Artsakhpress

Միջազգային

Ֆրանսիայի նախկին վարչապետի նկատմամբ հետաքննություն` կորոնավիրուսային ճգնաժամի կառավարման պատճառով

Ֆրանսիայի նախկին վարչապետ Էդուարդ Ֆիլիպը հետաքննվում է Ֆրանսիայի բարձրագույն դատարանի կողմից՝ COVID-19 ճգնաժամի կառավարման պատճառով:

Ֆրանսիայի նախկին վարչապետի նկատմամբ հետաքննություն` կորոնավիրուսային ճգնաժամի կառավարման պատճառով

Ֆրանսիայի նախկին վարչապետի նկատմամբ հետաքննություն` կորոնավիրուսային ճգնաժամի կառավարման պատճառով
ՍՏԵՓԱՆԱԿԵՐՏ, 6 հուլիսի, ԱՐՑԱԽՊՐԵՍ:Այս մասին հայտնում է Panorama.am-ը, այս մասին հայտարարությունը հայտնի դարձավ այն բանից հետո, երբ նա հրաժարական տվեց նախորդ ուրբաթ։ Էդուարդ  Ֆիլիպն այժմ կզբաղեցնի իր նախկին պաշտոնը՝ Հավրե քաղաքի քաղաքապետ, նախորդ շաբաթ տեղի ունեցած ՏԻՄ ընտրություններից հետո:
Էդուարդ Ֆիլիպը մեղադրվում է «աղետի դեմ պայքարը չհաջողելու համար»՝ Ֆրանսիայի արդարադատության դատարանի կողմից: Այն միակ ֆրանսիական դատարանն է, որը կարող է դատել կառավարության անդամներին՝իրենց գործողությունների համար:
Դատապարտման դեպքում Ֆիլիպին կարող է սպառնալ մինչև երկու տարվա ազատազրկում, գումարած տուգանքներ:
Ֆիլիպը հայտարարել է, որ «քննչական հանձնաժողովին կտա բոլոր պատասխաններն ու անհրաժեշտ տեղեկատվությունը»՝ իր և կառավարության գործողությունները հասկանալու համար:
Նշվում է, որ հետաքննվում են նաև Ֆրանսիայի առողջապահության նախարար Օլիվյե Վերանը և նրա նախորդ Ագնես Բուզանը, որը փետրվարին հրաժարական տվեց՝ Փարիզի քաղաքապետի պաշտոնում ընտրվելու համար:
Ֆրանսիայի նախագահ Էմանուել Մակրոնը չի մեկնաբանել Ֆիլիպին հետաքննության մեջ ներգրավելու հարցը, բայց ուրբաթ շնորհակալություն էր հայտնել նախկին վարչապետին՝ երեք տարվա իր աշխատանքի համար:
Գործը բացվել է այն բանից հետո, երբ մարտի կեսից COVID-19 հիվանդները, բժիշկները, բանտային ծառայողները, ոստիկանության ծառայողները և այլք 90-ից ավել բողոք էին ներկայացրել Արդարադատության դատարան, մասնավորապես` դիմակների և այլ սարքավորումների պակասի պատճառով:
Այս դատարանը սովորաբար տարեկան ընդամենը մի քանի բողոք է ունենում: 90 բողոքներից 44-ը մերժվել է, իսկ 37-ը դեռ քննության փուլում է:
Ֆրանսիան աշխարհում կորոնավիրուսային մահվան դեպքերով հինգերորդն է՝ ավելի քան 29,800 մահով, մոտ 167 հազար վարակի դեպքերով։

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՀՀ կառավարության դրամական աջակցության համար արդեն դիմել է 5000 արցախցի. 2000 դիմում հաստատվել է

Ներկայացվել է Արցախում հաշվառված քաղաքացիներին աջակցություն տրամադրելու կարգը

Պուտինը խոսել է Լեռնային Ղարաբաղի պատկանելության մասին

Հրապարակվել է Ադրբեջանի վերահսկողության տակ անցած՝ Արցախի համայնքների ցանկը

Սոցիալական նոր ծրագրերի և տարբեր խնդիրների շուրջ Արցախի նախագահը խորհրդակցություն է հրավիրել

Արցախում ռազմական գործողությունների դադարեցումից հետո երկու լիբանանահայ է անհետացել

Մակրոնի խոստացած մարդասիրական օգնությունը Երևան հասավ

Լուրեր են տարածվել, թե ադրբեջանական ԶՈՒ-երը մոտենում են Բերդաշեն համայնքին. Արցախի տեղեկատվական շտաբը հայտնում է՝ հարցը գտնվում է կառավարության ուշադրության կենտրոնում

Լեռնային Ղարաբաղում ականի պայթյունից ռուս սպա է վիրավորվել, տուժել են Արցախի ԱԻՊԾ աշխատակիցներ

Search