2020 թվականի հրդեհավտանգ ժամանակաշրջանում՝ հունիս և հուլիս ամիսներին հանրապետության ցանքատարածքներում տեղի ունեցած հրդեհների հետևանքով գրանցվել է 195 դեպք. այրվել է 34․1 հա հացահատիկային դաշտեր, որից 28,1 հա-ը՝ ցորենի, իսկ 6-ը՝ գարու ։
Հանրապետությունում նվազել են հրդեհների դեպքերը. ԱԻՊԾ պատասխանատու
ՍՏԵՓԱՆԱԿԵՐՏ, 14 հուլիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ ԱԻՊԾ պետական հրդեհային և տեխնիկական անվտանգության տեսչության պետ Սասուն Սարուխանյանը՝ նշելով, որ նախորդ տարվա նույն ժամանակահատվածի հետ համեմատ այս տարի հրդեհների դեպքերը զգալի նվազել են 278-ով։
«2019 թվականի բերքահավաքի ընթացքում գրանցվել է 473 հրդեհի դեպք. այրվել է 1021․3 հա տարածք։ Հրդեհավտանգ շրջանում, բերքահավաքն անկորուստ կազմակերպելու նպատակով հանրապետության բոլոր շրջաններում այս տարի տեղակայել ենք 17 հենակետ, որտեղ իրականացնում ենք շուրջօրյա հերթապահություն՝ 20 հրշեջ մեքենայով։ Բացի այդ, հրդեհավտանգ ժամանակաշրջանում հացահատիկային մշակաբույսերի բերքահավաքի ժամանակ, հրդեհային անվտանգության ապահովման, հրդեհների կանխարգելման և հնարավոր հրդեհների ծագման դեպքում դրանց պատճառած վնասի չափը նվազագույնի հասցնելու նպատակով ԱԻՊԾ պետական հրդեհային և տեխնիկական անվտանգության տեսչության պատասխանատուները հաճախակի շրջայցեր են կատարում դաշտերում՝ ստուգում բերքահավաքին ներգրավված կոմբայնավարների և մեխանիզատորների կողմից հակահրդեհային նորմերի և կանոնների պահպանումը»,-մասնավորապես ասել է Ս. Սարուխանյանը։
Նա ավելացրել է նաև, որ բերքահավաքին ընդգրկված անձանցից վարչական պատասխանատվության են ենթարկվել 9 հոգի՝ հիմնականում կոմբայնավարներ:
