Artsakhpress

Վերլուծական

Ռուսաստանը Հայաստանի թիվ 1 ռազմավարական գործընկերն է․ ԱԺ պատգամավոր

Արցախի Հանրապետության Ազգային Ժողովի պատգամավոր Արամայիս Աղաբեկյանը հանդես է եկել վերլուծական հոդվածով, որտեղ մանրազննին վերլուծության է ենթարկում Արցախում տիրող քաղաքական իրավիճակը, դիտարկում հնարավոր զարգացումները։

Ռուսաստանը Հայաստանի թիվ 1 ռազմավարական գործընկերն է․ ԱԺ պատգամավոր

Ռուսաստանը Հայաստանի թիվ 1 ռազմավարական գործընկերն է․ ԱԺ պատգամավոր
ՍՏԵՓԱՆԱԿԵՐՏ, 3 հունիսի, ԱՐՑԱԽՊՐԵՍ: Հոդվածը ստորև․
«Միջազգային հարաբերությունները սիրախաղերից, կամայականություններից և պահական որոշումներից հեռու բարդ գործընթացներ են, որոնց հիմքում ընկած են պատմական փորձը, գոյություն ունեցող իրողությունները և առնվազն մի քանի տասնամյակ ավելի առաջ հաշվելու և գնահատելու ունակությունը: Այս երեք՝ մեկը մյուսից ոչ պակաս կարևոր գործոնները գալիս են մեզ հուշելու, որ Հարաֆային Կովկասում մեր կենսունակության և զարգացման հիմնական մոդելը ուղղակիորեն պայմանավորված է Ռուսաստանի հետ մեր բարիդրացիական հարաբերությունների խորացմամբ:
Սկսենք պատմական փորձից, որը մեզ տանում է դեպի մեկդարյա համատեղ պետականություն: Արևելյան Հայաստանը 1804-1813 թվականների, ինչպես նաև 1826-1828 թթ․ ռուս-պարսկական և 1877-1878 թվականների ռուս-թուրքական պատերազմների արդյունքում միանում է Ռուսական կայսրությանը, որը մշակութային և կրոնական տեսանկյունից ավելի հոգեհարազատ էր մեզ։ Այդ միացման արդյունքում մեզ հաջողվում է ոչ միայն ինքնապահպանվել, այլև զարգանալ: Ընդ որում՝ այդ գործընթացը առաջինը սկսում է Արցախը. 1813 թվականի Գյուլիստանի պայմանագրում առանձին դրված են նաև Արցախի մելիքների կնիքները, որոնց հնարավորություն էր տրվում ստանալ բարձրաստիճան զինվորականի կարգավիճակ: Հատկանշական է նշել, որ ռուս-թուրքական պատերազմների ավարտից հետո փուլ առ փուլ Արևելյան Հայաստան են վերադառնում մոտ 120 000 հայեր, և մեծաքանակ իսլամադավան բնակչություն լքում է մեր հայրենիքը:
Առաջին հանրապետության կարճատև գոյությունից հետո, աշխարհաքաղաքական զարգացումները մեզ նորից տանում են Ռուսաստանի հետ համատեղ տնտեսական և անվտանգային մեխանիզմներ ստեղծելուն, որն այս անգամ տևում է 70 տարի: Խորհրդային Հայաստանը ժամանակի ընթացքում դառնում է Խորհրդային Միության տեխնոլոգիական հսկաներից մեկը: Թռիչքային զարգացում է տեղի ունենում բոլոր ոլորտներում՝ լեռնարդյունաբերությունից սկսած մինչև կրթություն: Իհարկե, լինում են նաև ոչ հայանպաստ որոշումներ, ինչպիսին Ստալինի կողմից Լեռնային Ղարաբաղը Ադրբեջանի կազմ մտցնելն է, որից ապագայում Խորհրդային Միությունը, հանձին դոմինանտ Խորհրդային Ռուսաստանի, պիտի անկասկած տուժեր: Լեռնային Ղարաբաղի հիմնախնդրի անարդար լուծումը հետագայում պիտի դառնար Խորհրդային Միության աքիլլեսյան գարշապարը, անբնական եղանակով տրված լուծումը ուղիղ համեմատական պիտի դառնար Հարավային Կովկասում ռուսական ազդեցության նվազմանը:
Հատկանշական է, որ 1991-1994 թվականների Արցախյան պատերազմում հայկական կողմի հաղթանակը Ռուսաստաանին բերեց բառիս բուն իմաստով վերադարձ Հարավային Կովկաս՝ որպես դոմինանտ և թելադրող: Այս առումով ռուսական և հայկական շահերը համադրելի եղան: 2020 թվականի Արցախյան 44-օրյա պատերազմում հայկական կողմի պարտությունը, իմ խորին համոզմամբ, երկարաժամկետ ապագայում անհամադրելի Է նաև Ռուսաստանի համար: Վստահ եմ, որ սա գիտակցում են նաև Կրեմլում և Լուբյանկայում:
Գոյություն ունեցող իրողությունների մասով պատկերն առավել քան պարզ է: Գյումրիում է տեղակայված ռուսական 102-րդ ռազմաբազան, որն ապահովում է հայ-թուրքական շփման գիծը և ստրատեգիական կարևոր կետ է Հայաստանի և Ռուսաստանի համար: Ռուսական 102-րդ ռազմաբազայի օդային բաղադրիչ հանդիսացող Էրեբունու ռազմական օդանավակայանը ժամանակին օգտագործվեց որպես Ռուսաստանից Սիրիա ուղևորվող СУ-30СМ բազմանպատակ կործանիչների վառելիքի վերալիցքավորման կանգառ։ Այն սիրիական սահմանից գտնվում է 370 կմ հեռավորության վրա։ Մինչդեռ Ռուսաստանի տարածքում ամենահարավային՝ Մոզդոկի օդակայանից մինչև Սիրիա հեռավորությունը երկու անգամ ավելի մեծ է։
Հայաստանը և Ռուսաստանը ՀԱՊԿ անդամ պետություններ են, որը ենթադրում է կոլեկտիվ անվտանգային մեխանիզմներ և որտեղ, չնայած կանոնադրական որոշ անհարթությունների, միևնույն է, Ռուսաստանը շարունակում է պահել մեծ եղբոր կարգավիճակը: Այս երկու երկրները 1997 թվականի օգոստոսի 29-ին կնքել են նաև բարեկամության, համագործակցության և ռազմական փոխադարձ օգնության պայմանագիր, բազմաթիվ են տնտեսական, մշակութային և այլ տիպի փոխադարձ շահ հետապնդող համաձայնագրերն ու պայմանագրերը:
Եվ վերջապես, Արցախում տեղակայված են ռուսական խաղաղապահ ուժերը, որոնք արցախցիների անվտանգության երաշխավորը և տարածաշրջանային կայունության պատասխանատուն են։
Ինչ վերաբերում է երկարաժամկետ ապագայի պլանավորմանը, ապա այս գործոնը սերտորեն կապված է վերևում նշված գործոնների հետ և իրարից անկախ չի կարող գոյություն ունենալ: Կան վերազգային, աշխարհաքաղաքական գործընթացներ, որից չի կարող անմասն մնալ Հայաստանը: Տարածաշրջանում առանձնապես մեծ չեն Հայաստանի արտաքին քաղաքական գործընկերների ընտրության հնարավորությունները, և այդ համատեքստում Ռուսաստանը շարունակում և շարունակելու է մնալ Հայաստանի թիվ 1 ստրատեգիական ռազմավարական գործընկերը:
Երկարաժամկետ ապագայում Ուժեղ Հայաստանը նաև ՈՒժեղ Ռուսաստան է»:

     

Քաղաքական

ԵՄ արտգործնախարարները վերահաստատել են իրենց աջակցությունը Հայաստանին. Ստանո

ԵՄ անդամ 27 երկրների արտաքին գործերի նախարարների խորհրդի նիստի ընթացքում, ի թիվս այլ հարցերի, քննարկվել է նաեւ ԵՄ-ի աջակցությունը Հայաստանին, ինչպես նաեւ հայ-ադրբեջանական հարաբերությունների կարգավորման հարցը։

ԱԺ նախագահը և Չեխիայի դեսպանը մտքեր են փոխանակել Ադրբեջանում պահվող հայ գերիների վերադարձի շուրջ

ՀՀ ԱԺ նախագահ Ալեն Սիմոնյանը մարտի 18-ին ընդունել է Հայաստանի Հանրապետությունում Չեխիայի Հանրապետության արտակարգ և լիազոր դեսպան Պետր Պիրունչիկին:

Հայ դատի հանձնախումբն ԱՄՆ Կոնգրեսում քննարկումներ է կազմակերպել Լեռնային Ղարաբաղի հայերի իրավունքների թեմայով

Ամերիկայի հայ դատի հանձնախմբի կողմից Միացյալ նահանգների Կոնգրեսում կազմակերպվել է «Ցեղասպանության հակադարձում․ Արցախի բնիկ հայերի իրավունքների և անվտանգ վերադարձի ապահովում» խորագրով երկօրյա քննարկում։

Հայաստանը գործադրում է բոլոր ջանքերն Ադրբեջանի հետ խաղաղության պայմանագրի ստորագրման համար․ Միրզոյան

Հայաստանի արտաքին գործերի նախարար Արարատ Միրզոյանը Ղազախստանի արտաքին գործերի նախարար Մուրատ Նուրտլեուին ներկայացրել է Հարավային Կովկասում տիրող իրավիճակը և Հայաստանի և Ադրբեջանի միջև հարաբերությունների կարգավորման գործընթացը։

Տնտեսական

Հասարակական

Այսօր եկեղեցին նշում է Ս. Գրիգոր Լուսավորչի սոսկալի չարչարանքների և Վիրապ մտնելու տոնը

Մարտի 16-ին Արարատյան Հայրապետական թեմի բոլոր եկեղեցիներում կմատուցվի բաց Խորանով Ս. Պատարագ:

ՀՀ իշխանությունները պետք է հասնեն Ադրբեջանի կողմից Արցախի գերեվարված ռազմաքաղաքական ղեկավարների և բոլոր գերիների առանց պայմանի ազատ արձակմանը․ Մայր Աթոռ

Ն․Ս․Օ․Տ․Տ․ Գարեգին Երկրորդ Ամենայն Հայոց Կաթողիկոսի նախագահությամբ Հայաստանի եպիսկոպոսները և թեմակալ առաջնորդները հանդես են եկել հայտարարությամբ Արցախի Հանրապետության գերեվարված ռազմաքաղաքական ղեկավարների հիմնարար իրավունքների ոտնահարման դեպքերի վերաբերյալ։

Մշակվել է ծրագիր, որի միջոցով ԼՂ-ից բռնի տեղահանվածները կարող են ուսում ստանալ և աշխատանքի անցնել պետական աջակցությամբ

Մշակվել է ծրագիր, որի միջոցով Լեռնային Ղարաբաղից բռնի տեղահանվածները կարող են ուսում ստանալ և աշխատանքի անցնել պետական աջակցությամբ:

Ադրբեջանցիներն Արցախում ավերել են զոհված զինծառայողներին նվիրված հուշահամալիրը, անհետացրել է 13-րդ դ. արձանագիր խաչքարը

Ադրբեջանցիներն ավերել են Արցախի Ծար գյուղում գտնվող արցախյան ազատամարտում զոհված հայ զինծառայողներին նվիրված հուշահամալիրը, անհետացրել 1224 թ․ արձանագիր խաչքարը։

Ռազմական

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Տեսանյութեր

ավելին

Ամենադիտված

ամիս

շաբաթ

օր

ԼՂ-ից բռնի տեղահանվածների համար նախատեսված «40+10 հազար» ծրագիրը կշարունակվի առնվազն մինչև տարեվերջ

Բեռլինում Արցախի մշակութային ժառանգության մասին գրքի շնորհանդեսը չեղարկվել է «միջոցառման դեմ զանգվածային արշավի և էսկալացիայի վտանգի» պատճառով

Ռուբլին, եվրոն և դոլարը էժանացել են

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

ՀՀ տարածքում կան փակ ավտոճանապարհներ

Անահիտ Մանասյանը մասնակցել է Հիմնարար իրավունքների ֆորումին

Բանակցային օրակարգ ներառել Արցախի ժողովրդի՝ միջազգային երաշխիքներով Արցախ վերադառնալու հարցը. Հայտարարություն

Մշակվել է ծրագիր, որի միջոցով ԼՂ-ից բռնի տեղահանվածները կարող են ուսում ստանալ և աշխատանքի անցնել պետական աջակցությամբ

Հայ պատանի թենիսիստներն արծաթե մեդալ են նվաճել Եվրոպայի մինչև 14 տարեկանների զարգացման առաջնության զուգախաղի մրցումներում

Search