Artsakhpress

Հասարակական

ՀՀ կառավարության դրամական աջակցության համար արդեն դիմել է 5000 արցախցի. 2000 դիմում հաստատվել է

Հայաստանի Հանարապետության կառավարության կողմից տրամադրվող միանվագ դրամական աջակցության համար արդեն դիմել է Արցախում հաշվառված շուրջ 5000 քաղաքացի, 2000 դիմում արդեն հաստատվել է:

ՀՀ կառավարության դրամական աջակցության համար արդեն դիմել է 5000 արցախցի. 2000 դիմում հաստատվել է

ՀՀ կառավարության դրամական աջակցության համար արդեն դիմել է 5000 արցախցի. 2000 դիմում հաստատվել է
ՍՏԵՓԱՆԱԿԵՐՏ, 23 նոյեմբերի, ԱՐՑԱԽՊՐԵՍ: «Արմենպրես»-ի հետ զրույցում այս մասին հայտնեց ՀՀ աշխատանքի և սոցիալական հարցերի նախարարության սոցիալական ապահովության ծառայության պետ Անի Ամիրշադյանը՝ անդրադառնալով Արցախում հաշվառված քաղաքացիներին աջակցություն տրամադրելու ծրագրին:
 
«Այս պահին ծրագրից օգտվելու համար դիմել է շուրջ 5000 հոգի, որից 2000 դիմում արդեն հաստատվել է, 1000 դիմում մերժվել է»,-ասաց Ամիրշադյանն ու հավելեց, որ մնացածն ընթացքի մեջ է:
 
Մերժման պատճառները սահմանված են ծրագրով: Մերժման պատճառ կարող է հանդիսանալ, օրինակ, այն հանգամանքը, որ անձի համար Հայաստանի Հանրապետությունում հաշվարկվել է աշխատավարձ կամ դրան հավասարեցված այլ եկամուտ 2020 թվականի հունվարի 1-ից մինչև սեպտեմբերի 30-ն ընկած որևէ ժամանակահատվածի համար, կամ նույն ժամանակահատվածում նա Հայաստանի Հանրապետությունում հաշվառված է եղել որպես անհատ ձեռնարկատեր, կամ եթե, օրինակ, շահառուի անվամբ 2020 թվականի հոկտեմբեր ամսվա համար Արցախի պետական կամ համայնքային բյուջեից հաշվարկվել է աշխատավարձ կամ դրան հավասարեցված այլ եկամուտ:
 
Նախարարության հաշվարկով՝ Արցախում հաշվառված մոտ 94 հազար քաղաքացի կարող է դառնալ այս ծրագրի շահառու: Ծրագրին կարող են դիմել այս պահին թե Հայաստանում, թե Արցախում գտնվող արցախցիները: «Ցանկացած վայրում գտնվելու դեպքում կարող են դիմել, եթե ունեն ինտերնետ հասանելիություն»,-ասաց նա:
 
Հասանելիք գումարը կփոխանցվի «Հայփոստ»-ին, շահառուն կարճ հաղորդագրությամբ կտեղեկանա, որ իր գումարն արդեն հասանելի է: Արցախում գտնվող քաղաքացիների համար «Հայփոստը»-ը վճարումը կկազմակերպի «Արցախփոստ»-ի միջոցով: Առաջին վճարումը հավանաբար արդեն հասանելի կլինի երկու օրից:
 
Եթե քաղաքացիներն ունենան դժվարություններ՝դիմումներն առցանց լրացնելու հետ կապված, ապա կարող են մոտենալ սոցիալական ապահովության տարածքային բաժիններ, որտեղ պատրաստակամ են նրանց աջակցել: Ամիրշադյանը հորդորեց նաև դիմումատուներին Արցախի հեռախոսահամարը նշելուց բացի, նշել նաև Հայաստանի բջջային որևէ օպերատորի հեռախոսահամար՝ հետագայում առանց որևէ տեխնիկական խնդրի ծանուցումներ ուղարկելու համար: Դիմումների ընդունման վերջնաժամկետը մինչև դեկտեմբերի 20-ն է:
 
Եթե շահառուն չունի սեփականության (այդ թվում բաժնային) կամ վարձակալության իրավունքով իրեն պատկանող՝ Հայաստանի Հանրապետությունում գտնվող անշարժ գույք (բացառությամբ՝ գյուղատնտեսական նշանակության հողամասերի), ապա շահառուին տրվում է լրացուցիչ աջակցություն (կեցավայրի ծախսերի փոխհատուցում)՝ միանվագ դրամական օգնության չափն ավելացնելով 15 000 ՀՀ դրամով: Ամիրշադյանը նշեց, որ այս պահին դեռ հնարավոր չէ ասել, թե հաստատված 2000 շահառուից քանիսը Հայաստանում ունի անշարժ գույք, և ում աջակցության գումարը որքան է կազմում:
 
Նա նշեց՝ այսպիսով մեկ շնչին հատկացվում է 68 հազար կամ 83 հազար դրամ: «Սակայն, եթե դիտարկենք ընտանիքի կազմով՝ ենթադրենք 1 ծնող, 2 երեխա, ապա այդ գումարը այդքան էլ փոքր չէ»,-նշեց նա:
 
Միանվագ աջակցության ծրագրի շահառու են Ադրբեջանի կողմից 2020 թվականի սեպտեմբերի 27-ին սանձազերծած պատերազմի հետևանքով տեղահանված և փաստացի Հայաստանի Հանրապետությունում գտնվող կամ Արցախ վերադարձած Արցախում հաշվառված քաղաքացիները: Արցախում հաշվառված քաղաքացիներին աջակցություն տրամադրելու կարգն արդեն հաստատված է:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ստեփանակերտում ավտոմեքենայի մեջ հայտնաբերվել է տղամարդու դի՝ գլխի հատվածում հրազենային վնասվածքով

Նախագահ Հարությունյանը ստորագրել է մի շարք օրենքներ

Աջակցության ծրագրի երկրորդ փուլը Արցախում դեռևս չի մեկնարկել. պարզաբանում

Արցախում ավտովթարի հետևանքով մահացել է Շուշիի շրջանի Քարին Տակ գյուղի բնակիչ

Նախագահ Հարությունյանը ստորագրել է հրամանագիր ԱՀ կառավարության կառուցվածքում փոփոխություն կատարելու մասին

Արցախում հաշվառված քաղաքացիներին միանվագ տրամադրվող աջակցության ծրագրին դիմելու ժամկետը երկարաձգվել

Արցախի ՊԲ–ն ևս 72 զոհված զինծառայողի անուն է հրապարակել

Խորհրդարանը հավանություն է տվել նոր նախարարության ստեղծման օրինագծին

Արցախում գրանցված և գործունեություն ծավալող ոչ պետական ընկերությունների համար սահմանվել է պետական աջակցություն

Search