Առնվազն 19 ոստիկան եւ 17 ցուցարար են տուժել գիշերային անկարգությունների հետեւանքով, որոնք Բելգրադում ծայր են առել կորոնավիրուսով վարակման դեպքերի թվի աճը վերսկսվելու պատճառով սանիտարական միջոցների խստացման դեմ բողոքի ակցիայի ընթացքում:
Բելգրադում տեղի ունեցած բողոքի ակցիաների հետեւանքով տուժել են 19 ոստիկան եւ 17 ցուցարար
ՍՏԵՓԱՆԱԿԵՐՏ, 9 հուլիսի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին հուլիսի 9-ին հայտնել Է շտապ օգնության կլինիկայի բժիշկ Իվանա Ստեֆանովիչը:
Բժշկի խոսքով՝ բողոքների վայրում հերթապահել Է 12 բժշկական անձնակազմ: «Վնասվածքներ են ստացել 19 ոստիկան եւ 17 ցուցարար, ծանր վնասվածքներ չկան»,- հայտարարել Է Ստեֆանովիչը: Ավելի վաղ իրավապահ մարմինների աշխատակիցները ցրել են բողոքի ցույցը Բելգրադում Սերբիայի Ժողովրդական սկուպշչինայի (խորհրդարանի) շենքի մոտ: Սկզբում ակցիան անցել Է խաղաղ, սակայն ավելի ուշ խմբեր կազմած երիտասարդներրն սկսել են ոստիկանների ուղղությամբ շշեր եւ ծխագլանիկներ նետել:
Ոստիկանությունը պատասխանել Է արցունքաբեր գազի արկերով: Բելգրադում անկարգությունները շարունակվել են երկրորդ երեկոն անընդմեջ: Ինչպես ավելի վաղ հայտնել Է Բելգրադի ոստիկանության տնօրեն Վլադիմիր Ռեբիչը, հուլիսի լույս 8-ի գիշերը վիրավորվել են 43 ոստիկան եւ 17 ցուցարաար, բերման Է ենթարկվել 23 մարդ, այրվել Է հինգ ոստիկանական ավտոմոբիլ, հաղորդել Է ՏԱՍՍ-ը:
