Դիրքային առումով շոշափելի փոփոխություններ տեղի չեն ունեցել:
Դիրքային առումով շոշափելի փոփոխություններ տեղի չեն ունեցել. Արայիկ Հարությունյան (Տեսանյութ)
ՍՏԵՓԱՆԱԿԵՐՏ, 30 սեպտեմբերի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ այս մասին քիչ առաջ «Արցախ/Տեղեկատվական շտաբ»-ում կայացած բրիֆինգի ժամանակ ասել է Արցախի Հանրապետության Նախագահ Արայիկ Հարությունյանը:
Նրա խոսքով՝ ընթացել են շատ ակտիվ մարտական գործողություններ՝ Օմարից մինչև Արաքս հատվածում, հիմնականում՝ Օմարում, Մռավի լեռնաշղթայում, շարունակությունը՝ հյուսիսային թևում՝ Եղնիկներում և Մատաղիսում, ոչ շատ այդքան ակտիվ` կետրոնական արևելյան ուղղությունում, իսկ շատ ավելի ակտիվ` հարավարևելյան ուղղությունում, մասնավորապես՝ Արաքսի հովտում և Ֆիզուլիի ուղղությամբ:
Նախագահը նշել է, որ երկու կողմերն էլ ունեցել են կորուստներ, հակառակորդինը, ինչպես միշտ, շատ անգամ ավելին:
«Ես զարմանում եմ Ադրբեջանի իշխանության մարդկային որակների վրա, քանի որ հարյուրավոր դիակներ թողած առաջնագծում, շատ անտարբեր են իրենց երկրի զավակների ճակատագրի առումով: Սա ամենամեծ ոչ մարդկային բարբարոսի կերպար է, որը մենք տեսնում ենք: Ունենք բազմաթիվ փաստեր, որ մարտական գործողությունները սկսելու առումով պլանավորել էին շատ վաղուց»,- ավելացրել է Ա. Հարությունյանը:
