Tech Week-ը նախաձեռնում է եռօրյա միջոցառում,որը կմիավորի հայկական ՏՏ համայնքին մեկ վայրում:
ՏՏ և բիզնես ոլորտների ներկայացուցիչները Ստեփանակերտում համատեղ ծրագիր կիրականացնեն
ՍՏԵՓԱՆԱԿԵՐՏ, հունիսի 16, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ Հայկական տեխնոլոգիական ու բիզնես համայնքի ներկայացուցիչները հուլիսի 3-5-ը կհանդիպեն Արցախի մայրաքաղաք Ստեփանակերտում՝ մեկտեղելու իրենց փորձը, քննարկելու տեխնոլոգիաների զարգացումները և ընձեռնած հնարավորությունները:
«Միջոցառման գլխավոր նպատակն է համայնքային համաչափ շարունակական զարգացումը, փորձի փոխանցումը, նոր թիմերի ստեղծումը և երիտասարդներին գիտելիքով ու հմտություններով զինելը: Այն կստեղծի նոր հնարավորություններ, ինչպես նաև թույլ կտա բացահայտել մեր ողջ ներուժը և կնպաստի Արցախի հզորացմանը»,- նշել է Հայաստանի բիզնես հրեշտակների ցանցի փոխնախագահ Սոնա Վեզիրյանը:
Միջոցառման հիմնական ուղղություններն են տեխնոլոգիաները, բիզնեսը,մարքեթինգը, դիզայնը:
Մասնակցությունն անվճար է. անհրաժեշտ է նախապես գրանցվել հետևյալ հղումով:
