Շվեյցարիայի իշխանությունները դիմել են Լիբանանի արդարադատության նախարարությանը` Լիբանանի կենտրոնական բանկին առնչվող փողերի լվացման վերաբերյալ հետաքննության շրջանակում համագործակցության համար։
Շվեյցարիան կհետաքննի Լիբանանի կենտրոնական բանկի կողմից փողերի լվացումը
ՍՏԵՓԱՆԱԿԵՐՏ, 20 հունվարի, ԱՐՑԱԽՊՐԵՍ:Այս մասին հայտնում է Tert.am-ը:
Հետաքննությունը կապված է 400 միլիոն դոլարի փոխանցման հետ, որի համար մեղադրվում են Լիբանանի կենտրոնական բանկի (Banque du Liban) 27 տարվա տնօրեն Ռիադ Սալամեն, նրա եղբայրն ու օգնականը:
Ըստ լրատվական գործակալության տվյալների, բանկը Middle East Airlines ավիաընկերության և Լիբանանի կազինոյի (Casino du Liban) մեծ մասնաբաժին ունի:
Կենտրոնական բանկի տնօրենը, սակայն, հերքել է վերոնշյալ մեղադրանքների մասին տեղեկատվությունը:
Al Jazeera-ն հիշեցնում է, որ 2019 թվականի աշնանը Լիբանանում սկսված բողոքի ակցիաների մասնակիցները մեղադրում էին Կենտրոնական բանկի տնօրենին երկիրը տնտեսական ճգնաժամի հասցնելու համար:
Միևնույն ժամանակ, Լիբանանին միջազգային որևէ օգնության տրամադրումը պայմանավորված է Կենտրոնական բանկի գործունեության հետաքննությամբ, որն էլ Շվեյցարիան իրականացնում է: