Նշվում է, որ դեկտեմբերի 10-ին, «Հայաստանի դեմ Ադրբեջանի հաղթանակը» նշող արարողությունների շրջանակներում, Թուրքիայի նախագահ Ռեջեփ Թայիփ Էրդողանը փառաբանել է Էնվերին՝ Թալեաթի և Ջեմալի հետ միասին հայերի ցեղասպանության երեք հիմնական պատվիրատուներից մեկին, նախքան մտահոգիչ սպառնալիքներ հնչեցնելը՝ պնդելով, որ Ադրբեջանի «պայքարը» Հայաստանի դեմ չի ավարտվել:

CCAF-ի հայտարարության մեջ ասվում է․ ««Նա ասաց, որ «այն փաստը, որ Ադրբեջանը փրկեց իր գրավյալ հողերը, չի նշանակում, որ պայքարն ավարտված է: Պայքարը քաղաքական և ռազմական ոլորտներում այժմ կշարունակվի շատ այլ ճակատներում»: Նույն արարողության ժամանակ Ադրբեջանի նախագահ Իլհամ Ալիևը պարզաբանեց Թուրքիայի նախագահ Ռեջեփ Թայիփ Էրդողանի միտքը, հայտարարելով, որ Բաքուն կյանքի կկոչի Հայաստանի մայրաքաղաք Երևանը և հարավային Հայաստանում գտնվող Զանգուեզուրի շրջանը նվաճելու ծրագիր, որը սահմանակից է Իրանին և Նախիջևանին: Համաթուրքական ծրագիրն ընթացքի մեջ է, և միջազգային արձագանքի թուլությունը խրախուսում է Անկարային դրա իրականացման գործում: Թուրքիայի էքսպանսիոնիզմը, որը գործիքավորում է Ադրբեջանը, սահմաններ չունի և վտանգի տակ է դնում հայ ժողովրդին: Էնվերի հերոսացումը հիշեցնում է այն մասին, որ Էրդողանը ցեղասպան ոգով է տրամադրված հայ ժողովրդի դեմ: Պատերազմի ընթացքում Էրդողանը հասկացրեց, որ «կավարտի 1915-ին սկսված գործը»:

Սպառնալիքը պարզ է, դա շատ ճշգրիտ է, և միջազգային հանրության լռությունը Անկարան մեկնաբանելու է լավագույն դեպքում`որպես անզորության ընդունում, իսկ վատագույն դեպքում` որպես պանթուրքիստական հակումների ստուգում։

Ֆրանսիայում հայկական կազմակերպությունների համակարգող խորհուրդը կոչ է անում Ֆրանսիայի Հանրապետության նախագահ Էմանուել Մակրոնին արձագանքել սպառնալիքին: Որպես Ֆրանսիայի քաղաքացիներ, մենք խնդրում ենք Ֆրանսիային ամենախիստ կերպով դատապարտել թուրքական մոտեցումը՝ խզելով Անկարայի հետ իր դիվանագիտական հարաբերությունները: Ֆրանսիան պետք է լինի Թուրքիայի միջազգային դատապարտման և նրա էքսպանսիոնիստական և ցեղասպան նպատակների դեմ առաջնագծում:

Փարիզ, հինգշաբթի, դեկտեմբերի 11, 2020 թ»։