Ռուսաստանի արտգործնախարար Սերգեյ Լավրովը մոլդովացի գործընկերոջ` Աուրելի Չոկոյի հետ քննարկել է երկկողմ հարաբերությունները և իրավիճակը Մերձդնեստրյան հակամարտության կարգավորման բանակցային գործընթացում:
Լավրովը Մոլդովայի արտգործնախարարի հետ քննարկել է իրավիճակը Մերձդնեստրում
ՍՏԵՓԱՆԱԿԵՐՏ, 4 դեկտեմբերի, ԱՐՑԱԽՊՐԵՍ։ Այս մասին հայտնում է Tert.am-ը։
Ինչպես նշել են ՌԴ ԱԳՆ-ում, հեռախոսազրույցը տեղի է ունեցել մոլդովական կողմի նախաձեռնությամբ:
«Կողմերը քննարկել են ռուս-մոլդովական հարաբերությունների զարգացման արդիական հարցեր և հեռանկարներ, ԱՊՀ-ի շրջանակում համագործակցության հարցեր և Եվրասիական տնտեսական միությանը՝ որպես դիտորդ Մոլդովայի փոխգործակցության հարցերը», - ասվում է հաղորդագրության մեջ:
Նշվում է, որ կողմերը ընդհանուր կարծիք են հայտնել երկկողմ փոխգործակցության բարեկամական և կառուցողական բնույթը պահպանելու, տարբեր մակարդակներում ինտենսիվ շփումներ պահպանելու անհրաժեշտության մասին:
«Գնահատականներ են փոխանակվել Մերձդնեստրի կարգավորման բանակցային գործընթացում առկա իրավիճակի, ինչպես նաև երկկողմ հետաքրքրություն ներկայացնող տարածաշրջանային և միջազգային օրակարգի հարցերի շուրջ», - հավելել է նախարարությունը:
Կոլբասնայից զինամթերքի հեռացումը սկսվել էր 2003 թվականին, բայց Մերձդնեստրի իշխանությունների կողմից գործընթացը արգելափակվել է արդեն 2004-ին ՝ Մոլդովայի հետ հարաբերությունների սրացումից հետո: Մերձդնեստրի Հանրապետության ղեկավար Վադիմ Կրասնոսելսկին նշել էր, որ չճանաչված հանրապետությունը կտրականապես դեմ է խաղաղապահների դուրսբերմանը, բայց պաշտպանում է զինամթերք վերացնելու գաղափարը: Սակայն այդ խնդիրները, ըստ նրա, պետք է քննարկվեն բացառապես ՌԴ-ի հետ:
2019-ի օգոստոսին Մոլդովայի ներկայիս նախագահ Իգոր Դոդոնի հետ հանդիպմանը ՌԴ պշտպնությն նախարար Սերգեյ Շոյգուն առաջարկել է Կոլբասնայում սկսել զինամթերքի ոչնչացման գործընթացը: Դոդոնը ՄԱԿ-ում և ԵԽԽՎ-ում իր ելույթներում ողջունել է այս նախաձեռնությունը, որը, նրա խոսքերով, կարող է տեղից շարժել Մերձդնեստրյան հակամարտության կարգավորման բանակցային գործընթացը: ԱՄՆ-ը, ինչպես նաև ԵԱՀԿ-ն հետաքրքրություն էին հայտնել և ցանկացել էին մասնակցել զինաթափմանը` Քիշնևին առաջարկելով փորձագիտական աջակցություն`պահեստների տեխնիկական վիճակը գնահատելու համար:
