Artsakhpress

Վերլուծական

Քաղաքագետի խոսքով՝ Ռուսաստանը հասկացել է, որ խաբվել է՝ համագործակցության գնալով Թուրքիայի և Ադրբեջանի հետ

Քաղաքագիտության դոկտոր, պրոֆեսոր Գարիկ Քեռյանի խոսքով՝ Ռուսաստանը վերջին շրջանում աստիճանաբար փոխում է իր շեշտադրումները Արցախի հարցում դեպի ավելի հայանպաստ դիրքորոշում՝ հասկանալով, որ խաբվել է Թուրքիայի և Ադրբեջանի կողմից՝ նրանց հետ գնալով համագործակցության:

Քաղաքագետի խոսքով՝ Ռուսաստանը հասկացել է, որ խաբվել է՝ համագործակցության գնալով Թուրքիայի և Ադրբեջանի հետ

Քաղաքագետի խոսքով՝ Ռուսաստանը հասկացել է, որ խաբվել է՝ համագործակցության գնալով Թուրքիայի և Ադրբեջանի հետ

ՍՏԵՓԱՆԱԿԵՐՏ, 7 սեպտեմբերի, ԱՐՑԱԽՊՐԵՍ-ԱՐՄԵՆՊՐԵՍ«Արմենպրես»-ի հետ զրույցում Գարիկ Քեռյանը նշեց, որ դա տեղի է ունենում՝ չնայած այն հանգամանքին, որ Մոսկվան լուրջ տարաձայնություններ ունի ԵԱՀԿ Մինսկի խմբի արևմտյան գործընկերների՝ Ֆրանսիայի և Միացյալ Նահանգների հետ, այդ թվում՝ Արցախի կարգավիճակի հարցի վերաբերյալ:

«Ռուսաստանը սկսել է իր «դրեյֆը» դեպի հայանպաստ դիրքորոշում: Այսինքն՝ Ռուսաստանն էլ է ասում՝ «գիտեք, հարցը լուծված չէ. դեռ կարգավիճակ պիտի ճշտենք», և այլն, և այլն: Այստեղ հարց է առաջանում, թե ինչո՞ւ Ռուսաստանը սկսեց «դրեյֆել» դեպի ավելի հայանպաստ կողմ, և այս առումով ստեղծվեց որոշակի կոնսենսուս (փոխհամաձայնություն) Ռուսաստանի, Ֆրանսիայի և Միացյալ Նահանգների միջև ԵԱՀԿ Մինսկի խմբի գործընթացը վերակենդանացնելու շուրջ: Սրա հարցի պատասխանն էլ կա: Ռուսները շատ կոպիտ, պարզունակ սխալ էին գործել՝ Արցախի հարցում գնալով համագործակցության Թուրքիայի և Ադրբեջանի հետ», -  ասել է ԵՊՀ Քաղաքական ինստիտուտների և գործընթացների ամբիոնի վարիչ Գարիկ Քեռյանը՝ ընդգծելով, որ որպես պատմաբան և քաղաքագետ՝ չի կարողանում հասկանալ, թե ինչպե՞ս է Թուրքիային հաջողվում համագործակցության ձևաչափեր գտնել Մոսկվայի հետ՝ 300 տարի շարունակ խաբելով ռուսներին, գործելով ռուսական շահերի դեմ և ամեն անգամ հարվածելով Ռուսաստանին թիկունքից:
Գարիկ Քեռյանի խոսքով՝ Մոսկվայում դա հասկացան այն բանից հետո, երբ Թուրքիայի ղեկավարությունը, առանց հաշվի առնելու այն, ինչ ստացել էր Ռուսաստանից, մասնավորապես՝ ատոմակայանը, «Հարավային հոսք» գազատարը, Ս-400 զենիթահրթիռային համալիրները, ինչպես նաև Սիրիայի հարցում ստացած զիջումները, արտգործնախարար Չավուշօղլուին ուղարկեց Կիև մասնակցելու «Ղրիմյան պլատֆորմ» գագաթաժողովին, որտեղ Թուրքիայի արտգործնախարարը հայտարարեց, որ «Ղրիմը Ուկրաինայի անբաժան մասն է»:
«Ղրիմի հարցը ռուսների համար շատ ցավոտ է՝ ինչպես մեզ համար՝ Արցախի հարցը: Ղրիմը իրենց համար սրբություն է: Եվ այսքան տարվա ընդմիջումից հետո, երբ Ռուսաստանին վերջապես հաջողվեց վերադարձնել Ղրիմը, ինչ-որ Չավուշօղլու իրեն իրավունք է վերապահում հայտարարելու, որ «Ղրիմը Ռուսաստանինը չէ և Թուրքիան անելու է ամեն ինչ, որ Ղրիմը վերադառնա Ուկրաինային»:
Ահա այստեղ սկսվեց Ռուսաստանի հակազդեցությունը, և ռուսները հասկացան, որ սխալ են գործել, որ նախ՝ թողել են, որ պատերազմն ավարտվի նման արդյունքով, և երկրորդ՝ թույլ են տվել թուրքական ազդեցության ներթափանցումը Հարավային Կովկաս: Եվ խաբվել են նաև Ադրբեջանի հարցում: Մոսկվայի հիմնական նպատակն էր Ադրբեջանի ներքաշումը դեպի եվրասիական ինտեգրացիոն գոտի: Եվ ամեն անգամ Ալիևը սակարկում էր՝ ասելով, թե «Ղարաբաղի հարցը լուծեք, ես կգամ»: Հիմա տեսան, որ «լուծումից» հետո ոչ թե եկավ, այլ ընդհակառակը՝ կորցրեցին Ադրբեջանը», - բացատրել է քաղաքագետը:
Զրուցակցի խոսքով՝ գուցե պարադոքս թվա, բայց այսօր Արցախի հարցի արմատական քննարկման համար ավելի բարենպաստ պայմաններ են ստեղծվել, քան մինչև պատերազմն էր: Միակ խնդիրն այն է, որ շատ դժվար կլինի ադրբեջանական կողմին նստեցնել բանակցային սեղանի շուրջ:
«Քանի որ բանակցային սեղանին մնացել է միայն Արցախի կարգավիճակի հարցը, ինձ թվում է՝ Ադրբեջանը ոչ մի պայմանով չի նստի բանակցությունների սեղան: Իսկ եթե հանկարծ ու մեկ էլ համանախագահները մեջբերեն ԼՂԻՄ-ի (Լեռնային Ղարաբաղի ինքնավար մարզ, - խմբ.) տարածքային ամբողջականության վերականգնման կետը, որը կստիպի Հադրութը և Շուշին բերել ինչ-որ մի ընդհանուր վարչական միավորի մեջ, ապա դա իրենց համար նշանակում է ազդեցության կորուստ: Դրա համար Ադրբեջանը և Թուրքիան չեն գնա բանակցությունների: Կխոսեն, կտանեն-կբերեն, կձգձգեն՝ ինչպես 26 տարի ձգձգվել է բանակցային պրոցեսը», - ասում է քաղաքագետը:
Գարիկ Քեռյանի կարծիքով՝ բացառվում է, որ Ադրբեջանը, առանց լուրջ պատժամիջոցների ենթարկվելու, ճանաչի Արցախի կարգավիճակը: Ընդ որում, ըստ մասնագետի՝ կան «շատ հետաքրքիր ու էֆեկտիվ պատժամիջոցներ», որոնք արդյունք կտան ընդամենը մի քանի օրում:
Իսկ եթե ուզում ենք իմանալ՝ Ադրբեջանը համաձայնություն կտա բանակցությունների վերսկսմանը Մինսկի խմբի ձևաչափով, թե ոչ, ապա նախ պետք է պարզենք՝ ի՞նչ դիրքորոշում ունի այդ հարցում Թուրքիան, քանի որ Ադրբեջանական Հանրապետությունը, Գարիկ Քեռյանի խոսքով, վաղուց արդեն անկախ պետություն չէ, այլ՝ Թուրքիայի պրոտեկտորատի տակ գտնվող տարածք:
«Եթե ուզում եք իմանալ՝ Ադրբեջանը կնստի բանակցությունների, թե չի նստի, ապա պետք է փոխեք Ձեր հարցը՝ Թուրքիան կնստի՞ բանակցությունների, թե՞ չի նստի: Իսկ Թուրքիան, ինչպես գիտեք, թքած ունի ամեն ինչի վրա: Պետք լինի՝ ամերիկացիների դեմ էլ են գնում, ու Ամերիկան ոչինչ չի կարողանում անել: Դրա համար ես ենթադրում եմ, որ կարող է՝ կա՛մ ձգձգեն բանակցությունները, կա՛մ խաբեն, կա՛մ էլ ընդհանրապես չգան», - մեկնաբանել է քաղաքագետը:
Սեպտեմբերի 2-ին Ռուսաստանի Դաշնության արտգործնախարարության պաշտոնական ներկայացուցիչ Մարիա Զախարովան ասել է, որ Մոսկվան աջակցում է առկա մանդատի հիման վրա ղարաբաղյան կարգավորման շուրջ ԵԱՀԿ Մինսկի խմբի համանախագահների աշխատանքի ակտիվացմանը: Զախարովան նաև հայտնել է, որ Մինսկի խմբում Ռուսաստանի նոր համանախագահ Իգոր Խովաեւը տարածաշրջանային ուղևորություն է կատարում: ՌԴ համանախագահը Բաքվում հանդիպել է Ադրբեջանի ԱԳ նախարար Ջեյհուն Բայրամովի հետ, իսկ սեպտեմբերի 6-ին Երևանում նրան ընդունել է Հայաստանի ԱԳ նախարար Արարատ Միրզոյանը:
 
Արամ Սարգսյան

     

Քաղաքական

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց

Եվրանեսթ խորհրդարանական վեհաժողովը ԵՄ-ին կոչ է արել մեծացնել մարդասիրական և ֆինանսական օգնությունը ԼՂ-ից բռնի տեղահանված բնակչության շրջանում անչափահասների կարիքները բավարարելու համար։

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Հայաստանում աշխատանքի է տեղավորվել ԼՂ-ից տեղահանված շուրջ 12 հազար անձ

Հայաստանում աշխատանքի են ընդունվել Լեռնային Ղարաբաղից բռնի տեղահանված բավականին մեծ թվով անձինք։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search