Artsakhpress

Քաղաքական

Ռազմական ճանապարհով խնդիրը լուծելու Ադրբեջանի քայլերն աշխատում են ի վնաս իրեն.Նարեկ Մինասյան

Հայաստանի սահմանին ուղղված սադրիչ գործողությունները, ըստ էության, Ադրբեջանում տեղի ունեցող զարգացումների ուղղակի հետևանք են:

Ռազմական ճանապարհով խնդիրը լուծելու Ադրբեջանի քայլերն աշխատում են ի վնաս իրեն.Նարեկ Մինասյան

Ռազմական ճանապարհով խնդիրը լուծելու Ադրբեջանի քայլերն աշխատում են ի վնաս իրեն.Նարեկ Մինասյան
ՍՏԵՓԱՆԱԿԵՐՏ, 13 հուլիսի, ԱՐՑԱԽՊՐԵՍ։ «Արմենպրես»-ի հետ զրույցում այս մասին նշեց քաղաքագետ Նարեկ Մինասյանը:
 
«Դեռ ամիսներ առաջ Ադրբեջանում սկսած սոցիալ-տնտեսական խնդիրները, որոնք այս ընթացքում շարունակեցին խորանալ, ստիպեցին Ադրբեջանի իշխանություններին հանրային կոնսոլդիացիա ապահովելու և սոցիալ-տնտեսական խնդիրներից հանրության ուշադրությունը շեղելու համար թեժացնել ռազմատենչ հռետորաբանություն: Ու կարծես՝ դա բավարար չէ»,-ասաց Նարեկ Մինասյանը:
 
Քաղաքագետը նկատեց, որ տարիներ շարունակ Ադրբեջանի իշխանությունները սեփական ժողովրդին համոզել են, որ ցանկացած պահի կարող են խնդիրը լուծել ռազմական ճանապարհով, դրա արդյունքում հանրության մոտ ստեղծվել են չափազանցված ակնկալիքներ, և դա, ըստ էության, սկսել է աշխատել ի վնաս հենց Ադրբեջանի իշխանությունների:
 
«Այժմ նման սադրանքներով ադրբեջանական կողմը փորձում է ինչ-որ ձևով բավարարել սեփական հանրության մոտ ձևավորած ակնկալիքները, ինչպես նաև շեղել հանրության ուշադրությունը երկրի ներսում առկա խնդիրներից, և միևնույն ժամանակ ապահովել հանրային կոնսոլիդացիա իր շուրջ»,-ասաց քաղաքագետը:
 
Անդրադառնալով հայկական զինված ուժերի գործողություններին՝ Նարեկ Մինասյանը նշեց, որ բավական պրոֆեսիոնալ աշխատանք է կատարվել: Նա հիշեցրեց հայկական կողմի այն հայտարարությունը, ըստ որի, Ադրբեջանի կողմից ցանկացած սադրիչ գործողություն չի մնալու անարձագանք: Ավելին՝ Ադրբեջանի կողմից ցանկացած արկածախնդրություն ունենալու է հետևանքներ հենց Ադրբեջանի համար: Նարեկ Մինասյանի խոսքով, ինչպես արդեն շրջանառվում է որոշ աղբյուրներում, հայկական կողմն ունի ձեռքբերումներ, Ադրբեջանի կորուստները բավական շատ են թե մարդկային, թե ռազմական տեխնիկայի տեսանկյունից:
 
Ինչ վերաբերում է միջազգային հանրության հետ աշխատանքին, ապա Նարեկ Մինասյանը նշեց, որ վսստահաբար այդ ուղղությամբ աշխատանքներ իրականացվում են թե արտաքին գործերի նախարարության, թե պաշտպանության նախարարության մակարդակով: Մշտական կապի մեջ են Հայաստանի գործընկերների, ԵԱՀԿ Մինսկի խմբի համանախագահների հետ՝ տեղեկություններ տրամադրելով Ադրբեջանի սադրիչ գործողությունների վերաբերյալ:
 
ՀՀ պաշտպանության նախարարությունը հայտնել էր, որ Ադրբեջանի զինված ուժերի զինծառայողները հուլիսի 12-ին՝ ժամը 12:30-ի սահմաններում, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: «Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք: Ժամը 13: 45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և, կորուստներ կրելով, հետ շպրտվել»,- հայտնել էր ՀՀ պաշտպանության նախարարության մամուլի խոսնակ Շուշան Ստեփանյանը՝ հավելելով, որ հայկական կողմից կորուստներ չկան:
 
Ավելի ու Շուշան Ստեփանյանը տեղեկացրել էր, որ Ադրբեջանական կողմը վերսկսել է հրետակոծել հայկական նույն դիրքի ուղղությամբ, որտեղի ժամեր առաջ փորձել էին ՈՒԱԶ մակնիշի ավտոմեքենայով անցնել հայ-ադրբեջանական սահմանը: «Ադրբեջաբական կողմը վերսկսել է հրետակոծել մեր նույն դիրքի ուղղությամբ 82 մմ ականանետից և տանկից: Իրավիճակի լարման հետևանքների ամբողջ պատասխանատվությունը կրելու է Ադրբեջանի ռազմաքաղաքական ղեկավարությունը»,-հայտնել էր նա:
 
Առավոտյան արդեն Շուշան Ստեփանյանը հայտնել էր, որ երկու-երեք ժամվա դադարից հետո հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։
 
ՀՀ Արտաքին գործերի նախարարությունը խստորեն դատապարտել է Ադրբեջանի կողմից Տավուշի ուղղությամբ իրականացվող գործողությունները։ ՀՀ Պաշտպանության նախարար Դավիթ Տոնոյանը Տավուշի ուղղությամբ Ադրբեջանի կողմից սանձազերծված գործողությունների վերաբերյալ զրույց է ունեցել ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշչիկի հետ:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՀՀ կառավարության դրամական աջակցության համար արդեն դիմել է 5000 արցախցի. 2000 դիմում հաստատվել է

ՊԲ-ն ներկայացրել է մարտերի ժամանակ հերոսություններով աչքի ընկած զինծառայողների անուններ

Ներկայացվել է Արցախում հաշվառված քաղաքացիներին աջակցություն տրամադրելու կարգը

Պուտինը խոսել է Լեռնային Ղարաբաղի պատկանելության մասին

Հրապարակվել է Ադրբեջանի վերահսկողության տակ անցած՝ Արցախի համայնքների ցանկը

Սոցիալական նոր ծրագրերի և տարբեր խնդիրների շուրջ Արցախի նախագահը խորհրդակցություն է հրավիրել

Ռուս խաղաղապահներն սկսել են ջուր մատակարարել Ասկերանի երեք բնակավայրերի բնակիչներին

Ադրբեջանի վերահսկողությանն անցած տարածքում մնացած տրանսպորտային միջոցների հետ կապված հարցերով պետք է դիմել ԱՀ ոստիկանություն

Արցախը շարունակելու է մնալ իր անկախ կարգավիճակում՝ ունենալով համայն հայության ու ՌԴ գործուն աջակցությունը. Արայիկ Հարությունյանն այցելել է Մարտունի

Search