Artsakhpress

Քաղաքական

Արցախի և Հայաստանի ԱԳ նախարարները քննարկել են երկկողմ հետաքրքրություն ներկայացնող հարցեր

Հունիսի 25-ին Արցախի Հանրապետության արտաքին գործերի նախարար Մասիս Մայիլյանը Երևանում հանդիպում է ունեցել Հայաստանի Հանրապետության արտաքին գործերի նախարար Զոհրաբ Մնացականյանի հետ։

Արցախի և Հայաստանի ԱԳ նախարարները քննարկել են երկկողմ հետաքրքրություն ներկայացնող հարցեր

Արցախի և Հայաստանի ԱԳ նախարարները քննարկել են երկկողմ հետաքրքրություն ներկայացնող հարցեր

ՍՏԵՓԱՆԱԿԵՐՏ, 25 հունիսի, ԱՐՑԱԽՊՐԵՍ: Այս մասին հայտնեցին Արցախի Հանրապետության ԱԳՆ-ից։

Արտաքին գործերի նախարարները կարևորել են նմանատիպ հանդիպումների պաբերաբար անցկացումը՝ քննարկելու ադրբեջանա-ղարաբաղյան հակամարտության կարգավորման գործընթացին առնչվող հարցերը, ինչպես նաև մտքեր փոխանակելու երկու հայկական պետությունների արտաքին քաղաքական օրակարգի առանցքային ուղղությունների վերաբերյալ համակարգված գործողությունների շուրջ։

Հանդիպմանը վերստին ընդգծվել է խաղաղ կարգավորման գործընթացի արդյունավետության բարձրացման և առաջմղման նպատակով Արցախի Հանրապետության լիարժեք և ուղղակի մասնակցությամբ եռակողմ բանակցային ձևաչափի վերականգնման անհրաժեշտությունը։

Կողմերը կարևորել են միջազգային հարթակներում Արցախի շահերի ներկայացման և պաշտպանության ուղղությամբ գործադրվող համատեղ ջանքերը։ Այս համատեքստում Մասիս Մայիլյանն ընդգծել է Արցախում բնակվող Ադրբեջանից փախստականների և Արցախի օկուպացված տարածքներից ներքին տեղահանված անձանց միջազգային պաշտպանության և միջազգային աջակցության ապահովման, ինչպես նաև խաղաղ կարգավորման գործընթացում նրանց շահերի առաջմղման ուղղությամբ գործունեության ակտիվացման անհրաժեշտությունը։

Զրուցակիցները նաև մտքեր են փոխանակել երկու գերատեսչությունների միջև համագործակցության օրակարգին վերաբերող մի շարք հարցերի շուրջ։


     

Քաղաքական

Տնտեսական

Հասարակական

Ռազմական

Search