Artsakhpress

Հարցազրույց

Ընթացքում են էլեկտրամատակարարման ամբողջական վերականգնման աշխատանքները. Արմեն Թովմասյանը ներկայացրել է Արցախում նախատեսվող գործընթացը՝ ըստ փուլերի

Պատերազմի արդյունքում Արցախում վնասված ենթակառուցվածքների վերականգնման ուղղությամբ տարվող աշխատանքները գրեթե ավարտման փուլում են:

Ընթացքում են էլեկտրամատակարարման ամբողջական վերականգնման աշխատանքները. Արմեն Թովմասյանը ներկայացրել է Արցախում նախատեսվող գործընթացը՝ ըստ փուլերի

Ընթացքում են էլեկտրամատակարարման ամբողջական վերականգնման աշխատանքները. Արմեն Թովմասյանը ներկայացրել է Արցախում նախատեսվող գործընթացը՝ ըստ փուլերի

ՍՏԵՓԱՆԱԿԵՐՏ, 12 դեկտեմբերի, ԱՐՑԱԽՊՐԵՍ: Այս մասին «Արցախպրես»-ի թղթակի հետ զրույցում ասել է ԱՀ էկոնոմիկայի և արտադրական ենթակառուցվածքների նախարարի պաշտոնակատար Արմեն Թովմասյանը՝ անդրադառնալով ինչպես այս, այնպես էլ ընթացիկ այլ աշխատանքներին վերաբերող հարցերին:

Նախարարի հետ հարցազրույցը ներկայացնում ենք ստորև.

-Պարոն Թովմասյան, ի՞նչ փուլում են ենթակառուցվածքների վերականգնման ուղղությամբ տարվող աշխատանքները: Կցանկանայի՝ հատկապես անդրադառնայիք Մարտունու շրջանում էլեկտրականության հետ կապված հարցին, որը մնում է օրակարգային, քանի որ բնակիչները մշտական էլեկտրականություն չեն կարողանում ունենալ: Ի՞նչ քայլեր են ձեռնարկվում այս ուղղությամբ, և ե՞րբ կլուծվի այդ հարցը:

-Ենթակառուցվածքների վերականգնման ուղղությամբ տարվող աշխատանքները գրեթե ամբողջությամբ ավարտին են հասցվել, և ընդհանուր առմամբ, Արցախում վերականգնվել է կապի ենթակառուցվածքը, ու հանրապետությունում հասանելի է ինտերնետ և բջջային կապը:

Գազամատակարարման համակարգում տարվող աշխատանքները ևս ավարտվել են: Գազատար խողովակաշարն ամբողջությամբ աշխատում է, իսկ ներկայումս աշխատանքներ են տարվում զուգահեռ խողովակաշարերի մասով, որոնք մոտակա ժամանակահատվածում ամբողջությամբ կվերականգնվեն:

Էլեկտրաէներգետիկական համակարգում ևս գործընթացը հասցվում է ավարտին, և մոտ 2 կմ գիծ է մնացել անցկացնել, որպեսզի ՀՀ-ից դեպի Արցախ կապող էլեկտրաէներգատիկական շղթան լրիվությամբ աշխատի:

Ինչ վերաբերում է Մարտունու շրջանին, նշեմ, որ այնտեղ, էլեկտրամատակարարման գիծ կառուցելու հանգամանքը հաշվի առնելով, պետք է իրականացնել մոտ 40 կմ էլեկտրական գծի անցկացման աշխատանքներ, որը և՛ ժամանակատար է, և՛ աշխատանքների ծավալը ահագին մեծ է: Դիտարկվում են նաև այլ տարբերակներ, սակայն կարճ ժամանակահատվածում պետք է սկսենք որևէ տարբերակի շուրջ աշխատանքները, որպեսզի ամբողջությամբ վերականգնվի Մարտունու շրջանի էլեկտրամատակարարումը:

Ներկայումս այնտեղ անջատումներով էլեկտրաէներգիա հասանելի է, սակայն մինչև 1 մեգավատտ հզորություն է, որը չի հերիքում, քանի որ ամբողջական Մարտունու ներքին ցանցի վրա ունենք իրականացնելու մեծ ծավալի աշխատանքներ: Այս պահին էլեկտրամատակարարման հետ կապված աշխատանքները տարվում են Բերձորի հատվածում, և, դրա ավարտմանը զուգահեռ, կսկսվեն Մարտունու շրջանի էլեկտրամատակարարման ապահովման աշխատանքները:

Պետք է նշեմ նաև, որ փոքր ՀԷԿ-երի զգալի մասը՝ շուրջ 30 ՀԷԿ, մնացել է հակառակորդի վերահսկողության տակ: Ներկայումս գործում է 6 ՀԷԿ՝ Սարսանգ ՀԷԿ-ը, 1-4 Թրղի կասկադը և 1 արևային էլեկտրակայան: Արցախում էլեկտրականությունն ապահովվում է ներքին հիդրոէլեկտրակայանների միջոցով:

-Իսկ կապի ոլորտում ի՞նչ փոփոխություններ են նախատեսվում: Նախկինում գործող սակագները դեռ արդիակա՞ն են:

-Նշեմ, որ բջջային կապի ոլորտում գործող կանխավճարային և հետվճարային քարտերը նույնպես գործելու են: Երբ բաժանորդին հասանելիք անվճար սահմանաչափերը ավարտվեն, նախկինում գործող 1 րոպեի համար կանխավճարային համակարգում՝ 28 դրամ, իսկ հետվճարային համակարգում՝ 21 դրամ սակագինը կպահպանվի: Առաջիկայում նախատեսվում են քննարկումներ՝ կապված կապի ոլորտի ծառայությունների և որակի բարելավման ուղղությամբ:

Ինչ վերաբերում է համացանցին, նշեմ, որ ինտերնետ կապի միացումը ՀՀ-ից Արցախ նոր է եղել, սակայն առաջիկայում մեծ քննարկման արդյունքում կունենանք բարվոք վիճակի ինտերնետ կապ, որը հնարավոր է չզիջի ՀՀ կապի օպերատորների կողմից մատուցվող ծառայություններին:

-Կցանկանայի անդրադառնալ նաև տրանսպորտի համակարգին: Որքանո՞վ է վերականգնված հասարակական տրանսպորտի աշխատանքը մայրաքաղաքում, ներհամայնքային բոլոր երթուղիներն արդեն գործու՞մ են:

-Ստեփանակերտ քաղաքում ամբողջությամբ վերականգնվել է հասարակական տրանսպորտի աշխատանքը: Ներհամայնքային ուղևորափոխադրումները վերականգնվում են բավարար չափի ուղևորահոսքի առկայության դեպքում: Յուրաքանչյուր օր ավելանում է 1 երթուղի: Ունենք խնդիրներ՝ կապված տարածքային ճանապարհների հետ, որոնք լրացուցիչ խոչընդոտներ են առաջացնում տրանսպորտի համակարգում, և համապատասխան փոփոխություններ պետք է նախատեսվեն ուղևորագծերի հետ կապված:

-Իսկ փոքր և միջին ձեռնարկատիրական բիզնեսը ի՞նչ վնասներ է կրել այս ընթացքում: Առհասարակ, այդ ոլորտում ի՞նչ աշխատանքներ են տարվում:

-Ընդհանուր առմամբ, իրականացվում են ամբողջ տնտեսության վերագնահատման աշխատանքներ, որոնք ունեն մեծ ծավալ: Առաջիկայում համապատասխան միջոցներ կձեռնարկենք գնահատելու և էկոնոմիկայի ամբողջական բնագավառները ուսումնասիրելու ուղղությամբ, թե հետագայում ինչ անելիքներ ունենք: Այս պահին իրականացվում են նաև դիտանցումներ շուկայի և սպառողների շահերի պաշտպանության տեսչության կողմից. պատժիչ որևէ գործողություն չի իրականացվում, սակայն տարվում են կանխարգելման միջոցառումներ և բացատրական աշխատանքներ: Ինչ վերաբերում է ապրանքների ներկրման գործընթացին, նշեմ, որ այս առումով որևէ խնդիր չի առաջանում, և մատակարարման աշխատանքներ իրականացվում են այնքան չափով, որքան որ անհրաժեշտ է տնտեսվարող սուբյեկտներին ու բնակչությանը:

Միանշանակ է, որ նախարարության տիրույթում գտնվող ամբողջական ծրագրերը կվերանայվեն, և գալիք տարում տարբեր ուղղություններով պետք է տարվեն ոլորտային աշխատանքներ՝ գնահատելու, թե ինչ պետք է անել ծրագրային ապահովման համար:

                                                                                                    Հարցազրույցը՝ Անի Ավանեսյանի


     

Քաղաքական

Հայաստանի և Ղազախստանի ԱԳ նախարարները ստորագրել են երկու գերատեսչությունների միջև 2024-2025թթ. գործողությունների ծրագիրը

Հայաստանի և Ղազախստանի արտաքին գործերի նախարարներ Արարատ Միրզոյանը և Մուրատ Նուրտլեուն ստորագրել են երկու գերատեսչությունների միջև 2024-2025թթ. գործողությունների ծրագիրը:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Հայաստանը և Ղազախստանը հնարավորություն ունեն նոր էջ բացել երկկողմ հարաբերություններում․ Միրզոյան

Հայաստանը և Ղազախստանը պատրաստակամ են զարգացնել երկկողմ հարաբերությունները և իրացնել չօգտագործված հնարավորությունները։

Տնտեսական

Հասարակական

ՀՀ իշխանությունները պետք է հասնեն Ադրբեջանի կողմից Արցախի գերեվարված ռազմաքաղաքական ղեկավարների և բոլոր գերիների առանց պայմանի ազատ արձակմանը․ Մայր Աթոռ

Ն․Ս․Օ․Տ․Տ․ Գարեգին Երկրորդ Ամենայն Հայոց Կաթողիկոսի նախագահությամբ Հայաստանի եպիսկոպոսները և թեմակալ առաջնորդները հանդես են եկել հայտարարությամբ Արցախի Հանրապետության գերեվարված ռազմաքաղաքական ղեկավարների հիմնարար իրավունքների ոտնահարման դեպքերի վերաբերյալ։

Մշակվել է ծրագիր, որի միջոցով ԼՂ-ից բռնի տեղահանվածները կարող են ուսում ստանալ և աշխատանքի անցնել պետական աջակցությամբ

Մշակվել է ծրագիր, որի միջոցով Լեռնային Ղարաբաղից բռնի տեղահանվածները կարող են ուսում ստանալ և աշխատանքի անցնել պետական աջակցությամբ:

Ադրբեջանցիներն Արցախում ավերել են զոհված զինծառայողներին նվիրված հուշահամալիրը, անհետացրել է 13-րդ դ. արձանագիր խաչքարը

Ադրբեջանցիներն ավերել են Արցախի Ծար գյուղում գտնվող արցախյան ազատամարտում զոհված հայ զինծառայողներին նվիրված հուշահամալիրը, անհետացրել 1224 թ․ արձանագիր խաչքարը։

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

Լեռնային Ղարաբաղից բռնի տեղահանված 7 ընտանիք 16-ական միլիոն դրամ կստանա՝ սահմանամերձ գյուղերում բնակարան կառուցելու համար։

Ռազմական

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Տեսանյութեր

ավելին

Ամենադիտված

ամիս

շաբաթ

օր

ԼՂ-ից բռնի տեղահանվածների համար նախատեսված «40+10 հազար» ծրագիրը կշարունակվի առնվազն մինչև տարեվերջ

Մարտի 20-ին Ազատության հրապարակում տեղի կունենա Արցախի ժողովրդի կարիքների ապահովման նախաձեռնության հանրահավաքը

Նիկոլ Փաշինյանը ԼՂ հայության բռնի տեղահանումը համարում է 2023 թվականի մեծագույն մարտահրավերը

Հայաստանը մնում է ՀԱՊԿ-ի դաշնակիցը. գլխավոր քարտուղար

Բեռլինում Արցախի մշակութային ժառանգության մասին գրքի շնորհանդեսը չեղարկվել է «միջոցառման դեմ զանգվածային արշավի և էսկալացիայի վտանգի» պատճառով

Ռուբլին, եվրոն և դոլարը էժանացել են

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

ՀՀ տարածքում կան փակ ավտոճանապարհներ

Անահիտ Մանասյանը մասնակցել է Հիմնարար իրավունքների ֆորումին

Search