Artsakhpress

Տնտեսական

Արցախի Հանրապետության պետնախարարը ներկայացրել է գործարար միջավայրի աջակցության ծրագրերը

Արցախում 2020-2022 թվականների ժամանակահատվածի համար շահութահարկի, եկամտային հարկի, առևտրի հարկի դրույքաչափերի նվազեցում, ինչպես նաև՝ տվյալ հարկատեսակներից ազատման ժամկետային արտոնություն է սահմանվել:

Արցախի Հանրապետության պետնախարարը ներկայացրել է գործարար միջավայրի աջակցության ծրագրերը

Արցախի Հանրապետության պետնախարարը ներկայացրել է գործարար միջավայրի աջակցության  ծրագրերը

ՍՏԵՓԱՆԱԿԵՐՏ, 26 ապրիլի, ԱՐՑԱԽՊՐԵՍ։ Այս մասին «Արցախպրես»-ի հետ զրույցում ասաց Արցախի պետական նախարար, ֆինանսերի նախարար Գրիգորի Մարտիրոսյանը՝ անդրադառնալով հանրապետությունում ներդրումային հնարավորություններին ու գործարար հատվածի համար նպաստավոր պայմանների ստեղծմանը։

«Յուրաքանչյուր տնտեսական համակարգի տնտեսական կայուն աճի և երկարաժամկետ տնտեսական զարգացման հիմքում կատարվող ներդրումներն են: Ներկա պայմաններում առավել ակնհայտ է Արցախի տնտեսությունում մեծածավալ ներդրումների ներգրավման անհրաժեշտությունը:

Հաշվի առնելով այն, որ հետպատերազմյան շրջանում մեր երկրի գործարար միջավայրի ներդրումային հնարավորությունների ապահովման տեսակետից առավել պահանջված է հարկային դաշտի բարելավումը, իշխանությունները ձեռնարկեցին մի շարք օրենսդրական փոփոխություններ` ուղղված հարկերի դրույքաչափերի նվազեցմամբ հարկային բեռի թեթևացմանն ու վերաբաշխմանը, ինչպես նաև մի շարք հարկային արտոնությունների սահմանմանը»,-նշեց պետնախարարը:

Նրա խոսքով՝ մինչև 2026 թվականի հունվարի 1-ը սահմանվել է ավելացված արժեքի հարկից ազատման արտոնություն՝ Արցախի Հանրապետությունում արտադրված գյուղատնտեսական արտադրանքի իրացման, ինչպես նաև կառուցվող բազմաբնակարան շենքի բնակարանների օտարման և այլ գործարքների մասով:

Բացի այդ՝ կազմակերպությունների և անհատ ձեռնարկատերերի կողմից վճարված հարկերի 50 տոկոսն ուղղվելու է նրանց կողմից մինչև 2020 թվականի հոկտեմբերի 1-ը ստացված վարկերի (փոխառությունների) և դրանց սպասարկման համար վճարված տոկոսների փոխհատուցմանը` երեք տարի ժամկետով՝ բացառությամբ վարկային կազմակերպությունների, բանկերի, օգտակար հանածոների արդյունահանման, էլեկտրական էներգիայի և բնական գազի հաղորդման գործունեություններ իրականացնող անձանց։ Մեկ այլ ծրագրի շրջանակում, կազմակերպությունների և անհատ ձեռնարկատերերի բիզնես վարկերի գծով 2020 թվականի սեպտեմբերի 27-ից մինչև 2021 թվականի ապրիլի 1-ն ընկած ժամանակահատվածում հաշվեգրված տոկոսագումարները, բայց ոչ ավելի քան 15 մլն դրամը, հատուցվելու են պետության կողմից:

Պետնախարար Գրիգորի Մարտիրոսյանի հաղորդմամբ՝ պետության կողմից կատարվելու են նաև գյուղատնտեսական գործունեության նպատակով անհատ ձեռնարկատերերի և անհատ ձեռնարկատեր չհանդիսացող ֆիզիկական անձանց՝ 3 մլն դրամը չգերազանցող վարկերի կամ փոխառությունների մասով ձևավորված պարտավորությունները` 2020 թվականի սեպտեմբերի 27-ից մինչև 2023 թվականի հոկտեմբերի 1-ը ժամանակացույցով սահմանված կարգով:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ովքեր կարող են մասնակցել «Գրին քարտի» խաղարկությանը, ինչ քայլերի պետք է հետևել․ ԱՄՆ Պետքարտուղարության Հյուպատոսական ծառայությունների բյուրո

«Նախընտրել եմ Արցախ վերադառնալ ու շենացնել հայրենիքս». Հադրութից տեղահանված և Հաթերքում հաստատված բնակիչ (լուսանկարներ)

Արցախում կորոնավիրուսից մահվան դեպք է գրանցվել

«Մարտական խաչ 1-ին աստիճան»-ի շքանշանակիր Օնիկ Հովսեփյանի հիշատակին հուշաղբյուր և խաչքար է կանգնեցվել (լուսանկարներ)

Բանակը ցրելու մասին նախագահին վերագրվող հայտարարություններն իրականությանը չեն համապատասխանում․ խոսնակ

Հայտնի են Բաքվից վերադարձող 5 գերիների անունները. Sputnik Արմենիա

Զախարովա․ ԱՄՆ-ն խոչընդոտում է «3+3» նախաձեռնության իրականացմանը

ԱրՊՀ ուսանողները ժամանակավորապես ազատվել են դասապարապմունքներից

Արցախում կորոնավիրուսից մահվան երկու դեպք է գրանցվել

Search