ԱՄՆ պետքարտուղարությունը հայտարարել է, որ Իրանի նկատմամբ ԱՄՆ համբերությունը սահմանափակ է:
Իրանի հարցում ԱՄՆ համբերությունն անսահմանափակ չէ. Պետդեպ
ՍՏԵՓԱՆԱԿԵՐՏ, 25 փետրվարի, ԱՐՑԱԽՊՐԵՍ։ Այս մասին, tert.am-ի փոխանցմամբ, գրում է РИА Новости-ն:
«Համբերությունը «անսահմանափակ չէ»», - ասել է Պետդեպի խոսնակ Նեդ Փրայսը:
«Այս ամենում մեր նպատակը ապահովելն է, որ կրկին ունենանք իրանական միջուկային ծրագրի ստուգելի և մշտական սահմանափակումներ, որ Իրանը չկարողանա միջուկային զենք ձեռք բերել: Այս առումով մեր համբերությունը անսահմանափակ չէ», - ասաց Փրայսը:
ԱՄՆ-ն առաջարկել է Իրանին բանակցություններ վարել ԵՄ հովանու ներքո`«վեցնյակի» միջազգային միջնորդների մասնակցությամբ: Փրայսը նշել է, որ առաջարկն ուժի մեջ է: Իրանը դեռ համաձայնություն չի տվել բանակցել ԱՄՆ-ի հետ միջուկային խնդրի շուրջ: