Աֆղանստանի նախագահ Աշրաֆ Հանին հայտարարել է, որ ամերիկյան զորքերի դուրսբերումից հետո երկրում կարող է քաղաքացիական պատերազմ սկսվել:
Աֆղանստանի նախագահը քաղաքացիական պատերազմի մտավախություն ունի՝ ԱՄՆ զորքերի հեռանալուց հետո
ՍՏԵՓԱՆԱԿԵՐՏ, 15 մայիսի, ԱՐՑԱԽՊՐԵՍ: Այս մասին հայտնում է News.am-ը:
«Քաղաքացիական պատերազմի հավանականություն կա: Բայց դա չի կարելի թույլ տալ»,- ասել է նախագահը:
Միեւնույն ժամանակ Հանին հավելել է, որ 2014 թվականից հետո, երբ երկրում ՆԱՏՕ-ի մարտական առաքելությունը ձեւափոխվեց ուսումնական առաքելության, շատերը դրանում «հանրապետության մայրամուտի» մոտենալը տեսան:
«Բայց մեզ մոտ ամեն ինչ ստացվեց: Այդ ամենը խոսելու խնդիր է՝ որքան հաճախ են մարդիկ խոսում ապակայունացման սցենարի մասին, այնքան ավելի շատ ենք բռնության բախվում»,- ասել է Հանին:
Ավելի վաղ ԱՄՆ նախագահ Ջո Բայդենը հայտարարել էր, որ ԱՄՆ-ը կատարել է իր առաքելությունն Աֆղանստանում եւ մայիսի 1-ից կսկսի զորքերը դուրս բերել երկրից:
2020-ին ԱՄՆ-ը եւ աֆղանական «Թալիբան» արմատական շարժումը (Ռուսաստանում արգելված կազմակերպություն) ավելի քան 18 տարվա պատերազմում առաջին անգամ խաղաղության համաձայնագիր ստորագրեցին: Պայմանավորվածությունների համաձայն՝ ամերիկյան զորքերը պետք է մինչեւ մայիսի 1-ը հեռանային Աֆղանստանից: ԱՄՆ նոր նախագահ Ջո Բայդենի վարչակազմը հայտարարել է թալիբների հետ պայմանագրերը վերանայելու մտադրության մասին:
Ամերիկյան գործողությունն Աֆղանստանում սկսվել է ի պատասխան 2001 թվականի սեպտեմբերի 11-ի ահաբեկչության:
