«Հայաստան» համահայկական հիմնադրամի ֆինանսավորմամբ՝ ԱՀ Ասկերանի շրջանի Իվանյան համայնքում սկսվել են նոր թաղամասի կառուցման աշխատանքները։
Իվանյան համայնքում նոր թաղամաս է կառուցվում
ՍՏԵՓԱՆԱԿԵՐՏ, 17 մայիսի, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասել է Իվանյանի համայնքի ղեկավար Բորիս Ղահրամանյանը:
Նրա խոսքով՝ կառուցվող 9 բազմաբնակարան շենքերում նախատեսվում է ունենալ 180 բնակարան՝ երկու, երեք և չորս սենյականոց:
«Այս փուլում իրականացվում է հողային աշխատանք: Բազմաբնակարան շենքերը համապատասխանելու են ժամանակակից բոլոր պահանջներին։ Բարեկարգվելու է նաև շենքերի շրջակայքը, կառուցվելու՝ ավտոկայանատեղի, խաղահրապարակ, հասարակական նշանակության օբյեկտներ: Բնակարանները տրամադրվելու են Արցախյան երրորդ պատերազմի հետևանքով տարհանված բնակիչներին»,- ավելացրել է համայնքի ղեկավարը՝ տեղեկացնելով, որ նոր թաղամասը նախատեսվում է շահագործման հանձնել 2022 թվականի վերջին: