Artsakhpress

Հասարակական

Ընթացիկ տարվա սեպտեմբերից Արցախի Հանրային ռադիոն կանցնի 24-ժամյա եթերի. Արսեն Առստամյան

2019 թվականին Արցախի Հանրային հեռուստառադիոընկերությունն իր գործունեությունն իրականացրել է ԱՀ օրենսդրությամբ սահմանված լիազորությունների շրջանակներում:

Ընթացիկ տարվա սեպտեմբերից Արցախի Հանրային ռադիոն կանցնի 24-ժամյա եթերի. Արսեն Առստամյան

Ընթացիկ տարվա սեպտեմբերից Արցախի Հանրային ռադիոն կանցնի 24-ժամյա եթերի. Արսեն Առստամյան
ՍՏԵՓԱՆԱԿԵՐՏ, 30 հունիսի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ այս մասին այսօր կայացած Ազգային ժողովի արտահերթ նստաշրջանի լիագումար նիստին ասել է Արցախի Հանրային հեռուստառադիոընկերության խորհրդի նախագահ Արսեն Առստամյանը:
Ներկայացնելով՝ 2019 թ.-ի գործունեության մասին տարեկան հաղորդումը՝ Ա. Աստամյանն ասել է, որ, նպատակ ունենալով ապահովել քաղաքական, տնտեսական, կրթական, մշակութային, մանկապատանեկան, գիտալուսավորչական, մարզական և հանրության համար կարևոր ու նշանակալից այլ տեղեկատվություն ստանալու մարդու իրավունքը, Հանրային հեռուստառադիոընկերության գործունեության հիմքում 2019 թ.-ին դրվել են մի շարք խնդիրներ, այդ թվում՝ շարունակել տեխնիկական վերազինման աշխատանքները, բարձրացնել հաղորդումների հեռարձակման որակն ու ապահովել համապատասխանությունը միջազգային չափանիշներին և այլն:
Ա. Առստամյանի խոսքով՝ խորհուրդը «Հեռուստատեսության և ռադիոյի մասին» ԱՀ օրենքով նախատեսված լիազորությունների շրջանակներում 2019 թ.-ին, ինչպես և նախորդ տարիներին, շարունակել է համակարգել հանրային հեռուստառադիոընկերության գործունեությունը: 2019 թվականի մարտի 1-ից ընկերությունը կրկնապատկել է հեռուստատեսության եթերաժամը՝ հեռարձակելով նախկին 4 ժամի փոխարեն՝ 8 ժամ: Հանրային ռադիոյի եթերաժամը մնացել է անփոփոխ՝  օրական 5 ժամ:
Խորհրդի նախագահը տեղեկացրել է, որ ընթացիկ տարվա սեպտեմբերից Արցախի Հանրային ռադիոն կանցնի 24-ժամյա եթերի: Որոշումը կայացվել է հունիսի 26-ին հրավիրված խորհրդի նիստում:
Անդրադառնալով օրակարգային խնդիրներին՝ Ա. Առստամյանն առանձնացրել է Հանրային հեռուստառադիոընկերության շենքային պայմանների ոչ բարվոք վիճակը, որը, ըստ նրա, ինպես նախորդ տարիներին, այնպես էլ այսօր շարունակում է մնալ առաջնահերթ:
Տարեկան հաղորդումը ներկայացնելուց հետո Ա. Առստամյանը պատասխանել է նաև պատգամավորների բարձրացրած հարցերին:

     

Քաղաքական

Տնտեսական

Հասարակական

Ռազմական

Search