ընթացքում վարչապետի կարգավիճակում ավելի մոտիկից շփվելով Զինված ուժերի հետ՝ շատ կարևոր և հաճելի արձանագրում է արել՝ զինվորականությունը որպես խավ կայացել է ՀՀ-ում։ 
«ԶՈւ-ն մեր պետականության ողնաշարի դերն է կատարում, և դրա առկայությունն ամենակարևոր երաշխիքն է մեր ինքնիշխանության, մեր պետականության և մեր լինելության։ Ինչպես ցանկացած պետություն` Հայաստանի Հանրապետությունը նույնպես ունի, թե ներքին և թե արտաքին մարտահրավերներ։ Մեր հիմնական ուժն ու երաշխիքը ԶՈւ-ն է, և ՀՀ կառավարությունը պարտավոր է պայմաններ ստեղծել այդ կառույցի համար՝ իր առջև դրված խնդիրները լուծելու համար»,- ասաց Փաշինյանը։ 
Նա ընդգծեց, որ առաջիկայում Արթուր Դավթյանի հետ կվերլուծեն համատեղ աշխատանքը, կարձանագրեն, թե ինչն է ստացվել, ինչը՝ ոչ։ Փաշինյանը հույս հայտնեց, որ միմյանց հետ կգան ընդհանուր եզրակացությունների և՛ կատարվածի, և՛ հետագա անելիքների վերաբերյալ։
«Պարոն Օնիկ Գասպարյան, ես համոզված եմ, որ դուք այս ընթացքում լիարժեք և ամբողջապես ներգրավված եք եղել և մասնակիցն եք եղել տեղի ունեցող պրոցեսներին։ Համոզված եմ նաև, որ փոփոխությունների ժառանգականությունը ոչ միայն կապահովվի, այլև խնդիրների լուծման որակն ավելի կբարելավվի։ Կարծում եմ, որ Ձեր ղեկավարությամբ ԶՈւ-ն ամեն օրվա, շաբաթվա, ամսվա և տարվա հետ կդառնա ավելի մարտունակ։ Մեր մեծագույն խնդիրը հետևյալն է՝ ՀՀ ԶՈւ իմիջը և այդ կառույցի նկատմամբ հանրային վերաբերմունքը, սերը և գնահատանքը հասցնել ամենաբարձր մակարդակի։ Սա ամենալավ արձանագրումն է, որ մենք կարող ենք անել»,- ասաց ՀՀ վարչապետը։ 
Արտակ Դավթյանը ՀՀ ԶՈՒ ԳՇ պետի պաշտոնից ազատվել է հունիսի 8-ին, նույն օրն էլ նշանակվել է Օնիկ Գասպարյանը։

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Տեղահանվածների կեղծ տվյալներ ներկայացնելով հյուրանոցը պետությունից հափշտակել է 19,5 մլն դրամ գումար

Արցախի ժողովրդի բարեկեցությանն ուղղված ծրագրերի իրականացման համար «Տաշիր գրուպ»-ը կհատկացնի մոտ 50 միլիոն դոլար

Նիկոլ Փաշինյանը ցավակցական հեռագիր է հղել Վլադիմիր Պուտինին

Պատերազմի հետևանքով նյութական վնաս կրած քաղաքացիների հայտերն ընդունվում են ըստ հերթականության. պատասխանատու

Ադրբեջանական զինուժը Արցախի Հանրապետության արևմտյան հատվածում հերթական անգամ խախտել է հրադադարի պահպանման ռեժիմը

Ստեփանակերտում թշնամու լեզվի ուսուցման դասընթաց կկազմակերպվի

Հանրապետության որոշ համայնքներում հոսանքի ժամանակավոր անջատում կլինի

Հանրապետության ողջ տարածքում սեպտեմբերի 27-ին՝ ժամը 11:00-ին, լռության րոպե կհայտարարվի, կկատարվի նաև հոգեհանգստյան արարողություն

ԱԺ 3 խմբակցություն հայտարարություն է տարածել

Search