Հայստանի հավաքականի և «Ռոմայի» կիսապաշտպան Հենրիխ Մխիթարյանը տոնական օրերի առթիվ շնորհավորական ուղերձ է հղել.
Իմ երկրին խաղաղություն և անվտանգություն եմ մաղթում. Հենրիխ Մխիթարյան
ՍՏԵՓԱՆԱԿԵՐՏ, 1 հունվարի, ԱՐՑԱԽՊՐԵՍ: Այս մասին հայտնում է armsport-ը:
«Covid 19-ը քայքայեց կյանքի բնականոն հունը ՝ իր մեջ ներառելով ողջ սպորտային աշխարհը: Այն ֆուտբոլից խլեց ամենագլխավոր բաղադրիչը ՝ երկրպագուին:
Երբ երկրպագուները չեն կարողանում ստադիոններից հետևել հանդիպումների ընթացքին, դա ազդում է ֆուտբոլի դիտարժանության վրա:
Մարզիկները գտնվում էին մեծ ճնշման տակ, քանի որ ստիպված էին վերափոխել իրենց մարզումային ժամանակացույցը: Նրանք ստիպված էին մարզավիճակը պահպանել իրենց տներում:
Մինչ այժմ էլ, մարզիկները ստիպված են հետևել խիստ կանոնների, քանի որ միայն այդ դեպքում նրանք կարող են ապահովել իրենց և մյուսների առողջությունը:
Աշխարհը վերդառնում է բնականոն կյանքի, սակայն, դեռ կան մարտահրավերներ, որոնց հաղթահարումը կնպաստի մարզիկների բարեկեցությանը:
Սպորտային աշխարհը կարիք ունի գտնելու նորարարական լուծումներ ՝ մեղմացնելու Covid 19-ի հետևանքները:
Այս ամենն իր ազդեցությունն է թողել նաև ինձ վրա, քանի որ Իտալիան այն երկրներից է, որն ամենաշատն է տուժել կորոնավիրուսի համավարակից;
Հույս ունեմ, որ Իտալիան ամբողջովին կվերականգնվի այս արհավաիրքից և իր գեղեցկությունն ու տաղանդը նորից կներկայացնի աշխարհին:
Բացի այդ, 2020 թվականը շատ դաժան տարի էր իմ ազգի համար:
ՄԱԿ-ը հորդորում էր կանգնեցնել աշխարհի բոլոր անկյուններում ընթացող պատերազմները, սակայն, իմ երկրում տեղի ունեցավ մի պատերազմ, որն ընթացավ 44 օր շարունակ:
Հազարավոր կորսված կյանքեր, վիրավորներ, որբեր, անտուններ, գերիներ և միլիոնավոր չիրականացած երազանքներ:
Գիտեմ, որ Արցախի և Հայաստանի շատ երեխաներ Ամանորն անցկացնելու են մանուկների համար անսովոր պայմաններում:
Հանդիսանալով, UNICEF-ի բարի կամքի դեսպան, ես չափազանց մտահոգված և հուզված եմ այս ամենով:
Այդուհանդերձ, 2020 թվականն ինձ նաև դրական հույզեր պարգևեց. այս տարի ես հայր դարձա:
Այս հատուկ օրը, ցանկանում եմ իմ խոսքն ուղղել այն բոլոր ընտանիքներին, որոնք հեռու են մնալու այս տոնական պահերից: Իմ ջերմագույն մտքերն եմ փոխանցում նրանց:
Իմ սիրելի Հայաստան. քեզ ցանկանում եմ ՝ անվտանգություն և խաղաղություն: Ոչ մի երիտասարդ այլևս չպետք է վտանգի ենթարկի իր կյանքը:
Կոչ եմ անում իմ ազգին ամուր լինել, օգտագործել երկրում առկա ներուժը, գիտելիքը և հմտությունը:
Եվ իհարկե, չմոռանանք մոմ վառել մեր անմահ հերոսների հիշատակի համար:
Իմ լավ բարեկամներ. գալիք տարում ձեզ մաղթում եմ ՝ սեր, երջանկություն և հաջողություն: Թող երեխաներն ապրեն խաղաղ և ապահով մոլորակում:
Շնորհավոր Նոր Տարի. կտեսնվենք խաղադաշտում:
Սիրում եմ ձեզ. ձեր Մխիթարյան (Micki):
