Բելառուսի մայրաքաղաք Մինսկը զրկվել է 2021 թվականի հոկեյի աշխարհի առաջնության հանդիպումներն անցկացնելու իրավունքից:
Բելառուսը զրկվել է հոկեյի աշխարհի առաջնությունն անցկացնելու իրավունքից
ՍՏԵՓԱՆԱԿԵՐՏ, 19 հունվարի, ԱՐՑԱԽՊՐԵՍ։ Հունվարի 18-ին տեղի է ունեցել Հոկեյի միջազգային ֆեդերացիայի (IIHF) խորհրդի նիստ, որի ժամանակ էլ քննարկվել է այդ հարցը, փոխանցում է tert.am-ը:
Չնայած նրան, որ որոշում է կայացվել զրկել երկրին խաղի անցկացման իրավունքից, դեռևս պարզ չէ, թե ի վերջո որտեղ կանցկացվեն ԱԱ-2021-ի հանդիպումները:
Հիշեցնենք՝ մրցաշարը, ըստ նախնական պլանի, պետք է անցկացվեր Բելառուսում և Լատվիայում: Մրցույթը պետք է տեղի ունենա մայիսի 21-ից հունիսի 6-ը: Դրանից առաջ Եվրոպան IIHF-ին կոչ էր արել մրցաշարը տեղափոխել Մինսկից՝ Բելառուսում լարված քաղաքական իրավիճակի պատճառով:
Այս առնչությամբ պաշտոնական հայտարարությամբ է հանդես եկել Հոկեյի միջազգային ֆեդերացիան (IIHF), որի համաձայն՝ Մինսկում աշխարհի առաջնության հանդիպումներ չեն անցկացվի՝ իր վերահսկողությունից դուրս գտնվող անվտանգության խնդիրների պատճառով: