ՌԴ արտգործնախարարության պաշտոնական ներկայացուցիչ Մարիա Զախարովան հայտարարել է, որ Լեռնային Ղարաբաղում վարձկանների ներկայության հարցով զբաղվում են ռազմական մասնագետները:
«ԼՂ-ում վարձկանների ներկայության հարցը գտնվում է Ռուսաստանի մշտական վերահսկողության տակ». Զախարովա
ՍՏԵՓԱՆԱԿԵՐՏ, 27 նոյեմբերի, ԱՐՑԱԽՊՐԵՍ։ Ուրբաթ կայացած ճեպազրույցի ժամանակ նա նշել է, որ «ռազմական մասնագետների յուրաքանչյուր քայլը հրապարակային մեկնաբանության ենթակա չէ»:
«Ես կարող եմ վստահեցնել, որ այդ ուղղությամբ աշխատանք է տարվում հակամարտության կողմերի հետ, և դա իրաանացվում է այն փորձագետների կողմից, որոնք կա՛մ տվյալներ ունեն, կա՛մ այդ հարցի լուծմանը մասնակցելու հնարավորություններ», - tert.am-ի փոխանցմամբ՝ հավելել է Զախարովան:
Նրա խոսքով ՝ ԼՂ-ում վարձկանների ներկայության հարցը գտնվում է Ռուսաստանի «մշտական վերահսկողության տակ»:
