ՀՀ Ազգային ժողովը չընդունեց սեպտեմբերի 27-ից Հայաստանի Հանրապետությունում հայտարարված ռազմական դրությունը վերացնելու մասին որոշման նախագիծը:
ՀՀ ԱԺ-ն չընդունեց ռազմական դրությունը վերացնելու որոշման նախագիծը
ՍՏԵՓԱՆԱԿԵՐՏ, 26 նոյեմբերի, ԱՐՑԱԽՊՐԵՍ-ԱՐՄԵՆՊՐԵՍ: Այն չընդունվեց 36 «կողմ», 56 «դեմ» և 2 «ձեռնպահ» ձայներով:
Ռազմական դրությունը վերացնելու Ազգային ժողովի որոշման նախագիծ էր ներկայացրել խորհրդարանի «Լուսավոր Հայաստան» խմբակցությունը:
ՀՀ կառավարության ներկայացուցիչ, Առողջապահության նախարարարի տեղակալ Անահիտ Ավանեսյանն ԱԺ արտահերթ նիստի ընթացքում ասաց, որ կառավարությունն առաջարկում է ռազմական դրությունը վերացնել աստիճանաբար:
Խորհրդարանի Պաշտպանության և անվտանգության հարցերի մշտական հանձնաժողովը բացասական եզրակացություն էր ներկայացրել նախագծի վերաբերյալ:
