Artsakhpress

Հարցազրույց

Քաղաքական անորոշություն, ֆինանսատնտեսական ճգնաժամ. Լիբանանը և հայ համայնքը՝ նավահանգստի պայթյունից մեկ տարի անց

Բեյրութի նավահանգստի պայթյունից արդեն մեկ տարի է անցել, սակայն Լիբանանի ֆինանսական, տնտեսական և քաղաքական խնդիրները դեռևս մնում են չլուծված:

Քաղաքական անորոշություն, ֆինանսատնտեսական ճգնաժամ. Լիբանանը և հայ համայնքը՝ նավահանգստի պայթյունից մեկ տարի անց

Քաղաքական անորոշություն, ֆինանսատնտեսական ճգնաժամ. Լիբանանը և հայ համայնքը՝ նավահանգստի պայթյունից մեկ տարի անց
ՍՏԵՓԱՆԱԿԵՐՏ, 5 օգոստոսի, ԱՐՑԱԽՊՐԵՍ։«Արմենպրես»-ի հետ զրույցում այսպես բնութագրեց Լիբանանում տիրող ներկա իրավիճակը «Ազդակ» օրաթերթի գլխավոր խմբագիր Շահան Գանտահարյանը՝ ընդգծելով, որ 2020 թ. օգոստոսի 4-ին տեղի ունեցած հզոր պայթյունի բոլոր հանգամանքները դեռևս չեն պարզվել, հետաքննությունը չի ավարտվել, ինչը հասարակական հուզումների և քաղաքացիական անհնազանդության առիթ է տալիս: Այս պայմաններում բանկային, դրամական, ֆինանսատնտեսական, վառելանյութերի, դեղորայքի հետ կապված խնդիրները և քաղաքական անորոշությունը էլ ավելի են խորացնում ճգնաժամը:
«Ծանր տագնապ է հատկապես սոցիալ-տնտեսական առումով, լիբանանյան դրամանիշի անկումը շարունակվում է, սղաճ է, բնականաբար, և սա բնութագրվում է իբրև Լիբանանի ֆինանսատնտեսական պաշարում, որտեղ միջազգային ընտանիքը պայմաններ է դնում՝ թափանցիկություն, պայթյունի պատասխանատուների հաշվետվություն, անկախ արդարադատություն: Հիմա նաև ժողովուրդը և որոշ կազմակերպություններ այս առիթով տեղի ունեցող ցույցերի ժամանակ պահանջում են բոլոր պետական պաշտոնյաների անձեռնմխելիության վերացում, որպեսզի դատավարություն ընթանա, մարդիկ կանչվեն իբրև վկա կամ իբրև մեղադրյալ: Այլ խոսքով՝ մարդիկ պահանջում են անկախ և արդար դատավարություն: Սակայն մի կողմից պայթյունի հետաքննությունը դեռ չի ավարտվել, հասցեական մեղադրանքներ դեռևս չկան, մյուս կողմից՝ ֆինանսական, տնտեսական շատ ծանր իրավիճակ է», - ասաց Շահան Գանտահարյանը:
Վերլուծաբանի խոսքով՝ քաղաքական դաշտում նույնպես անորոշ վիճակ է: Սաադ Հարիրիից հետո նշանակվել է նոր վարչապետ՝ Նաջիբ Միկատին, որն առայժմ կառավարություն չի ձևավորել:
«Չնայած հայտարարությունները փորձում են որոշակի լավատեսություն ստեղծել, բայց դեռևս տեսանելի չէ կառավարության կազմը: Իսկ նման իրավիճակում կառավարության բացակայությունը հավելյալ ճգնաժամ է ստեղծում»,- ասում է Գանտահարյանը:
Անդրադառնալով հայ համայնքի կացությանը՝ Շահան Գանտահարյանը նշեց, որ լիբանանահայությունը, բնականաբար, կրում է այն բոլոր ծանր հետևանքները, որոնք ընդհանրապես լիբանանյան հասարակությունն է կրում, քանի որ այդ հասարակությանը մաս կազմող համայնք է: Միակ տարբերությունն այն է, որ վերջին մեկ տարվա ֆինանսական, սոցիալական, տնտեսական ծանր ճգնաժամի օրերին լիբանանահայ համայնքը ստացավ Սփյուռքի, Հայաստանի Հանրապետության և Արցախի, այստեղ ապրող հայրենակիցների աջակցությունը:
«Սա եզակի հանգամանք է: Ուզում եմ ասել՝ համահայկական ցանցային կառույցը շատ ճիշտ և նպատակաուղղված աշխատեց ե՛ւ դրամահավաքներ կազմակերպելու, ե՛ւ օժանդակություններ ուղարկելու, ե՛ւ բարոյական ու այլ բնույթի աջակցություններ ցուցաբերելու առումով: Սա կարևոր հանգամանք է, որի վրա պետք է ուշադրություն կենտրոնացնել», - նշեց «Ազդակի» գլխավոր խմբագիրը:
Շահան Գանտահարյանի խոսքով՝ բնական է, որ ճգնաժամի ու առաջացած սոցիալ-տնտեսական դժվարությունների պատճառով նաև մարդկանց որոշ արտահոսք է տեղի ունենում Լիբանանի հայ համայնքից: Բայց հետաքրքիր է, որ այլ երկրներ գնալու լիբանանահայերի փափագի ու մղումի համապատկերում կան նաև Հայաստան վերադառնալու միտումներ:
«Զանգվածային առումով նման երևույթ չկա, բայց, բնականաբար, կան հայեր, որոնք Հայաստան են մեկնում: Ասեմ նաև, որ լիբանանյան ավիաուղիները դեպի Երևան իրականացնում է շաբաթական երեք թռիչք, և այդ թռիչքները ակտիվ աշխատում են, այսինքն՝ անգամ այս պայմաններում մարդկանց կապը Հայաստանի հետ ակտիվացել է», - Բեյրութից հաղորդեց «Ազդակ» օրաթերթի գլխավոր խմբագիր Շահան Գանտահարյանը:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՀՀ կառավարությունը հաստատել է Արցախի տեղահանված կամ բնակելի անշարժ գույքը կորցրած քաղաքացիներին դրամական օգնություն տրամադրելու որոշումը

Ունենք վիրավորներ. այս պահին շփման գծի ողջ երկայնքով իրավիճակը հարաբերական կայուն է. ՊԲ

Արական սեռի քաղաքացիներին անձնագրերը կտրամադրվեն ոչ թե մինչև 18, այլ մինչև 19 տարին լրանալը

Ամենայն հավանականությամբ, վաղը Հայաստան կվերադառնա գերիների նոր խումբ․ աղբյուր

Ադրբեջանը հայտարարել է, որ Հայաստանի պահանջով «ռազմավարի պուրակից» հեռացրել է բոլոր մանեկեններն ու սաղավարտները

Հայտնի են Բաքվից վերադարձող 5 գերիների անունները. Sputnik Արմենիա

Որևէ մեկի կյանքին վտանգ չի սպառնում. պետնախարարն այցելել է վիրավորներին

Պատերազմ հնարավոր չէ. Դավիթ Բաբայանը տեղեկություններ հաղորդեց Արցախի իրավիճակից

Պուտին. Լեռնային Ղարաբաղում հրադադարի ռեժիմի երաշխավորը ռուս խաղաղապահներն են

Search