ԱՀ Ասկերանի շրջանի Շոշ համայնքում շարունակվում են վերակառուցման ու վերանորոգման աշխատանքները։
Շոշում ընթանում են վերակառուցման և վերանորոգման աշխատանքներ
ՍՏԵՓԱՆԱԿԵՐՏ, 15 հունիսի, ԱՐՑԱԽՊՐԵՍ: «Արցախպրես»-ի հաղորդմամբ՝ շինաշխատանքներին ընդգրկված են «Ա.Տ.Մ. Ստրոյ» ՍՊ, «Քիրս» ԱԿ, «ՆԱՐ ՍՏՐՈՅ» ՍՊ ընկերությունները։
«Պատերազմից անմիջապես հետո Շոշ համայնքում սկսվել են հրետակոծված առանձնատների, մանկապարտեզի շենքի համայնքապետարանի վերանորոգման աշխատանքները»,- մեզ հետ զրույցում նշել է ԱՀ քաղաքաշինության նախարարության մամուլի քարտուղար Մարթա Դանիելյանը՝ հավելելով, որ տեղահանված ընտանիքներին վերաբնակեցնելու նպատակով վերանորոգվել է մեկ տուն. նախարարությունը նախապատրաստվում է ևս տասնհինգից ավելի առանձնատներ վերանորոգել այդ նպատակով: