Artsakhpress

Քաղաքական

Ադրբեջանի ԱԳՆ-ն յուրովի է «բացատրել» հայկական եկեղեցու ավերումը՝ գրեթե մեղադրելով ԵԱՀԿ-ին

BBC-ի բացահայտող զեկույցից հանկարծակիի եկած Ադրբեջանի արտգործնախարարությունը շտապել է մեկնաբանություններով հանդես գալ՝ անհեթեթագույն եւ միաժամանակ հայկական մշակույթի հուշարձանների նկատմամբ ադրբեջանական վերաբերմունքի էությունը ցուցադրող հայտարարություններ հնչեցնելով Ջրականում հայկական եկեղեցու ավերման կապակցությամբ:

Ադրբեջանի ԱԳՆ-ն յուրովի է «բացատրել» հայկական եկեղեցու ավերումը՝ գրեթե մեղադրելով ԵԱՀԿ-ին

Ադրբեջանի ԱԳՆ-ն յուրովի է «բացատրել» հայկական եկեղեցու ավերումը՝ գրեթե մեղադրելով ԵԱՀԿ-ին
ՍՏԵՓԱՆԱԿԵՐՏ, 26 մարտի, ԱՐՑԱԽՊՐԵՍ: Այս մասին հայտարարել է news.am:
«2021 թվականի մարտի 25-ին BBC News-ը հայտարարություն էր տարածել «Ադրբեջանի Ջաբրայիլ քաղաքում այսպես կոչված «հայկական եկեղեցու անհետացման» մասին: Ադրբեջանը լուրջ է ընդունում նման մեղադրանքները, սակայն վճռականորեն մերժում է ՅՈՒՆԵՍԿՕ-ի հարցերով Հայաստանի ազգային հանձնաժողովի մեղադրանքները որեւէ «մշակութային հանցագործության» մասին: Ադրբեջանի Հանրապետությունը բազմիցս վերահաստատել է իր հանձառությունը մշակույթի եւ կրոնական բազմազանության պաշտպանությանը, եւ այդ դիրքորոշումն անփոփոխ է մնում:
Այսպես կոչված «անհետացումը» պետք է որոշակի համատեքստում դիտարկել: Մատուռն ապօրինի կառուցվել է Հայաստանի կողմից Ադրբեջանի միջազգայնորեն ճանաչված տարածքների գրեթե 30-ամյա բռնազավթման ընթացքում, որոնք 1993-ի գրավումից առաջ բնակեցված էին բացառապես էթնիկ ադրբեջանցիներով»,- ասված է հայտարարության մեջ:
«Երբ 2017-ին Ադրբեջանը դիմեց ԵԱՀԿ, այդ կազմակերպության Մինսկի խմբի համանախագահները համաձայնեցին այցելել Ջաբրայիլի մատուռ: Դրանից հետո Ադրբեջանը լուրջ մտահոգություն հայտնեց գրավյալ ադրբեջանական տարածքներում Հայաստանի կողմից ժողովրդագրական եւ մշակութային բնութագրերի փոփոխության կապակցությամբ: Այդ ուղեւորությունից հետո ԵԱՀԿ Մինսկի խմբի համանախագահները եկան այն եզրակացության, որ մատուռը կառուցվել է հայ զինվորների համար: Այսպիսով, միայն հինգ տարի առաջ հայկական օկուպացիոն ուժերի համար կանգնեցված այդ օբյեկտը չի կարող Ջաբրայիլի մշակույթի պատմության մաս համարվել»,- ասված է հայտարարության մեջ: Փաստացի Ադրբեջանի Հանրապետության արտաքին գործերի նախարարությունը միջադեպի մեղքը անուղղակիորեն դրել է ԵԱՀԿ-ի վրա: Այս հայտարարությունը լիովին տեղավորվում է ադրբեջանական կողմի՝ հայկական հուշարձանների ալբանացման եւ ոչնչացման միտման մեջ: Այդ նույն տրամաբանությամբ՝ վաղը, օրինակ, Ամարասի կամ Ղազանչեցոցի ավերումը Բաքվում կարող են բացատրել նրանով, որ դրանք «չեն կարող մշակույթի պատմության մաս համարվել»:
 

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՀՀ կառավարությունը հաստատել է Արցախի տեղահանված կամ բնակելի անշարժ գույքը կորցրած քաղաքացիներին դրամական օգնություն տրամադրելու որոշումը

Ունենք վիրավորներ. այս պահին շփման գծի ողջ երկայնքով իրավիճակը հարաբերական կայուն է. ՊԲ

Արական սեռի քաղաքացիներին անձնագրերը կտրամադրվեն ոչ թե մինչև 18, այլ մինչև 19 տարին լրանալը

Ամենայն հավանականությամբ, վաղը Հայաստան կվերադառնա գերիների նոր խումբ․ աղբյուր

Ադրբեջանը հայտարարել է, որ Հայաստանի պահանջով «ռազմավարի պուրակից» հեռացրել է բոլոր մանեկեններն ու սաղավարտները

Հայտնի են Բաքվից վերադարձող 5 գերիների անունները. Sputnik Արմենիա

Որևէ մեկի կյանքին վտանգ չի սպառնում. պետնախարարն այցելել է վիրավորներին

Պատերազմ հնարավոր չէ. Դավիթ Բաբայանը տեղեկություններ հաղորդեց Արցախի իրավիճակից

Պուտին. Լեռնային Ղարաբաղում հրադադարի ռեժիմի երաշխավորը ռուս խաղաղապահներն են

Search