Artsakhpress

Հասարակական

Հայաստանում և ամենուր աշխարհում ամենքիս պատասխանը պետք է լինի աննահանջ ջանքն ու եռանդը՝ հանուն Արցախի. Վեհափառ Հայրապետ

Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը շնորհավորական ուղերձ է հղել Արցախի Հանրապետության օրվա առթիվ:

Հայաստանում և ամենուր աշխարհում ամենքիս պատասխանը պետք է լինի աննահանջ ջանքն ու եռանդը՝ հանուն Արցախի. Վեհափառ Հայրապետ

Հայաստանում և ամենուր աշխարհում ամենքիս պատասխանը պետք է լինի աննահանջ ջանքն ու եռանդը՝ հանուն Արցախի. Վեհափառ Հայրապետ

ՍՏԵՓԱՆԱԿԵՐՏ, 2 սեպտեմբերի, ԱՐՑԱԽՊՐԵՍ։  Վեհափառ Հայրապետի ուղերձում ասված է.

«Արցախի Հանրապետության Անկախության օրվա առիթով Մայր Աթոռ Սուրբ Էջմիածնից Հայրապետական Մեր օրհնությունն ու աղոթքներն ենք բերում Ձեզ, Արցախի պետական այրերին և հավատավոր Մեր զավակներին։

Անկախության 30-ամյա հոբելյանը մեր ժողովուրդը դիմավորում է դժվարին պայմաններում, վիրավոր և վշտացյալ, բայց և՝ հարազատ Արցախ աշխարհը շենացնելու աննկուն կամքով ու հավատքով։ Արցախի անկախության անցնող տարիները ազգային տարեգրության մեջ արձանագրվեցին իբրև արցախահայության իրավունքների համար մաքառման, պետականության կայացման և ազատ ու արժանապատիվ կյանքի տեսլականի իրագործման էջեր։ Արցախն իր ազատատենչությամբ, ոգեղենությամբ և պատմական հայրենիքի փոքրիկ բեկորի ձգողականությամբ իր շուրջ համախմբեց համայն հայությանը։ Հայոց նոր կյանքի արշալույսի օրրանը լինելով՝ Արցախն այսօր էլ միավորում է մեր ժողովրդին ազգային վերելքի տեսլականով՝ ընդդեմ բոլոր մարտահրավերների։

2020 թվականի սոսկալի պատերազմը պատճառ դարձավ մարդկային և տարածքային մեծ կորուստների, ահռելի ավերների, առ այսօր շարունակվող թշնամական նկրտումների և սպառնալիքների։ Հակառակ ցավալի այդ իրողության, Հայաստանում և ամենուր աշխարհում ամենքիս պատասխանը պետք է լինի մշտամնա հոգածությունը Արցախի հանդեպ, աննահանջ ջանքն ու եռանդը՝ հանուն Արցախի մեր հայրենակիցների խաղաղ ու ապահով կյանքի, հանուն կորուստների վերականգնման։ Այսպիսին պետք է լինի արժևորումը հազարավոր մեր հերոս զավակների նահատակության։

Մեր աղոթքն է, որ Բազումողորմ Տերը հոգու արիություն և ամուր հավատ պարգևի Արցախի Մեր հավատավոր զավակներին՝ իրենց հատուկ լավատեսությամբ շարունակելու հետամուտ լինել իրենց իրավունքների պաշտպանությանը և շենացնել հայրենի երկիրը։ Թող Աստված զորավիգ լինի Ձեզ, մեծարգո Նախագահ, Ազգային ժողովի պատգամավորներին և պետական այրերին՝ ամենայն հանձնառությամբ և պատասխանատվությամբ դիմագրավելու Արցախի առջև ծառացած մարտահրավերներն ու դժվարությունները»։


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ԱՍՄՀ նախարարությունը ներկայացրել է 50 հազար դրամ միանվագ դրամական աջակցության շահառուների ցանկը

Քովիդի դեմ պայքարը խստացվում է. որոշումն ուժի մեջ է մտնում հոկտեմբերի 13-ից

Ունենք վիրավորներ. այս պահին շփման գծի ողջ երկայնքով իրավիճակը հարաբերական կայուն է. ՊԲ

ՀՀ կառավարությունը հաստատել է Արցախի տեղահանված կամ բնակելի անշարժ գույքը կորցրած քաղաքացիներին դրամական օգնություն տրամադրելու որոշումը

ՀՀ կառավարությունն Արցախից տեղահանվածներին դրամական նոր աջակցություն կտրամադրի

Արական սեռի քաղաքացիներին անձնագրերը կտրամադրվեն ոչ թե մինչև 18, այլ մինչև 19 տարին լրանալը

Ադրբեջանը հայտարարել է, որ Հայաստանի պահանջով «ռազմավարի պուրակից» հեռացրել է բոլոր մանեկեններն ու սաղավարտները

Ամենայն հավանականությամբ, վաղը Հայաստան կվերադառնա գերիների նոր խումբ․ աղբյուր

Որևէ մեկի կյանքին վտանգ չի սպառնում. պետնախարարն այցելել է վիրավորներին

Search