Շվեյցարիան մեիացել է ԵՄ այն երկրներին, որոնք Վրաստանի համար ցացում են սահմանները: Վրաստանի քաղաքացիները Շվեյցարիա կարող են մեկնել հուլիսի 20-ից:
Շվեյցարիան բացում է սահմանը Վրաստանի համար
ՍՏԵՓԱՆԱԿԵՐՏ, 2 հուլիսի, ԱՐՑԱԽՊՐԵՍ։ SHANTNEWS.am-ի փոխանցմամբ, այս մասին հայտնում է «Ալիք մեդիան»:
Տեղեկությունն այս մասին տեղдադրված է schengenvisainfo.com կայքում: Որոշումը Շվեյցարիայի դաշնային խորհուրդը հաստատել է նախօրեին: Այս փուլում երկրի իշխանությունները սահմանը չեն բացում Սերբիայի, Չեռնոգորիայի և Չինաստանի քաղաքացիների համար:
Հիշեցնենք՝ ավելի վաղ Եվրամիությունը Վրաստանն ընդգրկել էր ԵՄ-ի ոչ անդամ 15 անվտանգ երկրների շարքում, որոնց համար հուլիսի 1-ից բացում է սահմանները: Վրաստանի հետ սահմանները բացելու մասին հայտարարել են նաև Գերմանիան, Նիդերլանդները, Իսպանիան, Ֆրանսիան և Լատվիան: Ավստրիան Վրաստանի համար բաց կլինի սեպտեմբերի 30-ին:
Վրաստանն իր հերթին կոնկրետ ավիաընկերությունների համար երկինքը բացել է հուլիսի 1-ից, չնայած, որ կանոնանավոր ավիափոխադրումների վերականգնումը հետաձգվել է մինչև օգոստոս: Վարչապետ Գիորգի Գախարիան օրերս ասել էր, որ երկրի գլխավոր հոգսը քաղաքացիների առողջությունն է, սրանով է պայմանավորված սահմանափակումների երկարաձգման մասին որոշումը:
