Կորոնավիրուսային հիվանդության դեմ Ստեփանակերտի հանրապետական բժշկական կենտրոնում իրականացվում են պատվաստումներ։
Sputnik V-ով պատվաստման գործընթացն Արցախում շարունակվում է. մասնագետը անդրադարձել է արդյունքներին
ՍՏԵՓԱՆԱԿԵՐՏ, 19 հունիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ՀԲԿ համաճարակաբան Զոյա Ասրյանը։
«Պատվաստումն իրականացվում է երկու փուլով։ Առաջին պատվաստումից 21 օր հետո տեղի է ունենալու երկրորդ պատվաստումը։ Մինչ այսօր պատվաստվածները որևէ բողոք չեն ունեցել։ Պատվաստումները կատարվում են ամեն օր՝ ժամը 10: 00-ից մինչև 13:00֊ն, ռուսական արտադրության «Sputnik V» պատվաստանյութով։Համաճարակաբանը հորդորում է մարդկանց պատվաստվել, հատկապես 60 տարեկանից բարձր, խրոնիկ հիվանդություններով տառապող անձանց ,բուժաշխատողներին, սոցիալական ծառայության աշխատողներին, քանի որ պատվաստումը հենց իրենց առողջության համար է արվում, դա օգնում է պաշտպանվել քովիդի ծանր հետևանքներից։
«Հայաստանից մեզ պատվաստանյութերի 500 դեղաչափ (դոզա) է տրվել, այնուհետև ռուս ռազմական բժիշկները մեզ պատվաստանյութերի 1000 դեղաչափ էլ տվեցին։ Ես ուզում եմ զգուշացնել արձակուրդներին պատրաստվող բնակչությանը, ովքեր մեր երկրի տարածքից դուրս կհանգստանան։ Մեկնելիս, հաստատ, անհրաժեշտ կլինեն պատվաստումների վերաբերյալ տվյալները։ Այժմ գործում է նոր ծրագիր, որի մեջ ներառվում են անձի տվյալները, և Հայաստանի յուրաքանչյուր կետում այդ ծրագրի տվյալները հասանելի են ։ Դա հիմք ընդունելով էլ անձին կթույլատրեն մեկնել»,- նշել է թերապևտ Սուսաննա Անտոնյանը։
