Artsakhpress

Միջազգային

Առաջին մասնավոր տիեզերագնացները յուրաքանչյուրը 55 միլիոն դոլար կվճարեն դեպի ՄՏԿ թռիչքի համար

Հայտնի է մասնավոր տիեզերակայանի առաջին անձնակազմը, որում ընդգրկվել են երեք տղամարդիկ, որոնցից յուրաքանչյուրը 55 միլիոն դոլար կվճարի SpaceX հրթիռով թռչելու համար:

Առաջին մասնավոր տիեզերագնացները յուրաքանչյուրը 55 միլիոն դոլար կվճարեն դեպի ՄՏԿ թռիչքի համար

Առաջին մասնավոր տիեզերագնացները յուրաքանչյուրը 55 միլիոն դոլար կվճարեն դեպի ՄՏԿ թռիչքի համար
ՍՏԵՓԱՆԱԿԵՐՏ, 27 հունվարի, ԱՐՑԱԽՊՐԵՍ: Այդ մասին հայտնում է News.am-ը:
Անձնակազմը կգլխավորի NASA-ի նախկին տիեզերագնացը, ով աշխատում է հյուսթոնյան Axiom Space-ում, որը կազմակերպել էր ուղեւորությունը հաջորդ տարվա հունվարին: «Սա առաջին մասնավոր թռիչքն է դեպի Միջազգային տիեզերակայան: Դա նախկինում երբեք չի արվել»,- ասել է Axiom ընկերության գործադիր տնօրեն եւ նախագահ Մայք Սուֆրեդինին:
Այն դեպքում, երբ առաքելության հրամանատար Մայքլ Լոպես-Ալեգրիան լավ հայտնի է տիեզերական շրջանակներում, «մյուս երեքը պարզապես մարդիկ են, ովքեր ցանկանում են տիեզերք գնալ, եւ մենք տալիս ենք այդ հնարավորությունը»,- ասել է Սուֆրեդինին Associated Press-ին:
Առաջին անձնակազմը ութ օր կանցկացնի տիեզերակայանում, եւ մեկ-երկու օր կպահանջվի մինչ Կանավերալ հրվանդանից թռիչքից հետո SpaceX Dragon պարկուճով այնտեղ հասնելը:
Այլ տիեզերական ընկերություններ, ինչպիսիք են Սըր Ռիչարդ Բրենսոնի Virgin Galactic-ը եւ Ջոզեֆ Բեզոսի Blue Origin-ը, նախատեսում են ներգրավել վճարող հաճախորդներին ընդամենը մեկ րոպե տեւող թռիչքների համար: Նման թռիչքները, որոնց արժեքը հարյուր հազարավոր դոլարներ է, կարող են սկսվել այս տարի:
Axiom-ի առաջին հաճախորդներն են՝ Լարի Քոնորը՝ անշարժ գույքի եւ տեխնոլոգիայի ձեռնարկատեր, որը գտնվում է Դեյթոնում, Օհայո նահանգ, կանադացի ֆինանսիստ Մարկ Փեթին եւ իսրայելցի գործարար Էյթոն Սթիբբեն, որը Իսրայելի առաջին տիեզերագնաց, 2003-ի Կոլումբիայի ավիավթարում զոհված Իլան Ռամոնի մտերիմ ընկերն է եղել:
Ըստ Սուֆրեդինիի, առաջին հաճախորդներից յուրաքանչյուրը մտադիր է գիտական հետազոտություններ, ինչպես նաեւ կրթական գործունեություն անցկացնել ուղեծրում:
Մասնավոր տիեզերագնացներից յուրաքանչյուրը ստիպված է եղել բժշկական զննումներ եւ 15 շաբաթ վերապատրաստում անցնել:
Axiom-ը նախատեսում է տարեկան մոտ երկու մասնավոր առաքելություն տիեզերակայան եւ աշխատում է 2024 թվականից կայանում ստեղծել իր սեփական բնակավայր

     

Տեսանյութեր

ավելին

Ամենադիտված

ամիս

շաբաթ

օր

Շուշիի Լիսագոր գյուղի բնակիչներն ամբողջությամբ կվերադառնան առաջիկա երկու ամիսներին. գյուղապետ

Ադրբեջանն անօրինական հարձակումներ է իրականացրել Արցախի բուժհաստատությունների վրա. Human Rights Watch

Գերիների, Արցախի կարգավիճակի և օտարերկրացիների մուտքի մասին. պաշտոնական Ստեփանակերտի կոշտ արձագանքն Ալիևին

Ասվածը լկտի սուտ է. Արցախի հերոսի որդին հերքում է երևանյան հանրահավաքին Մարտակերտից մարդ տանելու մասին տեղեկությունը

Արմեն Թովմասյանը նշանակվել է Արցախի Հանրապետության էկոնոմիկայի և գյուղատնտեսության նախարար

Արցախի էկոնոմիկայի և գյուղատնտեսության նախարարը հայտարարել է պաշտոնը թողնելու մասին

Ասկերան-Ստեփանակերտ ճանապարհին ավտովթարներ են գրանցվել

Արայիկ Հարությունյանն ԱՀ նախագահի վերահսկողական ծառայության անձնակազմին է ներկայացրել նորանշանակ ղեկավար Մհեր Աբրահամյանին

Կարմիր շուկայով անցնող ճանապարհի և Ամարասի վանք ուխտավորների այցի մասին. ԱՀ նախագահի խոսնակը պարզաբանումներ է տվել

Search