ՍՏԵՓԱՆԱԿԵՐՏ, 2 հուլիսի, ԱՐՑԱԽՊՐԵՍ:  «Արցախպրես»-ի   թղթակցի  հետ  զրույցում   ԱՀ գնահատման և թեստավորման կենտրոնի տնօրեն  Յուրի Քարամյանն  ասել է, որ  այսօր   քննություններ  են   անցկացվել   անգլերենից, ֆրանսերենից  և  ռուսերենից:

 

Յու. Քարամյանի   խոսքով՝    անգլերեն  քննությունն   անց  է   կացվել  երեք  քննական  կենտրոններում, որին    մասնակցում  էին   96  դիմորդներ:   19    դիմորդ   մասնակցել  է  ռուսերենի  քննությանը, որը անց  է  կացվել  մեկ   քննական  կենտրոնում,   ֆրանսերեն  լեզվին    մասնակցել  է 2  դիմորդ:  Քննությունները տևել  են 2,5-ական  ժամ:

 

«Որևէ    բողոք,  խախտում    կամ   դժգոհություն    չենք  ունեցել. գործընթացը  եղել  է  հանգիստ   և  կազմակերպված:  Յուրաքանչյուր   դիմորդ  հնարավորություն  է  ունեցել    պատճենահանելու   իր   թեստի   պատասխանները: Քննությունների   վերջնական արդյունքները    հայտնի  կլինեն   3   օր  անց»,-ավելացրել է   ԳԹԿ   տնօրենը:  

 

Նա  տեղեկացրել է նաև, որ   հաջորդ   քննությունները՝  հայոց  պատմություն, աշխարհագրություն   և  քիմիա   առարկաներից,     տեղի   են  ունենալու     հուլիսի  4-ին: