Artsakhpress

Միջազգային

ՅՈՒՆԵՍԿՕ-ն թույլտվություն է խնդրել Սուրբ Սոֆիայում և Խորայի եկեղեցում ուսումնասիրություններ կատարելու համար

ՅՈՒՆԵՍԿՕ-ն ցանկանում է ուսումասիրություններ կատարել համաշխարհային ժառանգության օբյեկտների ցանկում տեղ գտած Սուրբ Սոֆիա (Այա Սոֆիա) և Խորայի (Քարիյե) տաճարներում կատարված փոփոխությունների վերաբերյալ։

ՅՈՒՆԵՍԿՕ-ն թույլտվություն է խնդրել Սուրբ Սոֆիայում և Խորայի եկեղեցում ուսումնասիրություններ կատարելու համար

ՅՈՒՆԵՍԿՕ-ն թույլտվություն է խնդրել Սուրբ Սոֆիայում և Խորայի եկեղեցում ուսումնասիրություններ կատարելու համար
ՍՏԵՓԱՆԱԿԵՐՏ, 2 դեկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Ինչպես փոխանցում է թուրքական Gazete Duvar լրատվական կայքը, ՅՈՒՆԵՍԿՕ-ի գլխավոր տնօրենի տեղակալ Էռնեստո Օտտոնեն Թուրքիայի կառավարությունից թույլտվություն է խնդրել, որպեսզի ՅՈՒՆԵՍԿՕ-ի հատուկ խորհրդական Մյունիր Բուչենակին կարողանա մասնակցել հետազոտական աշխատանքներին։
Ընդգծելով, որ Բուչենակին նախատեսում է վերանայել և նշել բյուզանդական շրջանի երկու հին եկեղեցիներում՝ Սուրբ Սոֆիայում և Խորայում կատարված միջամտություններն ու հնարավոր փոփոխությունները, Օտտոնեն անդրադարձել է այս հարցի շուրջ շրջանառվող լուրերին և ապատեղեկատվությանը: Ըստ Deutsche Welle-ի թուրքերեն բաժնի զեկույցի ՝ Օտտոնեն հայտարարել է, որ իրեն անհանգստացնում են երկու կառույցներում քրիստոնեության համար արժեքավոր տարրերին միջամտելու լուրերը: Օտտոնեն շեշտել է, որ տագնապալի են նաև այն կեղծ հաղորդագրությունները, թե ՅՈՒՆԵՍԿՕ-ն կհաստատի, որ այս երկու թանգարանները վերափոխվեն մզկիթի:
Գրեթե 1000 տարի որպես քրիստոնեական Բյուզանդիայի գլխավոր տաճար ծառայած Սուրբ Սոֆիան մզկիթի էր վերածվել սուլթան Մեհմեդ Ֆաթիհի կողմից 1453թ ԿՊոլսի գրավումից հետո։ 1934թ Թուրքիայի Հանրապետության հիմնադիր նախագահ Մուստաֆա Քեմալ Աթաթյուրքի նախաձեռնությամբ վերածվել էր թանգարանի։
Խորայի եկեղեցին մզկիթի էր վերածվել 16-րդ դարում սուլթան Բայազիդ II-ի մեծ վեզիր Աթիք Ալի փաշայի կողմից, իսկ 1945թ թուրքական կառավարությունը թանգարանի կարգավիճակ էր տվել։
2020թ Սուրբ Սոֆիայի տաճարը և Խորայի եկեղեցին Թուրքիայի Հանրապետության նախագահ Ռեջեփ Թայիփ Էրդողանի նախաձեռնությամբ և Թուրքիայի բարձրագույն վարչական դատարանների կայացրած որոշումներով կրկին վերածվել են մզկիթների՝ համապատասխանաբար Այա Սոֆիա և Քարիյե անվանումներով։

     

Քաղաքական

Տեսանյութեր

ավելին

Ամենադիտված

ամիս

շաբաթ

օր

Պետնախարարը դրամական աջակցության տրամադրման գործընթացում առկա խնդիրներին նվիրված խորհրդակցություն է հրավիրել

Ադրբեջանը թույլ չի տալիս Շուշիից հանել 1500–ից ավելի արվեստի գործերն ու բացառիկ նմուշները

Արցախի պետական ծառայողական թանկարժեք մեքենաները բաց աճուրդի կդրվեն. Արտակ Բեգլարյան

Հրապարակվել են Հայաստանի քաղաքացիների համար Ռուսաստան մուտք գործելու կանոնները

Արտակ Բեգլարյանը մեկնաբանել է պատերազմի ժամանակ Հանրապետությունից բացակայած պաշտոնյաներին աշխատանքից ազատելու հարցը

«Մոսկվան չի պատրաստվում ճանաչել ԼՂ անկախությունը և այն ընդգրկել ՌԴ կազմում»․ Լավրով

Արցախում բնակվարձերի փոխհատուցման չափը կազմում է մինչև 80 հազար դրամ

Հրապարակվել են Արցախի շրջանների ներկայացուցիչների հեռախոսահամարները

Հայաստանում գտնվող Արցախի գործազուրկ քաղաքացիների ժամանակավոր զբաղվածության ծրագրերի դիմումներն արդեն ընդունվում են

Search